Tarixdə bu gün: 16 dekabr – FOTO
08:37 16.12.2024 (Yenilənib: 10:13 16.12.2024)
© Sputnik / Elnur Salayev
Abunə olmaq
Bu gün müxtəlif illərdə dünyada və ölkədə baş verən hadisələr barədə Sputnik Azərbaycan-ın icmalında oxuyun.
BAKI, 16 dekabr — Sputnik. Dekabrın 16-da bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəlib. Bu gün həmçinin tarixə düşən hadisələr də baş verib.
Dekabrın 16-da kimlər anadan olub?
Qəzənfər Xalıqov (1898-1981) - Azərbaycan rəssamlıq sənətinin ilk peşəkar nümayəndələrindən biri və Azərbaycan SSR xalq rəssamıdır.
Tofiq Bayram (1934-1991) - şair, tərcüməçi və Azərbaycanın əməkdar incəsənət xadimidir. Onun yaradıcılığının əsas mövzuları humanizm və vətənə məhəbbətdir.
Lüdviq van Bethoven (1770-1827) - alman bəstəkarı, pianoçu və dirijordur. Bethoven o dövrdə mövcud olan bütün janrlarda, o cümlədən opera, dram tamaşaları üçün musiqi və xor kompozisiyaları yazıb.
Lüdviq van Bethoven
© Getty Images / justhavealook
Ceyn Ostin (1775-1817) - ingilis yazıçıdlr. Onun kitabları tanınmış şah əsərlərdir.
Ceyn Ostin
© Getty Images / mikroman6
Madam Kliko (1777-1866) - fransız sahibkar, "Dul Kliko" şampan şərabı markasının yaradıcısıdır.
Vasili Kandinski (1866-1944) - abstrakt sənətin başlanğıcında dayanan Rusiya rəssamı və təsviri incəsənət nəzəriyyəçisidir.
Nikolay Qorlov (1908-1989) - Rusiya teatr və kino aktyoru, RSFSR-in əməkdar artistidir. O, "12 stul", "Zabitlər" və s. filmlərindəki rolları ilə tanınıb.
Bibigül Tölegenova (1929) - qazax opera müğənnisi (lirik-koloratur soprano) və SSRİ xalq artistidir.
Bibigül Tölegenova
© Sputnik / Иосиф Будневич
Benni Andersson (1946) - isveç bəstəkarı, musiqiçi, prodüser və "ABBA" qrupunun üzvüdür.
Benny Andersson
© AP Photo / Alberto Pezzali
Yuri Nikolayev (1948) - Rusiya teleaparıcısı və RF xalq artistidir. O,"Səhər poçtu", "Səhər ulduzu" və s. musiqili televiziya proqramlarının aparıcısıdır.
Anna Sedokova (1982) - Rusiya estrada müğənnisi, teleaparıcı və aktrisadır. O, "VIA Qra" qadın pop qrupunun "qızıl" kompozisiyasının keçmiş solistidir (2002-2004).
Dekabrın 16-da dünyada baş verən tarixi hadisələr
1702-ci ildə I Pyotr "Vedomosti"nin ilk rus çap qəzetinin yaradılması haqqında fərman imzalayıb.
1809-cu ildə I Napoleon və Jozefin Boqarnenin boşanması elan edilib.
1899-cu ildə Milan futbol klubu yaradılıb.
1920-ci ildə Çinin Qansu əyalətində baş verən zəlzələ 200 mindən çox insanın həyatına son qoyub, 20 minə yaxın insan sadəcə donaraq həlak olub.
1944-cü ildə Arden hücumu - İkinci Dünya Müharibəsi illərində alman qoşunlarının Qərb Cəbhəsindəki əməliyyatı başlayıb. Bu hücum 29 yanvar 1945-ci ildə başa çatıb.
1947-ci ildə amerikalı fiziklər Uilyam Şokli, Con Bardin və Valter Bratteyn "Bell Labs" laboratoriyasında ilk dəfə aktiv bipolyar tranzistor yaradıblar.
1960-cı ildə Nyu-York səmasında iki sərnişin təyyarəsinin toqquşması nəticəsində 134 nəfər həlak olub. Bu, o dövrdə dünyanın ən böyük təyyarə qəzası olub.
1991-ci ildə Qazaxıstan öz müstəqilliyini elan edib.
1991-ci ildə Heydər Əliyevin sədrliyi ilə keçirilən Naxçıvan Muxtar Respublikası Ali Məclisinin iclasında dekabrın 31-nin Dünya Azərbaycanlılarının Həmrəyliyi Günü kimi qeyd edilməsi barədə qərar qəbul.
1991-ci ildə Azərbaycan Respublikasının Dövlət Sərhədinin Mühafizə Komitəsi yaradılıb.
2005-ci ildə Azərbaycan Prezidenti İlham Əliyev Fövqəladə Hallar Nazirliyinin yaradılması haqqında sərəncam imzalayıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
