BAKI, 24 fevral — Sputnik. "Russneft" ixrac üçün nəzərdə tutulan nefti müntəzəm rejimdə tədarük edir.
Bu barədə şirkətdən TASS-a bildirilib.
Bundan başqa, Rusiya Federasiyasından təbii qazın tədarükü də normal rejimdə davam edir. "Qazprom" Avropadan olan istehlakçıların müraciətlərinə uyğun olaraq Ukrayna ərazisindən tranzit üçün müntəzəm təbii qaz tədarük edir - fevralın 24-də 83 milyon kubmetr təbii qaz ixrac olunub", – deyə sözügedən şirkətdən bildirilib.
"Moldovaqaz"dan verilən məlumata görə, Rusiyadan Ukrayna vasitəsilə Moldovaya təbii qazın tədarükü də müntəzəm rejimdə həyata keçirilir.
"Moldova Respublikasına təbii qazın tədarükü hazırkı mərhələdə standart texniki rejimdə və təchizatçı ilə müqavilə öhdəliklərinə tam uyğun olaraq həyata keçirilir. "Moldovaqaz" SC-nin mütəxəssisləri vəziyyəti daim nəzarətdə saxlayırlar", - deyə şirkətdən bildirilib.
Rusiyadan daha çox qaz tədarükü və qiymət artımı
Qeyd edək ki, bir qədər bundan əvvəl qiymət artımı və Rusiyaya geosiyasi təzyiqin artması fonunda avropalı istehlakçılar tərəfindən "Qazprom"-un tədarük etdiyi təbii qaza tələbat kəskin şəkildə artıb.
İdxalçıların bu davranışı Avropa Komissiyasının sədri Ursula fon der Leyenin elan etdiyi ümumi xəttə ziddir: "Biz indi həqiqətən Rusiya qazından asılılıqdan qurtulmaqda qərarlıyıq", - deyə o, çərşənbə günü Brüsseldə bəyan etmişdi.
Bu gün Rusiya Federasiyası ilə Ukrayna arasında yaranan gərgin vəziyyət fonunda Londonun ICE birjasında 2022-ci ilin aprel ayında tadarük oluncaq "Brent" markalı neftin fyuçers qiyməti 6,66% artaraq bir barel üçün 103,29 dollar təşkil edib. Bunu ticarət platformasının Bakı vaxtı ilə saat 11:36-dakı məlumatı təsdiqləyir.
Bundan başqa, Avropada qazın mart fyuçerslərinin qiyməti ticarət əqdinin əvvəlində demək olar ki, 30% artaraq min kubmetr üçün 1300 dollardan yuxarı olub. Ümumiyyətlə, son günlər qazın qiyməti geosiyasi risklərin güclənməsi fonunda kəskin artıb. Əgər bazar ertəsi günü qiymət təxminən 850 dollar idisə, iki gün ərzində 22,5% artaraq çərşənbə günü təxminən 1050 dollara çatıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Həmçinin oxuyun: