https://sputnik.az/20241224/fransaya-casusluqda-ittiham-edilen-sexslerin-mehkemesi-baslayir-469600440.html

Fransaya casusluqda ittiham edilən şəxslərin məhkəməsi başlayır

Fransaya casusluqda ittiham edilən şəxslərin məhkəməsi başlayır

Sputnik Azərbaycan

Həmin cinayət işi üzrə Martin Ryanla yanaşı, Azərbaycan Respublikasının vətəndaşı Azad Məmmədlinin dövlətə xəyanət ittihamı ilə mühakimə olunacağı bəlli olub. 24.12.2024, Sputnik Azərbaycan

2024-12-24T10:26+0400

2024-12-24T10:26+0400

2024-12-24T10:26+0400

fransa

azərbaycan xəbərləri

məhkəmə

azərbaycan

https://cdnn1.img.sputnik.az/img/07e7/0c/1d/461660238_0:160:3072:1888_1920x0_80_0_0_d960d13f715949bdafb5e5abc3f30ad9.jpg

BAKI, 24 dekabr — Sputnik. Fransaya casusluqda ittiham edilən şəxslərin məhkəməsi başlayır. Sputnik Azərbaycan-ın APA-ya istinadən məlumatına görə, Fransaya casusluqda ittiham edilərək həbs olunan Martin Ryan barəsində Azərbaycan Respublikası Dövlət Təhlükəsizliyi Xidmətində aparılan cinayət işinin ibtidai istintaqı yekunlaşıb. İş baxılması üçün Bakı Ağır Cinayətlər Məhkəməsinə göndərilib. Məhkəmə prosesinə hakim Elmin Rüstəmov sədrlik edəcək. Qeyd edək ki, Martin Ryan və digərləri 2023-cü il dekabrın 4-də həbs olunub. "Merkorama" MMC-nin baş direktoru olan Martin Ryana qarşı casusluq ittihamı irəli sürülüb. İttihama görə, Martin Ryan onu məxfi əməkdaşlığa cəlb edən, sonradan Bakıdan "persona non-grata" elan edilərək qovulmuş Fransanın DGSE (Xarici Təhlükəsizlik Baş İdarəsi) əməkdaşları tərəfindən agent-casus kimi istifadə edilib. Həmin cinayət işi üzrə Martin Ryanla yanaşı, Azərbaycan Respublikasının vətəndaşı Azad Məmmədlinin dövlətə xəyanət ittihamı ilə mühakimə olunacağı bəlli olub. Məlum olduğu kimi, geniş casus şəbəkəsinin ifşasından və xidməti uğursuzluqlardan sonra 2023-cü il dekabr ayının 20-də Fransa Xarici Təhlükəsizlik Baş İdarəsinin (DGSE) rəisi Bernar Emye həmin vəzifəsindən azad edilib.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2024

xəbərlər

ru_AZ

fransa, məhkəmə, azərbaycan