https://sputnik.az/20241115/tekrar-secilmis-tramp-sehrbaz-deyil-herbi-senaye-kompleksinin-girovudur-468754453.html

Təkrar seçilmiş Tramp sehrbaz deyil, hərbi-sənaye kompleksinin girovudur

Təkrar seçilmiş Tramp sehrbaz deyil, hərbi-sənaye kompleksinin girovudur

Sputnik Azərbaycan

ABŞ-ın yeni prezidenti və Ağ Evdəki kadr dəyişiklikləri Vaşinqtonun hər zaman istənilən digər ölkənin vətəndaşlarının maraqlarını qurban verməyə hazır olduğu... 15.11.2024, Sputnik Azərbaycan

2024-11-15T10:14+0400

2024-11-15T10:14+0400

2024-11-15T10:14+0400

donald tramp

təhlil

kiyev

nato

abş

xüsusi hərbi əməliyyat

qərb

əfqanıstan

kxdr

https://cdnn1.img.sputnik.az/img/07e8/0b/06/468538778_0:0:3072:1728_1920x0_80_0_0_6ac8e72440ada54de95627df80e39905.jpg

ABŞ-ın bütün tarixi, iqtisadiyyatı və maliyyə sistemi, həmçinin "müstəsna" mifologiyası sərt və aqressiv xarici siyasətə əsaslanır. Qərb liderlərinin yırtıcı instinktləri və düşüncəsizliyi (ağılsızlığı) Kiyev kuklalarını ənənəvi olaraq qalib gələn Rusiya ilə hərbi münaqişəyə sövq edib. Ukraynanın hərbi əməliyyatlar teatrında və Avropa İttifaqı (Aİ) iqtisadiyyatında strateji çıxılmaz vəziyyəti "hegemonluq" üçün o qədər ağrılı və dağıdıcı olub ki, ABŞ və NATO-da bir çox müharibə tərəfdarları Üçüncü Dünya Müharibəsində özlərini öldürməyə hazırdırlar. Beləliklə, Amerikanın əsas əleyhdarlarına qarşı mübarizə strategiyasını və taktikasını "yumşaltmağa" çalışan yeni Vaşinqton administrasiyasının istənilən sülhməramlı layihəsini torpeda etmək üçün qızğın istəyi yaranır və bu hələ də Rusiya və Çindir. Müharibə tərəfdarları seçkiqabağı mitinqində respublikaçı namizədə atəş açmaqdan tutmuş, yeni seçilmiş Donald Trampın Rusiya Prezidenti Vladimir Putinlə əlaqələrin olması haqqında "Washington Post" və "Reuters"in dezinformasiyasına qədər istənilən vasitədən istifadə edirlər. Xatırladım ki, Kreml bunun "təmiz uydurma məlumat" olduğunu bildirib. Daha doğrusu, bu, qızışdıran əleyhdarların çirkin yalanıdır. Vaşinqtonda Zbiqnev Bjezinskinin çoxlu ideoloji varisləri var: "XXI əsrdə ABŞ Rusiyanın hesabına və Rusiyanın dağıntıları üzərində Rusiyaya qarşı inkişaf edəcək". Oxşar dezinformasiya bloku Rusiyaya qarşı sanksiyalarının az ehtimalla zəifləməsi ətrafında formalaşır. Xatırladım ki, Tramp ilk prezidentlik dövründə onların çoxunu təsdiqləyib. ABŞ 2018-2019-cu illərdə Rusiyaya qarşı "Şimal axını"na restriksiya (məhdudiyyət) da daxil olmaqla 13 sanksiya paketi tətbiq edib. Məhz Tramp 2019-cu ildə Kiyev rejiminə silah tədarükünü ikiqat artırıb və ölkəni öldürücü silahlarla ("Javelin" tank əleyhinə idarəolunan raket (TƏİR)) doldurmağa başlayıb. 2017-ci ilin aprelində isə o, Suriya ordusunun kimyəvi silahdan istifadə etməsi bəhanəsi ilə ABŞ Hərbi Dəniz Qüvvələri və Hərbi Hava Qüvvələri tərəfindən Suriyaya kütləvi raket zərbəsi endirmək qərarına gəlib. Tramp Amerikanın militarizasiyasının tərəfdarıdır və 2018-ci ildə ABŞ-ın Ortamənzilli Nüvə Qüvvələri haqqında Müqaviləsindən çıxmasını "təşkil edib". "Böyük Amerika" dünya üçün zərərlidir Obyektiv olaraq, Tramp çox istəsə belə "inqilabçı" və ya "sehrbaz" ola bilməz. Seçki öncəsi mitinqində ilk güllə yan keçib, lakin Amerika tarixində bankir və silah istehsalçılarının maraqlarını təmsil edən "dərin dövlət" altı dəfə prezidentlərin həyatına son qoyub. ABŞ hərbi-sənaye kompleksinə