Tarixdə bu gün: 5 dekabr – FOTO
© Sputnik
Abunə olmaq
Bu gün müxtəlif illərdə dünyada və ölkədə baş verən hadisələr barədə Sputnik Azərbaycan-ın icmalında oxuyun.
BAKI, 5 dekabr — Sputnik. Dekabrın 5-də bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəlib. Bu gün həmçinin tarixə düşən hadisələr də baş verib.
Dekabrın 5-də kimlər anadan olub?
Şamil Mahmudbəyov (1924-1997) - Azərbaycan aktyoru, kinorejissoru, ssenarist və Azərbaycan SSR əməkdar incəsənət xadimidir. O, "Romeo, mənim qonşumdur", "Qaraca qız", "Torpaq. Dəniz. Od. Səma", "Şərikli çörək", "Həyat bizi sınayır" və s. filmlərin rejissorudur.
Martin Van Buren (1782-1862) - ABŞ siyasətçisi və dövlət xadimi, ABŞ-ın 8-ci prezidentidir (1837-1841). O, ABŞ Demokratik Partiyasının qurucularından biridir.
Martin Van Buren
© AP Photo / Anonymous
Fyodor Tyutçev (1803-1873) - Rusiya şairi, diplomat və mühafizəkar publisistdir.
Fyodor Tyutçev
© Sputnik / В. Филимонов
Volt Disney (1901-1966) - ABŞ kinorejissoru, cizgi filmləri yaradan rəssam, prodüser və cizgi filmi sənayesinin banilərindən biridir. O, 1923-cü ildə böyük qardaşı Roy Oliver Disney ilə birlikdə "Walt Disney Productions"ın həmtəsisçisidir.
Volt Disney
© AP Photo
Henri Oreye (1925-1962) - Fransa dağ xizəkçisidir. O, ikiqat Olimpiya çempionudur.
Xose Karreras (1946) - Dünya şöhrətli opera müğənnisi və ispan tenorudur. O, Cakomo Puççinini intrepretasiya etməsi, eləcə də Pavarotti və Dominqo ilə bir yerdə "Üç tenor" layihəsi ilə məşhurdur.
Xose Karreras
© AP Photo / Luca Bruno
Patrisiya Kaas (1966) - pop və cazın qarışığını ifa edən fransız pop müğənni və aktrisadır.
Patrisiya Kaas
© AP Photo / Sergey Ponomarev
5 dekabr tarixində dünyada baş verən tarixi hadisələr
1783-cü ildə Rusiyada ilk dəfə olaraq Sankt-Peterburqda kiçik aerostat istifadəyə verilib.
1848-ci ildə ABŞ Prezidenti Ceyms Polk Kaliforniyada qızıl tapıldığını təsdiqləyib və bu, 1849-cu ildə qızıl hərisliyinə səbəb olub.
1854-cü ildə amerikalı Aaron Allen qatlanan oturacaqları olan kresloları patentləşdirib.
1936-cı ildə Azərbaycan SSR bilavasitə SSRİ-nin tərkibinə daxil olub və 1991-ci ilə qədər onun müttəfiq respublikalarından biri olaraq qalıb.
1941-ci ildə Böyük Britaniya SSRİ-yə qarşı hərbi əməliyyatları dayandırmaqdan imtina etdikdən sonra Finlandiya, Macarıstan və Rumıniyaya müharibə elan edib.
1952-ci ildə Londonda "duman hadisəsi" baş verib. Bu dünyanın indiyədək gördüyü ən pis fəlakətlərdən biri olub. Londonda külək əsmədiyi və əsasən kömür sobaları yanmağa davam etdiyi üçün bütün zəhərli qazlar şəhərin üstündə toplanaraq qalın bir duman təbəqəsi əmələ gətirib. Fəlakət nəticəsində minlərlə ingilis həyatını itirib. Bu, 9 dekabr 1952-ci ilə qədər davam edib.
1985-ci ildən Beynəlxalq Könüllülər Günü qeyd edilir.
