BAKI, 22 oktyabr — Sputnik. Çexiyada "Yablonets" və Danimarkanın "Randers" klubları arasında UEFA Avropa Konfrans Liqasının qrup matçını Əliyar Ağayevin rəhbərlik etdiyi hakimlər briqadası idarə edib.
Sputnik Azərbaycan AFFA-nın rəsmi saytına istinadən xəbər verir ki, referi köməkçisi Zeynal Zeynalovun oyunöncəsi COVID-19 testi pozitiv nəticələndiyi üçün dördüncü hakim funksiyasını yerinə yetirməli olan Elçin Məsiyev Akif Əmirəli ilə birlikdə yan xətt hakimi kimi fəaliyyət göstərib. Matçın dördüncü hakimi isə çexiyalı Yan Petrik olub.
Ağayev, Məsiyev və Əmirəli oktyabrın 23-də Bakıya qayıdacaqlar, Zeynalov isə bir neçə gün Çexiyada karantin rejimində qalacaq.
Qeyd edək ki, görüş 2:2 hesabı ilə başa çatıb.
Xatırladaq ki, ötən ilin noyabr ayında “Qarabağ”ın baş məşqçisi Qurban Qurbanov koronavirusa yoluxmuşdu. Bu ilin oktyabrın əvvəli 17 yaşadək futbolçulardan ibarət Azərbaycan millisinin oyunları da koronavirusa görə təxirə salınmışdı. Səbəb yığmamızın 3 futbolçusunun koronavirusa yoluxması idi.
Eləcə də oxuyun:
* "Kayrat" komandasını aparan təyyarə Almatıda qəzaya uğradı
* Fotolent: "Qarabağ"-ın "Kayrat" üzərində qələbəsi şəkillərdə
* Səudiyyə Ərəbistanının aldığı "Nyukasl"a transfer limiti qoyulub