DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Tramp: ABŞ-da səkkizinci sinif şagirdlərinin çoxu kitabı üzündən oxumağı pis bacarır

© AP Photo / Evan VucciDonald Tramp, arxiv
Donald Tramp, arxiv - Sputnik Azərbaycan, 1920, 30.01.2025
Abunə olmaq
Tramp təhsil azadlığına yönəlmiş yeni proqramlar yaratmağı təklif edib, aztəminatlı ailələrin təhsil seçimlərini genişləndirmək üçün maddi yardım ala biləcəklərini, hərbi ailələrə də dəstək veriləcəyini açıqlayıb.
BAKI, 30 yanvar — Sputnik. ABŞ-da səkkizinci sinif şagirdlərinin üçdə ikisindən çoxu üzündən oxu və riyaziyyatdan zəif nəticələr göstərirlər.
Bunu ABŞ Prezidenti Donald Tramp bildirib.
Onun sözlərinə görə, 8-ci sinif şagirdlərinin 70%-i oxu, 72%-i isə riyaziyyat fənni üzrə lazımi səviyyəyə çatmayıblar. Bu, Trampın fikrincə, təhsil sisteminin effektiv olmamasından xəbər verir və öz növbəsində ölkənin rəqabət qabiliyyətinə təsir edir.
Prezident qeyd edib ki, yaxşı məktəblərin yaxınlığında mənzillərin qiymətləri artır, çünki uşaqlar yaşadıqları yer üzrə dövlət müəssisələrinə qəbul olunurlar. Bu da bir çox ailələri övladlarının gələcəyi naminə fədakarlıq etməyə məcbur edir.
Tramp təhsil azadlığına yönəlmiş yeni proqramlar yaratmağı təklif edib. O, həmçinin, aztəminatlı ailələrin təhsil seçimlərini genişləndirmək üçün maddi yardım ala biləcəklərini, hərbi ailələrə də dəstək veriləcəyini açıqlayıb.
Bundan əvvəl iki Azərbaycan universitetinin ilk dəfə olaraq "Şanxay reytinqi"ndə TOP 500-də yer aldığı barədə məlumat verilmişdi.
Xəbər lenti
0