https://sputnik.az/20241117/tarixde-bu-gun-17-noyabr--foto-468797446.html

Tarixdə bu gün: 17 noyabr – FOTO

Tarixdə bu gün: 17 noyabr – FOTO

Sputnik Azərbaycan

Bu gün müxtəlif illərdə dünyada və ölkədə baş verən hadisələr barədə Sputnik Azərbaycan-ın icmalında oxuyun. 17.11.2024, Sputnik Azərbaycan

2024-11-17T08:43+0400

2024-11-17T08:43+0400

2024-11-17T08:43+0400

noyabr

cəmiyyət

tarix

tarixdə bu gün

bakı

general

rəssam

https://cdnn1.img.sputnik.az/img/07e7/0b/02/460182850_42:0:1158:628_1920x0_80_0_0_979dbe29b05b01f00ef22d17d04db14f.jpg

BAKI, 17 noyabr — Sputnik. Noyabrın 17-də bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəlib. Bu gün həmçinin tarixə düşən hadisələr də baş verib. Noyabrın 17-də kimlər anadan olub? Lətif Kərimov (1906-1991) - Azərbaycanın xalq rəssamı və xalçaçı-rəssamıdır. O, 1991-ci ildə onun adını daşıyan Azərbaycan Milli Xalça Muzeyinin yaradıcısıdır. Rəssamın yaratdığı xalçalar təkcə Azərbaycanda deyil, Rusiya, Türkiyə, Gürcüstan, İranda da saxlanılır. Mirəsədulla Mirqasımov (1883-1958) – ilk azərbaycanlı alim-cərrah, ilk tibb elmləri doktoru və Azərbaycan Elmlər Akademiyasının ilk prezidentidir. O, ölkədə urologiya elminin banilərindən biridir. Mixail Şepkin (1788-1863) – rusiyalı aktyor və Rusiya aktyor məktəbinin yaradıcılarından biridir. Soiçiro Honda (1906-1991) - yaponiyalı sahibkar, mühəndis və sənayeçidir. O, avtomobil yarışında iştirak edib. Sahibkar "Honda" şirkətinin qurucusudur. Bob Matias (1930-2006) - ABŞ yüngül atleti (dekatlon), ikiqat Olimpiya çempionu və siyasətçidir. Martin Skorseze (1942) - amerikalı kinorejissor, prodüser, ssenarist və aktyordur. O, "Oskar" mükafatı laureatıdır. Lauren Hatton (1943) - "Vogue" jurnalının üz qabığında iyirmi beş dəfədən çox görünən amerikalı aktrisa və supermodeldir. Denni De Vito (1944) – ABŞ aktyoru, rejissoru və prodüseridir. Aktyora dünya şöhrəti "Daş ilə roman" filmində qanqster rolunu oynadıqdan sonra gəlib. O, həmçinin "Betmen qayıdır" filmindəki Pinqvin və "Cunior" filmindəki Larri Arboqast rolları ilə də tanınır. Sofi Marso (1966) - Fransa kino aktrisası və rejissorudur. O. "Anna Karenina", "Tələbə", "Fanfan məhəbbətinin ətri" və s. filmlərdə rol alıb. 17 noyabr tarixində dünyada baş verən tarixi hadisələr 1800-cü ildə Vaşinqton ABŞ-ın paytaxtı olub. 1869-cu ildə Süveyş kanalı rəsmi olaraq gəmiçilik üçün açılıb. 1918-ci ildə general Uilyam Tompsonun komandanlığı ilə ingilis qoşunları Bakıya daxil olublar. 1966-cı ildə noyabrın 16-dan 17-nə keçən gecə ən böyük meteor seli qeydə alınıb. Hər 33,25 ildən bir mütəmadi olaraq peyda olan "Leonid" meteorları SSRİ-nin şərq hissəsi ilə Şimali Amerikanın qərb hissəsi arasında səmada görünüb. 1978-ci ildə Sovet İttifaqı neytron bombasının uğurla sınaqdan keçirildiyini bildirib. 1988-ci ildə Benazir Bhutto Pakistanın Baş naziri seçilib və müsəlman dövlətinin ilk qadın lideri olub. 1988-ci ildə Bakıda Azadlıq meydanında (keçmiş Lenin meydanı) ermənilərin Qarabağa qarşı iddialarına və Azərbaycan əhalinin Ermənistandan deportasiyasına etiraz olaraq davamlı mitinqlər başlayı. Dekabrın 4-dək davam edən mitinqlərdə 1 milyon insan iştirak edib. Bu, SSRİ-də Azərbaycan tarixinə milli dirçəliş aksiyaları kimi daxil olan ən kütləvi etiraz aksiyaları olub. İlk dəfə olaraq bu mitinqlərdə meydanda Azərbaycanın üçrəngli bayrağı qaldırılıb. 1992-ci ildə noyabrın 17-si Milli Dirçəliş Günü elan edilib. 2007-ci ildə Azərbaycan Prezidenti İlham Əliyevin təşəbbüsü ilə Bakıda Türkdilli dövlətlərin və topluluqların XI dostluq, qardaşlıq və əməkdaşlıq qurultayı keçirilib.

2024

xəbərlər

ru_AZ

noyabr, tarix, tarixdə bu gün , bakı, general, rəssam