CƏMİYYƏT
Cəmiyyətin həyatında baş verən aktual hadisələr

Güzəştli mənzillər satışa çıxardıldı

© iStock.com / RawpixelMənzil açarları, arxiv
Mənzil açarları, arxiv - Sputnik Azərbaycan, 1920, 06.12.2024
Abunə olmaq
Bütün mənzillər tam təmirli, mətbəx mebeli, kombi isitmə sistemi su, qaz və elektrik sayğacları ilə təmin edilmiş vəziyyətdə təklif olunur.
BAKI, 6 dekabr — Sputnik. Bu gün Mənzil İnşaatı Dövlət Agentliyi (MİDA) tərəfindən Sumqayıt və Lənkəranda yaşayış komplekslərində mənzillərin satış prosesi uğurla başa çatıb.
Bunu MİDA-nın beynəlxalq əlaqələr və strateji planlaşdırma şöbəsinin müdiri Cəmşid Əmirov bildirib.
Onun sözlərinə görə, mənzillər qısa müddətdə vətəndaşlar tərəfindən uğurla seçilib. Əvvəlki satışlarda olduğu kimi, bu satışda da MİDA tərəfindən müvafiq təhlükəsizlik tədbirləri tətbiq edilib.

"Bunun əsas məqsədi, mənzil seçiminin müxtəlif proqram təminatları vasitəsi ilə müdaxilə edilməsinin qarşısının alınmasıdır", - Cəmşid Əmirov qeyd edib.

O bildirib ki, mənzil seçimi prosesi zamanı hər hansı müdaxilələrin qarşısı alınıb.
Qeyd edək ki, Sumqayıt şəhəri, Bulvar küçəsi, 197 ünvanında yerləşən Sumqayıt Yaşayış Kompleksi üzrə 392 mənzilin, Lənkəran şəhəri, Akademik Zərifə Əliyeva küçəsi, 303 ünvanında yerləşən Lənkəran Yaşayış Kompleksi üzrə 152 mənzilin, ümumilikdə 544 mənzilin satışı bu gün saat 11:00-da başlayıb və 14 dekabr 2024-cü il tarixi saat 11:00-dək davam edəcək.
Qeyd edək ki, bütün mənzillər tam təmirli, mətbəx mebeli, kombi isitmə sistemi (kombi cihazı daxil olmaqla), su, qaz və elektrik sayğacları ilə təmin edilmiş vəziyyətdə təklif olunub.
Mənzillərin seçimi "Azərbaycan Respublikasının Mənzil İnşaatı Dövlət Agentliyinin sərəncamında olan mənzilləri vətəndaşların güzəştlə əldə etməsi Qaydası"na uyğun olaraq gözləmə qaydasında aparılır.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0