Tarixdə bu gün: 22 noyabr – FOTO
© Sputnik
Abunə olmaq
Bu gün müxtəlif illərdə dünyada və ölkədə baş verən hadisələr barədə Sputnik Azərbaycan-ın icmalında oxuyun.
BAKI, 22 noyabr — Sputnik. Noyabrın 22-də bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəlib. Bu gün həmçinin tarixə düşən hadisələr də baş verib.
Noyabrın 22-də kimlər anadan olub?
Fikrət Əmirov (1922-1984) - Azərbaycan bəstəkarı və SSRİ xalq artistidir. O, müxtəlif illərdə Azərbaycan Dövlət Filarmoniyasının bədii rəhbəri, Azərbaycan Dövlət Opera və Balet Teatrının direktoru olub. Bəstəkarın yaradıcılıq irsinə müxtəlif janrlarda əsərlər, o cümlədən məşhur "Min bir gecə" baleti daxildir.
Fikrət Əmirovun fotosu
© Sputnik / Kemale Aliyeva
Cavanşir Quliyev (1950) - Azərbaycan bəstəkarı və Azərbaycan Respublikasının əməkdar incəsənət xadimidir. O, müasir müstəqil Azərbaycanın ilk hərbi himninin, filmlər üçün musiqilərin müəllifidir. Cavanşir Quliyev ilk dəfə saz və zurnanı simfonik orkestrə daxil edib.
Rasim Ocaqov (1933-2006) - Azərbaycan SSR xalq artisti və rejissorudur. Onun ən məşhur filmləri "Təhminə", "Ad günü" və "İstintaq"dır.
Rasim Ocaqov
© Photo : From personal archives Rasim Odzhagov
Həsən Məmmədov (1938-2003) – Azərbaycanlı aktyor və Azərbaycanın xalq artistidir. O, "Arşın mal alan", "Bir cənub şəhərində", "Yeddi oğul istərəm", "Sevil", "İstintaq", "Həm ziyarət, həm ticarət". "Arxadan vurulan zərbə" və s. filmlərdə rol alıb.
Həsən Məmmədov
© Photo : Azerbaijanfilm
Vladimir Dal (1801-1872) - rusiyalı yazıçısı, etnoqraf və hərbi həkimdir. Yaradılması 53 il çəkən və həcminə görə misilsiz olan "Rus dilinin izahatlı lüğəti"nin tərtibçisidir.
Vladimir Dal
© Sputnik
Edvard Berneys (1891-1995) - ABŞ biznes məsləhətçisidir. O, ağıla deyil, şüuraltı hisslər və impulsların manipulyasiyasına əsaslanan müasir kütləvi inandırma elminin yaradılmasına mühüm töhfə verib.
Edvard Berneys
© AP Photo / SEAN KARDON
Nikolay Dobronravov (1928-2023) - rusiyalı bəstəkar, kinoaktyor və SSRİ Yazıçılar İttifaqının üzvüdür.
Nikolay Dobronravov
© Sputnik / Илья Питалев
Billi Cin Kinq (1943) - 1960-1980-ci illərdə oynamış amerikalı tennisçidir. O, 39 "Böyük Dəbilqə" turnirinin, tək və qarışıq cütlüklərdə "karyera" Böyük Dəbilqəsinin və ABŞ milli komandasının tərkibində Federasiya Kubokunun yeddiqat qalibidir.
Billi Cin Kinq
© David Ramos / Pool Photo via AP
Viktor Saltıkov (1957) - Rusiya müğənnisidir. O, "Manufaktura", "Forum" və "Elektroklub" qruplarının solistidir.
Ceymi Li Kertis (1958) - ABŞ aktrisası, rejissoru, prodüseri və yazıçısıdır. O, BAFTA, "Qızıl Qlobus" və "Saturn" mükafatlarının qalibidir. Kertis əsasən qorxu filmlərin aktrisasıdır.
Ceymi Li Kertis
© Evan Agostini / Invision / AP
Mark Ruffalo (1967) amerikalı aktyor və prodüserdir. O, "Emmi" və "SGA Awards" (2015) mükafatlarının laureatı, BAFTA, "Qızıl Qlobus" və "Oskar" mükafatlarının nominantıdır.
Mark Ruffalo
© John Salangsang / Invision / AP
Skarlett Yohansson (1984) - ABŞ aktrisası və müğənnisidir. O, 2018 və 2019-cu illərdə ən çox maaş alan qadın sənətçisidir. Aktrisa dəfələrlə "Forbes Celebrity 100"ün siyahısına daxil edilib.
Skarlett Yohansson
© AP Photo / Misha Japaridze
Şaman (1991) - Rusiya müğənnisi, musiqiçisi və bəstəkarıdır. Onun əsl adı Yaroslav Dronovdur.
22 noyabr tarixində dünyada baş verən tarixi hadisələr
1918-ci ildə Polşada monarxiya ləğv edilərək respublika elan edilib.
1946-cı ildə İngiltərədə ilk diyircəkli qələmlər satışa çıxarılıb.
1949-cu ildə Azərbaycan SSR Ali Sovetinin qərarı ilə Sumqayıta şəhər statusu verilib. Onun əsası 1938-ci ildə, Xəzər dənizinin sahilində istilik elektrik stansiyasının tikintisinə başlananda qoyulub.
1963-cü ildə ABŞ prezidenti Con Kennedi Dallasa səfəri zamanı öldürülüb.
1977-ci ildə "Konkord" səsdən sürətli sərnişin təyyarəsinin London və Parisdən Nyu-Yorka müntəzəm uçuşları başlayıb.
2000-ci ildən Azərbaycanda Ədliyyə İşçiləri Günü qeyd edilir. Bu tarix təsadüfi seçilməyib - 1918-ci il noyabrın 22-də Azərbaycan Xalq Cümhuriyyətinin Nazirlər Kabineti AXC Ədliyyə Nazirliyinin Əsasnaməsini təsdiq edib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
