Tarixdə bu gün: 13 dekabr – FOTO
© Sputnik
Abunə olmaq
Bu gün müxtəlif illərdə dünyada və ölkədə baş verən hadisələr barədə Sputnik Azərbaycan-ın icmalında oxuyun.
BAKI, 13 dekabr — Sputnik. Dekabrın 13-də bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəlib. Bu gün həmçinin tarixə düşən hadisələr də baş verib.
Dekabrın 13-də kimlər anadan olub?
Abbas Ələsgərov (1937-2018) - Azərbaycanın əməkdar memarıdır.
Nərgiz Paşayeva (1962) - filologiya elmləri doktoru, professor, M.V. Lomonosov adına Moskva Dövlət Universitetinin Bakı filialının rektoru, Azərbaycan Milli Elmlər Akademiyasının vitse-prezidenti və AMEA-nın həqiqi üzvüdür.
Azər Zeynalov (1964) - Azərbaycanın xalq artisti, opera müğənnisi və professorudur.
Nailə Əsgərzadə (1987) - rusiyalı jurnalist, teleaparıcı və "TEFİ-2018" mükafatı laureatıdır. O, Bakıda anadan olub.
IV Henri (1553 -1610) - Fransa kralı və Burbon kral sülaləsinin banisidir.
Valeri Bryusov (1873 -1924) - rusiyalı şair, dramaturq, tərcüməçi, ədəbiyyatşünas, ədəbi tənqidçi və tarixçidir. O, rus simvolizminin banilərindən biridir.
Kristofer Plammer (1929-2021) - kanadalı teatr, kino və televiziya aktyorudur. O, "Emmi", "Toni", "Oskar" və "Qızıl Qlobus" mükafatlarının ikiqat laureatıdır. Aktyor daha çox "Musiqinin səsi", "Çəhrayı panteranın qayıdışı", "12 meymun", "Öz adamımız" və s. filmlərdə iştirakı ilə tanınıb.
Nikolay Rıbnikov (1930-1990) - Rusiyanın teatr və kino aktyoru, RSFSR xalq artistidir. O, "Zareçnaya küçəsində bahar", "Qızlar" və s. filmləri ilə tanınır.
Murat Nasırov (1969-2007) - Qazaxıstan və Rusiya estrada müğənnisi və bəstəkarıdır. O, "Oğlan Tambova getmək istəyir", "Mən sənəm", "Kimsə bağışlayacaq", "Bu aylı gecələr" və s. hitlərin ifaçısıdır.
Taylor Svift (1989) - amerikalı kantri-pop ifaçısı, bəstəkar və aktrisadır. 2023-cü ildə "Time" jurnalı onu "İlin adamı" seçib.
Taylor Svift
© AP Photo / Jordan Strauss
Dekabrın 13-də dünyada baş verən tarixi hadisələr
1922-ci ildə Birinci Zaqafqaziya Sovetlər qurultayı (Bakı) Zaqafqaziya Sosialist Sovet Respublikaları Federativ İttifaqını ona üzv olan respublikaların müstəqilliyini qorumaqla, onu Zaqafqaziya Sosialist Federativ Sovet Respublikasına (ZSFSR) çevirib. Qurultay ZSFSR Konstitusiyasını təsdiq edib, Pan-Qafqaz Mərkəzi Seçki Komitəsini (MSK) və İ.D.Oraxelaşvilinin başçılıq etdiyi hökuməti - ZSFSR Xalq Komissarları Sovetini formalaşdırıb.
1938-ci ildə Almaniyanın şimal-qərbindəki Noyenqamme ən böyük həbs düşərgəsi yaradılıb.
1981-ci ildə Polşada hərbi vəziyyət tətbiq olunub (22 iyul 1983-cü ildə ləğv edilib).
1991-ci ildə Pakistan İslam Respublikası Azərbaycanın müstəqilliyini tanıyıb. Bu dövlət Türkiyə və Rumıniyadan sonra Azərbaycan Respublikasının müstəqilliyini tanıyan üçüncü dövlət olub.
2019-cu ildə "Azərbaycan Xəzər Dəniz Gəmiçiliyi" QSC-nin sifarişi ilə Bakı Gəmiqayırma Zavodunda inşa edilən ilk "Laçın" tankeri istifadəyə verilib və "Azərbaycan" gəmi-bərəsi dənizə buraxılıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
