BAKI, 14 dekabr — Sputnik. Azərbaycan Xarixi İşlər Naziri Ceyhun Bayramovun Ermənistana yönəlmiş açıqlamaları Brüssel görüşü öncəsi mənzərəni təsvir edir. Ceyhun Bayramov Azərbaycana qarşı təxribatlar haqqında danışarkən bildirib ki, belə təxribatlara əl atmaqla Ermənistan heç nəyə nail olmayacaq və bunun çox ağır və ağrılı nəticələrini yaşayacaq.
Sputnik Azərbaycan Brüssel görüşü öncəsi baş verənlər fonunda XİN rəhbərinin açıqlamaları ilə bağlı millət vəkili
Elşad Mirbəşiroğlunun və politoloq
Fərhad Məmmədovun fikirlərini öyrənib.
Millət vəkili Elşad Mirbəşiroğlu bildirib ki, Ermənistanın təxribatlar törətməsi yeni deyil, xüsusən də yeni mərhələdə:
Millət vəkili qeyd edib ki, Ermənistan sülh sazişini imzalamaqdan da yayınır. Onun sözlərinə görə, Ermənistanın siyasi rəhbərliyi də yekun sülh sazişini imzalamağın onların siyasi kariyerasının sonu olacağını yaxşı dərk edirlər:
"Ermənistan cəmiyyətində ötən ilin 10 noyabrında imzalanmış üçtərəfli bəyanata görə gərginlik səngimək bilmir. Paşinyana qarşı olan müxalifətin güclərini birləşdirməkdə olduğunu görürük. Onlar gözləyir ki, Paşinyan Azərbaycanın maraqlarına uyğun hər hansı addım atsın".
Soçi görüşündə Ermənistan sənəd imzalamağa məcbur oldu deyən millət vəkili hesab edir ki, Brüssel görüşündən Ermənistanın çıx böyük gözləntiləri vardı:
Politoloq Fərhad Məmmədov isə deyir ki, Ermənistan tərəfi post-konflikt dövrünə aid olan məsələrin həllini əngəlləmək istəyir. Onun fikrincə, qarşı tərəf təxribatlarla vaxt udmaq istəyir:
"Brüssel görüşü ərəfəsində hər hansı iri miqyaslı təxribat ola bilər. Paşinyanın bütün hakimiyyəti dövründə verdiyi bəyanatlar dəyişkən mövqedə olduğunu ortaya qoyur. Daxildən olan təhlükə paşinyan üçün o qədər də təhlükəli deyil. Təxribatlardan ən çox ziyan çəkən də Ermənistandır. Əgər o təxribatların qarşısını alacaq addımlar atmasa, ölkəsinin mövqeləri daha da zəifləyəcək" – deyə politoloq bildirib.