BAKI, 15 dekabr — Sputnik. Bazar ertəsi və cümə günü avtobusda ilk gediş pulsuz olacaq.
Sputnik Azərbaycan-ın xəbərinə görə, bu barədə Mərkəzi Bankda “Rəqəmsal həllər və təhlükəsizlik” mövzusunda mətbuat nümayəndələri üçün keçirilən onlayn təlimdə “Mastercard”ın Türkiyə üzrə təmsilçisi Cem Yıldız deyib.
Onun sözlərinə görə, artıq Şamaxı ictimai nəqliyyatında "MasterCard" vasitəsi ilə təmassız ödəniş mümkün olacaq: "Şamaxı ictimai nəqliyyatında "MasterCard" kartınızla təmassız ödəyib, bazar ertəsi və cümə günləri ödənişsiz gedişlərdən zövq almaq mümkün olacaq".
Qeyd edək ki, bu, Azərbaycanda yenilikdir.
Xatırladaq ki, "MasterCard" təmassız ödənişləri təşviq etmək üçün Azərbaycanda çoxsaylı layihələr icra edir.
Bu yaxınlarda qərar verilib ki, Bakı və Sumqayıtın ictimai nəqliyyatında vahid ödəniş sistemindən - "BakıKart"dan istifadə olunsun. Buna səbəb isə avtobuslarda quraşdırılmış validator aparatları və istifadə edilən ödəniş kartlarının insanlara problem yaşatması olub.
Eləcə də oxuyun:
* Nəqliyyatda problem yaşadan kartların istifadəsi dayandırıldı - Yenisi necə olacaq?
* Şayiələrə aydınlıq gətirildi: Bakıda avtobus və metroda gedişhaqqı yeni üsulla ödəniləcək