Tarixdə bu gün: 7 noyabr – FOTO

Tofiq Quliyev (1917-2000) - Azərbaycanın xalq artisti, bəstəkarı, dirijoru və pianoçusudur. O, Azərbaycanda muğamları nota yazan ilk bəstəkarlardan biri olub.

Mariya Sklodovskaya-Kyuri (1867-1934) - Fransa və Polşa fiziki və kimyaçısıdır. O, kimya və fizika üzrə iki dəfə "Nobel" mükafatı laureatıdır.

Alber Kamyu (1913-1960) - fransız filosofu, jurnalisti və yazıçısıdır. O, "Yad", "Taun", "Sizif haqqında mif", "Çöküş" və "Üsyan" kimi məşhur əsərlərin müəllifidir. Alber Kamyu ədəbiyyat üzrə "Nobel" mükafatı laureatıdır.

Georgi Millyar (1903-1993) - Rusiyanın teatr və kino aktyoru, RSFSR xalq artistidir. O, rejissor Aleksandr Rounun "Gözəl Vasilisa" nağıl filmlərindəki Küpəgirən qarı və digər mənfi personajların obrazı sayəsində SSRİ-də geniş şöhrət qazanıb.

Lindsi Dunkan (1950) - Şotlandiya aktrisasıdır. O, teatr səhnəsindəki çıxışları sayəsində ən böyük uğura imza atıb. Aktrisa, həmçinin "Güzgülü dəri", "Toskana günəşi altında", "Şerlok" və s. filmlərdə rol alıb.

1944-cü ildə Bakıda anadan olmuş görkəmli sovet kəşfiyyatçısı Rixard Zorge Yaponiyada edam edilib.

1949-cu ildə Azərbaycanın "Neft Daşları" dəniz yatağında hasilat həcmi sutkada 100 ton olan 1 nömrəli quyu istifadəyə verilib.

1996-cı ildə Nigeriyada "Boeing-727" təyyarəsi qəzaya uğrayıb. Nəticədə 141 nəfər həlak olub.

2020-ci ildə Azərbaycan Prezidenti İlham Əliyev Füzuli rayonunun Yuxarı Veysəlli, Yuxarı Seyidəhmədli, Qorqan, Üçüncü Mahmudlu, Qacar, Divanalılar kəndlərinin, Cəbrayıl rayonunun Yuxarı Məzrə, Yanarhac kəndlərinin, Qubadlı rayonunun Qəzyan, Balasoltanlı, Mərdanlı kəndlərinin, Zəngilan rayonunun Beşdəli kəndlərinin, Xocalı rayonunun Qarabulaq, Moşxmaat kəndlərinin, Xocavənd rayonunun Ataqut və Tsakuri kəndlərinin nəzarətə götürüldüyünü elan edib.