https://sputnik.az/20241210/muellif-huquqlarinin-qorunmasi-a-piratliqla-mubarize-layihesini-teqdim-etdi-469329209.html

Müəllif hüquqlarının qorunması: Aİİ piratlıqla mübarizə layihəsini təqdim etdi

Müəllif hüquqlarının qorunması: Aİİ piratlıqla mübarizə layihəsini təqdim etdi

Sputnik Azərbaycan

Müqavilə qeyri-qanuni məzmunun bloklanması, həmçinin informasiya resurslarının sahibləri və vasitəçilərinin məsuliyyətə cəlb edilməsi üçün tədbirlər görmək... 10.12.2024, Sputnik Azərbaycan

2024-12-10T19:03+0400

2024-12-10T19:03+0400

2024-12-10T20:08+0400

dünya xəbərləri

aii

avrasiya iqtisadi ittifaqı

beynəlxalq

əqli mülkiyyət agentliyi

intellektual

https://cdnn1.img.sputnik.az/img/07e6/02/08/438936756_0:0:3073:1728_1920x0_80_0_0_cc3839021fe5a395807e4e2f9f905f94.jpg

BAKI, 10 dekabr - Sputnik. Avrasiya İqtisadi Komissiyası (AİK) Avrasiya İqtisadi İttifaqı (Aİİ) dövlətləri ilə birlikdə internetdə əqli mülkiyyət hüquqlarının pozulmasına qarşı mübarizəyə yönəlmiş saziş layihəsi hazırlayıb. Bu barədə Aİİ-nin rəsmi saytında məlumat verilib. Müqavilə qeyri-qanuni məzmunun bloklanması, həmçinin informasiya resurslarının sahibləri və vasitəçilərinin məsuliyyətə cəlb edilməsi üçün tədbirlər görmək məqsədi daşıyır. Bundan başqa, o, axtarış sistemlərində bloklanmış resurslar haqqında məlumatların nümayişinin dayandırılmasını nəzərdə tutur.Bakenov xatırladıb ki, Aİİ-də yaradıcılıq və müəlliflik hüququ, əlaqəli hüquqların müdafiəsi sahəsi Aİİ haqqında Müqaviləyə uyğun olaraq "Kollektiv hüquqların idarə edilməsi təşkilatlarının işi haqqında" ayrıca beynəlxalq müqavilə ilə tənzimlənir. Bundan əlavə, hələ 2019-cu ildə Müəlliflik hüququ və əlaqəli hüquqların kollektiv əsaslarla idarə edilməsi qaydası haqqında Saziş qüvvəyə minib ki, bu da beynəlxalq müqavilənini fəaliyyət prinsiplərini, habelə müəllif hüquqları sahiblərinin mükafatların bölüşdürülməsi və ödənilməsi prosedurlarını müəyyən edir. “Bu yaxınlarda Komissiya İttifaqda bu Sazişin icrasına nəzarət etdi, bunun nəticəsində, xüsusən də hüquqların kollektiv şəkildə idarə edilməsi üzrə təşkilatların fəaliyyətində açıqlıq və şəffaflığın artırılması, hüquq sahibləri ilə qarşılıqlı əlaqənin sadələşdirilməsi və fəaliyyətlərinin monitorinqinin mümkünlüyü qeyd edilib” - məlumatda vurğulanır.Daha əvvəl “Antikontafakt-2024” Beynəlxalq Forumunun plenar iclasında həlli AİK-in prioritetlərindən biri olan əqli mülkiyyətin qorunmasının xüsusiyyətləri məsələsinə dair AİK-in iqtisadiyyat və maliyyə siyasəti naziri Baxıt Sultanov hesabat təqdim edib. Onun sözlərinə görə, AİK 2019-2023-cü illər üçün Aİİ dövlətlərində əqli mülkiyyət sahəsində analitik icmal hazırlayıb. Burada qabaqcıl beynəlxalq hüquq-mühafizə təcrübələri və Aİİ üzv dövlətlərinin əqli mülkiyyət haqqında milli qanunlarının təkmilləşdirilməsi üzrə işlərin nəticələri barədə məlumatlar təqdim olunub. Sultanov qeyd edib ki, sənəddə bu ölkələrin Qlobal İnnovasiya İndeksi reytinqində göstəriciləri və Aİİ-də texnologiya və innovasiyalara dəstək mərkəzləri şəbəkəsinin inkişafı barədə məlumatlar da var.

2024

xəbərlər

ru_AZ

aii, avrasiya iqtisadi ittifaqı, beynəlxalq, əqli mülkiyyət agentliyi, intellektual