BAKI, 14 avqust — Sputnik. Biləsuvar rayonunda dəhşətli hadisə baş verib. Sputnik Azərbaycan xəbər verir ki, hadisə bu gün, təxminən saat 7-8 arasında rayonun İsmətli kəndində qeydə alınıb.
Həmin kənddə yaşayan, 1992-ci il təvəllüdlü Gülər İmanzadə 1 yaşı olan övladıni su kanalına atıb. Nəticədə uşaq suda boğulub. Hazırda hadisə yerinə polis və prokurorluq əməkdaşları cəlb edilib. Hadisənin təfərrüatı dəqiqləşdirilir.
Verilən məlumata görə, gəlin ailədə davamlı zorakılıq görüb. Dünən gecə də evdə döyülən qadın yaxınlıqda su tapmadığından kəndin girişində, qəbristanlığın yanından axan şor kanala qədər gedib, orada bir az sulu yer tapıb və özüylə birgə övladını kanala atıb. Ancaq kəndin kanalında uzun müddətdən bəri su olmadığından üç ilin gəlini olan qadına heç nə olmayıb, yosunların arasında itən uşaq isə tələf olub.
Faktla bağlı araşdırma aparılır.
Qeyd edək ki, son vaxtlar bir neçə şəhər və rayonda anaların uşaqlarını atması faktları qeydə alınır. Bakıda, Sumqayıtda, Ucarda, Ağcabədidə, Bərdədə əsasən yeni doğulmuş körpələr anaları tərəfindən küçəyə, hətta zibilliyə atılıb.
Eləcə də oxuyun:
Uşağını küçəyə atan qadını doğma anası da evdən qovdu - Təfərrüat
Son on beş gündə üçüncü körpə küçəyə atılıb
Ucarda dəmir yolundan tapılmış yenidoğulmuş uşaq ortalıqda qalıb: Adını Tapdıq qoyublar