DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Pakistan Əfqanıstanda müasir ABŞ silahlarına görə narahatdır

İraqda ABŞ bazası - Sputnik Azərbaycan, 1920, 30.01.2025
Abunə olmaq
Xarici İşlər Nazirliyinin sözçüsü qeyd edib ki, bu silahlar terror təşkilatları, o cümlədən qadağan olunmuş "Təhrik-e Taliban Pakistan" tərəfindən Pakistanda terror aktları törətmək üçün istifadə edilib.
BAKI, 30 yanvar — Sputnik. Pakistan Əfqanıstanda müasir ABŞ silahlarının olmasından narahatdır. Bu barədə Pakistan Xarici İşlər Nazirliyinin sözçüsü Şəfqət Əli Xan bildirib.
"2021-ci ilin avqustunda ABŞ qoşunlarının çıxarılmasından sonra Əfqanıstanda ABŞ-ın qabaqcıl silahlarının olması Pakistanın və onun vətəndaşlarının təhlükəsizliyi üçün dərin narahatlıq doğurur", Əli Xan bildirib.
Xarici İşlər Nazirliyinin sözçüsü qeyd edib ki, bu silahlar terror təşkilatları, o cümlədən qadağan olunmuş "Təhrik-e Taliban Pakistan" tərəfindən Pakistanda terror aktları törətmək üçün istifadə edilib.
"Biz dəfələrlə Kabilin de-fakto hakimiyyətini bu silahların yanlış əllərə keçməməsi üçün bütün lazımi tədbirləri görməyə çağırmışıq", - o əlavə edib.
2021-ci il avqustun əvvəlində Taliban (hərəkət terror fəaliyyətinə görə BMT-nin sanksiyaları altındadır) Əfqanıstan hökumət qüvvələrinə qarşı hücumlarını gücləndirib, avqustun 15-də Kabilə daxil olub. Avqustun son iki həftəsi ərzində ABŞ hərbçilərinin himayəsində olan Kabil hava limanından Qərb ölkələrinin vətəndaşları və onlarla əməkdaşlıq edən əfqanlar kütləvi şəkildə təxliyə edilib. Avqustun 31-nə keçən gecə ABŞ hərbçiləri Kabil hava limanını tərk edərək, ABŞ-ın Əfqanıstanda təxminən 20 illik hərbi mövcudluğuna son qoyub.
Xəbər lenti
0