https://sputnik.az/20241209/ran-lideri-srail-ordusunun-suriya-erazisine-daxil-olmasina-gore-xeberdarliq-edib-469282688.html

İran lideri İsrail ordusunun Suriya ərazisinə daxil olmasına görə xəbərdarlıq edib

İran lideri İsrail ordusunun Suriya ərazisinə daxil olmasına görə xəbərdarlıq edib

Sputnik Azərbaycan

İsrailin baş naziri Benyamin Netanyahu Yom Kippur müharibəsindən qısa müddət sonra əldə edilən Colan təpələrində Suriya ilə razılaşma Suriya ordusunun... 09.12.2024, Sputnik Azərbaycan

2024-12-09T13:23+0400

2024-12-09T13:23+0400

2024-12-09T13:23+0400

iran

dünya xəbərləri

suriya

israil

məsud pezeşkian

https://cdnn1.img.sputnik.az/img/07e8/0c/09/469282522_0:0:1600:901_1920x0_80_0_0_107fd714f90837a069010c8c8fd4edb7.jpg

BAKI, 9 dekabr — Sputnik. İran prezidenti Məsud Pezeşkian Bəşər Əsədin Suriya dövlətinin başçısı postundan istefası fonunda İsrail ordusunun Suriyaya daxil olmasını pisləyib. Bu barədə İslam Respublikası Prezidentinin mətbuat xidməti məlumat yayıb. İran lideri Yaxın Şərq ölkələrini İsrailin region xalqlarına qarşı addımlarına qarşı ayıq olmağa çağırıb. İsrailin dövlət televiziyası Kaan daha əvvəl məlumat vermişdi ki, İsrail Müdafiə Qüvvələri (IDF) Suriya ordusunun bufer zonadakı mövqelərini tərk etməsindən sonra Hermon dağındakı Suriya mövqelərini ələ keçirib. Ərəbcə danışan İDF sözçüsü Aviçai Edri xəbərdarlıq edərək, Suriyanın cənubundakı beş sərhəd şəhərinin sakinlərini evlərində qalmağa və təhlükəsizlik səbəbi ilə çölə çıxmamağa çağırıb. İsrailin baş naziri Benyamin Netanyahu daha əvvəl demişdi ki, 1973-cü il Yom Kippur müharibəsindən qısa müddət sonra əldə edilən Colan təpələrində Suriya ilə razılaşma Suriya ordusunun mövqelərini tərk etməsi səbəbindən qüvvədən düşüb. Baş nazir vurğulayıb ki, müdafiə naziri ilə birlikdə və Nazirlər Kabinetinin dəstəyi ilə demarkasiya zonasını və ona nəzarət edən mövqeləri tutmaq üçün İDF-yə göstəriş verib. Suriyada prezident Bəşər Əsədin hakimiyyətinin devrilməsi və ölkənin böyük bir hissəsinin silahlı müxalifət qüvvələri tərəfindən tutulması fonunda İsrail Colan təpələrində müdafiəsini fəal şəkildə gücləndirir. Bundan əvvəl Suriyada dövlət televiziyasını ələ keçirən silahlı müxalifət nümayəndələri ölkəyə nəzarəti bərqərar etdiklərini bildirərək efirə çıxıblar. Suriyanın baş naziri Məhəmməd Qazi əl-Cəlali bir neçə nazirlə ölkədə qaldığını, lakin müdafiə nazirinin harada olduğunu bilmədiklərini deyib. Baş nazir silahlı müxalifətin rəhbərliyi ilə də əlaqə qurduğunu bildirib. Rusiya Xarici İşlər Nazirliyi bildirib ki, Suriya prezidenti Bəşər Əsəd Suriya münaqişəsinin bir sıra iştirakçıları ilə danışıqlardan sonra vəzifəsindən istefa vermək qərarına gəlib və hakimiyyətin sülh yolu ilə ötürülməsi barədə göstərişlər verərək Suriyanı tərk edib, Rusiya isə danışıqlarda iştirak etməyib. Daha sonra Kremldəki mənbə RİA Novosti-yə bildirib ki, Əsəd və onun ailə üzvləri Moskvaya gəliblər, Rusiya humanitar mülahizələrə əsaslanaraq onlara sığınacaq verib. Agentliyin həmsöhbəti onu da qeyd edib ki, Rusiya rəsmiləri Rusiya Federasiyasının Suriyadakı hərbi bazalarının və diplomatik qurumlarının təhlükəsizliyinə zəmanət verən silahlı Suriya müxalifətinin nümayəndələri ilə əlaqə saxlayır. Colan təpələri 1967-ci ilə qədər Suriyanın bir hissəsi olub. Altı günlük müharibə zamanı İsrail qoşunları Yom Kippur müharibəsindən (1973) sonra bu ərazini işğal ediblər, tərəflər atəşkəs və qoşunların çəkilməsi haqqında müqavilə bağlayıblar. 1974-cü ildə Colan təpələrində BMT-nin sülhməramlı postları qurulub.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2024

xəbərlər

ru_AZ

iran, suriya, israil, məsud pezeşkian