https://sputnik.az/20241118/ran-trampin-gelecek-administrasiyasi-ile-danisiqlara-aciqdir-ancaq-468839301.html

İran Trampın gələcək administrasiyası ilə danışıqlara açıqdır, ancaq...

İran Trampın gələcək administrasiyası ilə danışıqlara açıqdır, ancaq...

Sputnik Azərbaycan

Donald Tramp noyabrın 5-də ABŞ-də keçirilən prezident seçkilərində qalib gəlib. 18.11.2024, Sputnik Azərbaycan

2024-11-18T13:49+0400

2024-11-18T13:49+0400

2024-11-18T13:49+0400

donald tramp

dünya xəbərləri

iran

abş

sanksiya

nüvə

proqram

https://cdnn1.img.sputnik.az/img/07e7/04/1e/454342795_0:0:3072:1728_1920x0_80_0_0_1e8f7030ccf5f64a124a1128f97de64b.jpg

BAKI, 18 noyabr — Sputnik. İran ABŞ-da keçirilən prezident seçkilərində qalib gələn Donald Trampın gələcək administrasiyası ilə danışıqlara açıqdır, təzyiq olduğu halda güzəştə getməyəcək. Bunu İran İslam Respublikasının xarici işlər nazirinin siyasi məsələlər üzrə köməkçisi Məcid Taxt-Rəvançi deyib. Daha əvvəl "Financial Times" öz mənbələrinə istinadən xəbər vermişdi ki, Tramp komandası İranı yeni nüvə sazişinə məcbur etməyə çalışmaq üçün ona maksimum iqtisadi təzyiq strategiyası hazırlayır. İran diplomatı qəzetə deyib ki, maksimum təzyiq maksimum müqavimətlə qarşılanacaq. Taxt-Rəvançi qeyd edib ki, İran sanksiyalardan yan keçmək, ticarət tərəfdaşlarını şaxələndirmək və regional əlaqələri gücləndirmək üçün fəaliyyətini davam etdirəcək. Bundan əvvəl İranın Atom Enerjisi Təşkilatının nümayəndəsi Bəhruz Kamalvəndi bildirib ki, İran tərəfi daha çox nüvə sazişi kimi tanınan İranın nüvə proqramı üzrə Birgə Hərtərəfli Fəaliyyət Planını (JCPOA) bərpa etməyə hazırdır, lakin bu ciddi danışıqlar tələb edir. 2015-ci ildə Böyük Britaniya, Almaniya, Çin, Rusiya, ABŞ, Fransa və İran İranın nüvə proqramını məhdudlaşdırmaq müqabilində sanksiyaların ləğvini nəzərdə tutan nüvə sazişi imzalayıblar. Trampın prezidentliyi dövründə ABŞ 2018-ci ilin mayında JCPOA-dan çıxdı və Tehrana qarşı sanksiyaları bərpa etdi.Buna cavab olaraq İran, xüsusilə nüvə tədqiqatlarına və uranın zənginləşdirilməsi səviyyəsinə qoyulan məhdudiyyətlərdən imtina edərək, saziş üzrə öhdəliklərini tədricən azaldacağını bəyan edib.ABŞ prezidenti vəzifəsini icra edən Donald Tramp noyabrın 5-də keçirilən prezident seçkilərində qalib gəlib. O, XIX əsrdən bəri dörd illik fasilədən sonra Ağ Evə qayıdan ilk ABŞ siyasətçisi olub.Trampın qələbəsini səsləri sayan bütün aparıcı media orqanları elan edib: Associated Press, Fox News, CNN, NBC, ABC və CBS. Demokratlar Partiyasının namizədi Kamala Harris tərəfdarları qarşısında çıxış edərək məğlubiyyəti qəbul etdiyini bildirib.Seçicilər Kollegiyası dekabrın 17-də seçicilərin iradəsinə uyğun olaraq namizədlərə səs verməlidir və yanvarın 6-da yeni Konqres səsvermənin nəticələrini təsdiq edəcək. ABŞ-ın 47-ci prezidentinin andiçmə mərasimi 2025-ci il yanvarın 20-də baş tutacaq.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

iran

abş

2024

xəbərlər

ru_AZ

donald tramp, iran, abş, sanksiya, nüvə, proqram