DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

ABŞ Maliyyə Nazirliyi defoltun qarşısını almaq üçün təcili tədbirlər elan edib

© Sputnik / Aleksey Agaryishev / Mediabanka keçidABŞ Maliyyə Nazirliyinin binası
ABŞ Maliyyə Nazirliyinin binası - Sputnik Azərbaycan, 1920, 19.01.2025
Abunə olmaq
Canet Yellen bu tədbirlərin martın 14-dək qüvvədə olacağını bildirib və qanunvericiləri mənfi nəticələrin qarşısını almaq üçün operativ hərəkətə çağırıb.
BAKI, 19 yanvar - Sputnik. ABŞ Maliyyə Nazirliyi yanvarın 21-də dövlət borcunun maksimum səviyyəsinə çatması ilə bağlı defoltun qarşısının alınması məqsədilə fövqəladə tədbirlər həyata keçirməyə başlayacaq.
Bu barədə ABŞ Maliyyə Nazirliyinin rəhbəri Canet Yellen Konqres rəhbərliyinə məktubunda bildirib.
Sənəddə o, bu tədbirlərin martın 14-dək qüvvədə olacağını bildirib və qanunvericiləri mənfi nəticələrin qarşısını almaq üçün operativ hərəkət etməyə çağırıb.
Yellen qeyd edib ki, fövqəladə tədbirlərin qüvvədə olduğu dövrdə "əhəmiyyətli qeyri-müəyyənlik", o cümlədən aylar əvvəldən hökumət ödənişləri və daxilolmaları proqnozlaşdırmaqda çətinliklər olacaq. O, mümkün defoltla bağlı riskləri minimuma endirmək üçün Konqresin mövcud vəziyyətə tez reaksiya verməsinin vacibliyini vurğulayıb.
Bundan əvvəl ABŞ Maliyyə Nazirliyi anti-Rusiya sanksiyalar siyahısının genişləndirildiyini açıqlamışdı. Məhdudiyyətlər, xüsusən, “Qazpromneft” və “Surqutnefteqaz” şirkətlərinə, eləcə də onların törəmə şirkətlərinə şamil edilir.
Xəbər lenti
0