Ukrayna hərbi əməliyyatlar teatrında uzun müddət davam edən yüksək texnoloji münaqişə olduqca sərfəlidir - silah konveyeri gələcək onilliklər ərzində NATO və Pentaqonun sifarişləri ilə qabaqcadan yüklənir. Həddindən artıq mənfəət nüvə məhv təhlükəsini kölgədə qoyur. Trampın seçkiqabağı Ukraynadakı müharibəni tez bitirmək niyyəti də Kiyev rejiminə hərbi yardımın artırılmasına çevrilə bilər. Burada heç bir illüziya olmamalıdır. Kremlin ABŞ-ın yeni seçilmiş prezidentinə qarşı soyuq (ayıq) münasibəti də tamamilə başa düşüləndir. Trampın "Amerikanı yenidən möhtəşəm edək" (Make America Great Again) şüarı altında ikinci kadensiyası nə qədər inkişaf etsə də, prezident ənənəvi olaraq digər ölkələrin resurslarından sonuncunun zərərinə istifadə edən xarici siyasət koordinatları sistemindən, ABŞ iqtisadiyyatından və maliyyəsindən azad deyil. Bunu hamı başa düşür, hətta ən sadiq Avropa müttəfiqləri və vassalları da. "Myśl Polska" qəzeti dünən zərif şəkildə bunu "Pekinlə mübarizənin və Rusiya ilə münaqişənin davam etdirilməsi xərcləri" adlandırıb. Gələcəyin çoxlu variantları var. ABŞ-ın "The National Interest" analitik nəşri Ağ Evin yeni administrasiyasına mübarizədə "ikinci dərəcəli" ölkələrin resurslarından istifadə etməyi və Rusiyanı Orta Asiyadan strateji cəhətdən "neytrallaşdırmağı" təklif edib. İlk növbədə, "Rusiya, Çin və ABŞ arasında unikal balans yaradan" Qazaxıstanla münasibətləri möhkəmləndirmək lazımdır. "The National Interest" vurğulayıb: "Qazaxıstanın xarici siyasət ambisiyaları ABŞ üçün əldən verməməli olduğu tarixi fürsəti təmsil edir. The National Interest qeyd edib: "Qazaxıstanın xarici siyasət ambisiyaları ABŞ üçün tarixi bir fürsətdir və onlar bunu əldən verməməlidirlər. Kollektiv Qərb Rusiya Federasiyası ilə KXDR arasında Hərtərəfli Strateji Tərəfdaşlıq Sazişinin bu yaxınlarda ratifikasiya olunmasından son dərəcə narahatdır. NATO analitikləri artıq onu "Varşava Müqaviləsi 2.0" adlandırıblar. Onlar kədərlə düşünürlər: "Görəsən Donald Tramp Rusiya ilə Şimali Koreya arasındakı hərbi tərəfdaşlığı məhv edə biləcəkmi?" Həqiqətən də, Moskva və Pxenyan artıq onilliklər ərzində "başqalarının əlləri ilə başqa ölkələrə qarşı müharibə aparmağı həddən artıq sevən" Vaşinqtona "son dərəcə ağrılı geosiyasi dərsi verməyə" hazırdırlar. O cümlədən Rusiya ilə müharibədə "Ukraynadan hərbi vasitəçi kimi istifadə strategiyası" da daxil olmaqla. ABŞ-ın iki nüvə dövlətinə qarşı müharibəyə cəlb olunma riski var və "Tramp Vaşinqtonun Moskva və Pxenyanla təhlükəli qarşıdurma münasibətlərini yumşaltmaq üçün bütün cəsarətinə ehtiyac duyacaq". NATO Baş Qərargah rəisi Rob Bauer noyabrın 10-da Ukrayna hərbi əməliyyatlar teatrında Qərb dünyasının birbaşa Moskva ilə açıq münaqişəyə girməsindən çəkindirməkdə Rusiya nüvə qüvvələrinin xüsusi rolunu vurğulayıb: "Mən əminəm ki, rusiyalıların nüvə silahı olmasaydı, biz onları qovaraq Ukraynada olardıq". Əfqanıstan təcrübəsi (biabırçılığı) Qərb siyasətçilərinə və strateqlərinə heç nə öyrətməyib. Nə olursa olsun, Rusiyanın xüsusi hərbi əməliyyatının (XHƏ) ilkin olaraq qarşıya qoyduğu məqsədlər əldə ediləcək, ABŞ və NATO isə Ukraynadakı geosiyasi və qlobal-tarixi səhvlərinin hesabı üzündən uzun müddət əziyyət çəkməyə məhkumdurlar.

2024

xəbərlər

ru_AZ

donald tramp, kiyev, nato, abş, xüsusi hərbi əməliyyat, qərb, əfqanıstan, kxdr