Tarixdə bu gün: 21 dekabr – FOTO
© Sputnik / Elnur Salayev
Abunə olmaq
Bu gün müxtəlif illərdə dünyada və ölkədə baş verən hadisələr barədə Sputnik Azərbaycan-ın icmalında oxuyun.
BAKI, 21 dekabr — Sputnik. Dekabrın 21-də bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəlib. Bu gün həmçinin tarixə düşən hadisələr də baş verib.
Dekabrın 21-də kimlər anadan olub?
Ziya Bünyadov (1923-1997) - Azərbaycan alimi, şərqşünası, Azərbaycan Elmlər Akademiyasının akademiki və Böyük Vətən Müharibəsi veteranıdır.
Ziya Bünyadov
© Sputnik / Селимханов
Ömər Eldarov (1927) – Azərbaycanın xalq rəssamı, heykəltəraş və Azərbaycan Dövlət Rəssamlıq Akademiyasının rektorudur (2001-2023).
Robert Broun (1773-1858) - britaniyalı botanik, "Broun hərəkətin"in kəşfçisidir (maye və qazda asılı halda olan və görünən mikroskopik hissəciklərin istilik hərəkətinin riyazi ifadəsidir).
Ceyn Fonda (1937) - amerikalı aktrisa, model, yazıçı, prodüser, ictimai fəal və xeyriyyəçidir. O, iki "Oskar", beş "Qızıl Qlobus", iki BAFTA və bir "Emmi" mükafatları laureatıdır.
Ceyn Fonda
© Richard Shotwell / Invision / AP
Semüel L. Cekson (1948) - ABŞ kino və televiziya aktyoru, prodüserdir. O, 100-dən çox filmdə rol alıb, bir çox mükafatlara sahib olub.
Semüel L. Cekson
© AP Photo / Matt Sayles
Emmanuel Makron (1977) – 2017-ci ildən Fransa prezidentidir.
Fransa prezidenti Emmanuel Makron
© AP Photo / Martin Meissner
Frenk Zappa (1940-1993) - amerikalı bəstəkar, müğənni, prodüser, mahnı müəllifi, səs və kino rejissorudur.
Frenk Zappa
© AP Photo / Lana Harris
Dekabrın 21-də dünyada baş verən tarixi hadisələr
1891-ci ildə ABŞ-ın Massaçusets ştatının Sprinqfild şəhərindəki Xristian Gənclər Assosiasiyasının təlim mərkəzində ilk basketbol oyunu keçirilib. Oyun bədən tərbiyəsi müəllimi Ceyms Neysmit tərəfindən icad edilib.
1898-ci ildə Pyer və Mariya Küri radium adlandırılan yeni kimyəvi elementi kəşf ediblər.
1913-cü ildə ABŞ-ın "New York World" qəzetində tarixdə ilk dəfə krossvord nəşr olunub.
1965-ci ildə İrqi ayrı-seçkiliyin bütün formalarının ləğvi haqqında Beynəlxalq Konvensiya qəbul edilib.
1968-ci ildə ABŞ "Apollon 8" kosmik gəmisini uğurla kosmosa göndərib. Bu, insanın Ay ətrafında ilk uçuşunun başlanğıcıdır.
2007-ci ildə Aİ-nin doqquz ölkəsi Şengen zonasının üzvü olub - Litva, Latviya, Estoniya, Polşa, Çexiya, Slovakiya, Sloveniya, Macarıstan və Malta.
