Nazirlər parlamentdə - gələn ilin dövlət büdcəsi müzakirə olunur

BAKI, 10 noyabr — Sputnik. Milli Məclisin Milli Məclisin İqtisadi siyasət, sənaye və sahibkarlıq komitəsinin iclası keçirilir.

Sputnik Azərbaycan xəbər verir ki, iclasda 2022-ci ilin büdcə zərfinə daxil olan sənədlər müzakirə edilir.

İclasda iqtisadiyyat naziri Mikayıl Cabbarov, maliyyə naziri Samir Şərifov, əmək və əhalinin sosial müdafiəsi naziri Sahil Babayev, Hesablama Palatasının sədri Vüqar Gülməmmədov, Mərkəzi Bankın sədri Elman Rüstəmov, deputatlar iştirak edirlər.

Büdcə zərfinə “Azərbaycan Respublikasının 2022-ci il dövlət büdcəsi haqqında”, “Dövlət Sosial Müdafiə Fondunun 2022-ci il büdcəsi haqqında”, “İşsizlikdən sığorta fondunun 2022-ci il büdcəsi haqqında”, “Azərbaycan Respublikasında 2022-ci il üçün yaşayış minimumu haqqında”, “Azərbaycan Respublikasında 2022-ci il üçün ehtiyac meyarının həddi haqqında” qanun layihələri və s. daxildir.

* Gələn il dövlət büdcəsindən təhsilə nə qədər vəsait ayrılacaq?

* Sosial müdafiə və sosial təminat xərcləri üçün ayrılacaq vəsait açıqlanıb

* Gələn il Azərbaycanda pandemiya ilə mübarizəyə 350 milyon manat ayrılacaq