https://sputnik.az/20241206/ermenistanin-herbi-budcesinin-artmasindan-kimler-narahat-olmalidir-469212213.html

Ermənistanın hərbi büdcəsinin artmasından kimlər narahat olmalıdır? VİDEO

Ermənistanın hərbi büdcəsinin artmasından kimlər narahat olmalıdır? VİDEO

Sputnik Azərbaycan

İki ölkənin hərbi büdcələri arasında kəskin fərqlərin olmasına baxmayaraq, davam edən sülh danışıqları prosesində hərbi büdcələrdəki artımlar regionda davam... 06.12.2024, Sputnik Azərbaycan

2024-12-06T10:03+0400

2024-12-06T10:03+0400

2024-12-06T11:00+0400

ermənistan

təhlil

hərbi

büdcə

politoloq

dövlət büdcəsi

cop29

arzu nağıyev

arzu nağıyev

milli məclis

https://cdnn1.img.sputnik.az/img/07e8/06/13/465467734_0:160:3072:1888_1920x0_80_0_0_1d9747bc46499056c422887822893de1.jpg

BAKI, 6 dekabr — Sputnik. Ermənistan parlamenti gələn ilin dövlət büdcəsini təsdiqləyib. Yeni büdcə layihəsinə əsasən, müdafiə xərcləri 20 % artaraq 665 milyard dram (1,713 milyard ABŞ dolları) həcmində olacaq. Qeyd edək ki, Azərbaycanda isə büdcə ilə bağlı müzakirələr davam edir. Maliyyə Nazirliyinin ilkin məlumatlarına görə, 2025-ci il üçün dövlət gəlirləri 36.6 milyard manat həcmində proqnozlaşdırılır ki, bu da 2024-cü ilin təsdiq olunmuş göstəricisi ilə müqayisədə 0.6% artım deməkdir. Bununla belə, xərclər 39.6 milyard manat səviyyəsində proqnozlaşdırılır. Bildirilir ki, gələn ilin büdcəsində müdafiə və təhlükəsizlik xərclərinə də xüsusi diqqət yetirələcək. Belə ki, 2025-ci ildə Azərbaycanın hərbi büdcəsinin 8,4 milyard manat həcmində olması nəzərdə tutulur. Bu da cari illə müqayisədə 17,8 faiz çoxdur. Milli Məclisin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev Sputnik Azərbaycan-a bildirib ki, Ermənistan büdcəsində əsas prioritet müdafiə xərcləri ilə bağlı olması öz daxili işlər olsa da, bizim üçün də önəm kəsb edən məqamdır: "Ermənistan hökuməti gələn ilin büdcəsində müdafiə xərcləri üçün ayrılan vəsaitdəki ciddi artımı sosial büdcədən kəsintilər hesabına təmin edəcək. Ermənistan rəsmiləri büdcədə müdafiə xərcləri üçün nəzərdə tutulan vəsaiti Azərbaycanın hərbi sahədəki büdcəsinə görə, artımlara getdiklərini izah etməyə çalışırlar". Millət vəkili Ermənistan büdcəsini militarizasiya olunmuş hesab edir: "Çünki Azərbaycanda büdcə xərcləri bölünərkən müdafiə və təhlükəsizlik xərcləri ilə yanaşı, işğaldan azad edilmiş ərazilərin bərpası, sosial siyasətin icrasını təmin edəcək xərclər əsas götürülür". Millət vəkili qeyd edib ki, Ermənistanın daxilində hərbi sahəyə bu qədər büdcənin ayrılmasına qarşı olanlar da var: "Ermənistanın hərbi büdcəsi Azərbaycanla müqayisə edilə bilməz. Ermənistana pulsuz silahlar verilsə də, onların qarşısında hər gün hərbi-texniki imkanları hər keçən gün təkmilləşdirilən qalib Azərbaycan ordusu dayanıb. Bizim ordumuzun döyüş potensialı Ermənistana yaxşı bəllidir. Azərbaycan müdafiə xərclərində nəzərdə tutlmuş artımlar da regionda davam edən qeyri-stabil vəziyyətə əsaslanır", - Arzu Nağıyev fikirlərini yekunlaşdırıb. Politoloq Tural İsmayılov isə bildirib ki, bu gün Ermənistanın Azərbaycan əleyhinə aktiv şəkildə müharibəyə təhrik edilməyinin hər bir elementini görürük: "Əvvəla Ermənistan ərazisində Avropa İttifaqının mülki missiyasının saxta binokl şousu davam edir. Təəssüf ki, Azərbaycanla münasibətləri yaxşı olan bir ölkənin prezidenti də gedib həmin şouya qoşulub. Digər bir tərəfdən Ermənistan dayanmadan silahlandırılır. Həm Fransa, həm də Hindistandan bu ölkəyə silahların tədarükü intensiv şəkildə aparılır. Son günlərdə Yunanıstanın Rusiyadan aldığı S300 raket komplekslərini ixrac edəcəyi ilə bağlı da məlumatlar var". Politoloq qeyd edib ki, Ermənistanın COP29-da iştirak etməməsi, Azərbaycan əleyhinə boğazdan yuxarı iddialar səsləndirməsi bu gün Ermənistan siyasi iqtidarında təmsil olunan güclərin Ermənistan ictimai rəyində mövqelərinin zəifləməsi ilə bağlıdır."Bu gün Ermənistanın iqtisadiyyatı ilə bağlı çox gərgin bir mənzərə hökm sürür. Ermənistan daxilində iqtisadi münasibətlər kifayət qədər zəif və kövrəkdir. Bütün bu hadisələr onu göstərir ki, Ermənistan hakimiyyəti bu iqtisadiyyat zəifliyi fonunda xalqdan gələcək etirazların qarşısında gündəmi dəyişməyə hazılaşır. Aydın şəkildə görünür ki, bütün bunlar Ermənistanın Azərbaycana qarşı növbəti təxribatına, eyni zamanda növbəti hərbi hücumlarına səbəb ola bilər. Hesab edirəm ki, Ermənistanın Azərbaycana qarşı müharibəyə hazılanması region üçün yeni gərginlik ocaqlarının yaranacağı ehtimallarını artırır", – politoloq qeyd edib.

azərbaycan

2024

xəbərlər

ru_AZ

ermənistan, hərbi, büdcə, politoloq, dövlət büdcəsi, cop29, arzu nağıyev, arzu nağıyev, milli məclis, milli məclis, azərbaycan, azərbaycan, müharibə