Tarixdə bu gün: 7 dekabr – FOTO
© Sputnik
Abunə olmaq
Bu gün müxtəlif illərdə dünyada və ölkədə baş verən hadisələr barədə Sputnik Azərbaycan-ın icmalında oxuyun.
BAKI, 7 dekabr — Sputnik. Dekabrın 7-də bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəlib. Bu gün həmçinin tarixə düşən hadisələr də baş verib.
Dekabrın 7-də kimlər anadan olub?
Fətəli Xan Xoyski (1875-1920) - Azərbaycan Xalq Cümhuriyyətinin (AXC) Baş naziri (1918-1919), AXC-nin hərbi naziri, xarici işlər naziridir (1918-1919 və 1919-1920).
Covanni Lorenso Bernini (1598-1680) - məşhur italyan heykəltaraşı, rəssam və memardır. O, heykəltəraşlıqda barokko üslubunun yaradıcısıdır.
Noam Çomski (1928) - ABŞ linqvisti, filosof və nəzəriyyəçidir. O, Massaçusets Texnologiya İnstitutunun dilçilik üzrə professoru, "Çomski iyerarxiyası"nın yaradıcısıdır.
Noam Çomski
© AP Photo / Hatem Moussa
Tom Ueyts (1949) - ABŞ müğənnisi, bəstəkarı və aktyordur. O, "Oskar" mükafatına namizəd olub və "Qremmi" mükafatına layiq görülüb. Tom indastrial, dark kabare və avanqard caz elementləri ilə zəngin olan rok ifa edir.
Tom Ueyts
© AP Photo / Evan Agostini
Nikolas Holt (1989) – İngiltərə aktyorudur. O, "Yüksələn ulduz" kateqoriyasında Böyük Britaniya Akademiyasının BAFTA mükafatına layiq olan ən gənc namizədlərdən biridir.
Nikolas Holt
© Jordan Strauss / Invision / AP
7 dekabr tarixində dünyada baş verən tarixi hadisələr
1918-ci ildə Azərbaycan Xalq Cümhuriyyəti parlamentinin təntənəli açılışı baş tutb. Bu, bütün müsəlman Şərqində o dövrün ən demokratik prinsipləri əsasında formalaşan ilk parlament olub.
1934-cü ildə RSFSR-də Kirov, Orenburq, Omsk vilayətləri və Krasnoyarsk diyarı yaradılıb.
1941-ci ildə, İkinci Dünya Müharibəsi zamanı Yaponiya Perl-Harbor (Havay adaları) dəniz bazasında ABŞ qüvvələrinə hücum edib.
1944-cü ildə Çikaqoda Beynəlxalq Mülki Aviasiya haqqında Konvensiya qəbul edilib və imzalanıb.
1972-ci ildə Apollon proqramında Aya sonuncu eniş edən "Apollon 17" kosmik gəmisi buraxılıb.
1982-ci ildə Texasda (ABŞ) ilk dəfə inyeksiya yolu ilə ölüm cəzası tətbiq edilib.
1991-ci ildə Rusiya Kosmonavtika Federasiyasının əsası qoyulub.
1996-cı ildən Beynəlxalq Mülki Aviasiya Günü qeyd olunur.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
