DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Donald Tramp Rusiya və ABŞ-ın nüvəsizləşdirilməsi ilə bağlı açıqlama verib

© AP Photo / Seth WenigDonald Tramp
Donald Tramp  - Sputnik Azərbaycan, 1920, 25.01.2025
Abunə olmaq
Prezident qeyd edib ki, o, artıq Putinlə Rusiya və ABŞ-ın nüvəsizləşdirilməsi məsələsi üzərində çalışıb.
BAKI, 25 yanvar - Sputnik. ABŞ Prezidenti Donald Tramp rusiyalı həmkarı Vladimir Putinlə Rusiya və ABŞ-ın nüvəsizləşdirilməsi ilə bağlı razılığa gələ biləcəyini bildirib.
Bu sözləri ABŞ lideri “Fox News” telekanalına müsahibəsində deyib.
O, xatırladıb ki, o, artıq prezident Putinlə Rusiya Federasiyası və ABŞ-ın nüvəsizləşdirilməsi məsələsi üzərində çalışıb.
“Biz daha sonra Çini bu prosesə cəlb etməyi planlaşdırırdıq, çünki onların arsenalı bizə nisbətən çox azdır. Mən bu razılaşmanı əldə etməyə çox yaxın idim. Mən Putinlə nüvəsizləşdirilmə ilə bağlı müqavilə bağlayardım”, - Donald Tramp bildirib.
Həmin müsahibədə Tramp Ukrayna münaqişəsinə dərhal son qoyulmasını tələb edib. Amerikalı siyasətçi hesab edir ki, ölkə “viran qalıb” və buna görə də Kiyev rejiminin başçısı Vladimir Zelenski günahkardır.
Bundan əlavə, ABŞ prezidenti Rusiya lideri Vladimir Putinlə görüşün mümkün qədər tez təşkil edilməsi arzusunu ifadə edib. Onun fikrincə, Rusiya Ukraynadakı böhranının həlli üçün saziş bağlamağa çalışmalıdır. O əlavə edib ki, mövcud məlumatlara əsasən, Rusiya lideri də görüşün keçirilməsində maraqlıdır.
Xəbər lenti
0