Tarixdə bu gün: 5 noyabr – FOTO
© Sputnik
Abunə olmaq
Bu gün müxtəlif illərdə dünyada və ölkədə baş verən hadisələr barədə Sputnik Azərbaycan-ın icmalında oxuyun.
BAKI, 5 noyabr — Sputnik. Noyabrın 5-də bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəlib. Bu gün həmçinin tarixə düşən hadisələr də baş verib.
Noyabrın 5-də kimlər anadan olub?
Vivyen Li (1913-1967) – İngiltərə aktrisasıdır. O, "Ən yaxşı aktrisa" nominasiyasında iki dəfə "Oskar" mükafatı laureatıdır.
Vivyen Li
© AP Photo
Hans Saks (1494-1576) - alman şairi və dramaturqudur. O, reformasiya ideyalarının tərəfdarı və populyarlaşdırıcısıdır.
Co Dassen (1938-1980) - fransız müğənni, bəstəkar və musiqiçidir. "Quantanamera", "Les Dalton", "Siffler sur la colline", "Ma bonne etoile", "Les Champs Elysees" və "Salut" kimi əfsanəvi hitlərin ifası ona şöhrət qazandırıb.
Co Dassen
© Getty Images / United Archives
Tilda Suinton (1960) - İngiltərə aktrisasıdır. O, dünyanın iki ən böyük kinofestivalının - Berlin və Venesiya mükafatı laureatıdır.
Tilda Suinton
© AP Photo / Evan Agostini / Invision
Kseniya Sobçak (1981) – rusiyalı aparıcı, jurnalist, aktrisa və ictimai xadimdir. O, bir sıra televiziya proqramlarının, o cümlədən "Dom-2", "Blondinka v şokolade", "Posledniy geroy" və digər realiti-şouların aparıcısı olub.
5 noyabr tarixində dünyada baş verən tarixi hadisələr
1929-cu ildə Moskvada SSRİ-də ilk planetarium açılıb.
1935-ci ildə "Monopoliya" stolüstü oyunu icad edilib.
1940-cı ildə Franklin Ruzvelt üçüncü dəfə ABŞ prezidenti seçilən ilk və yeganə siyasətçi olub.
1956-cı ildə İngiltərədə ilk rəngli televiziya yayımı baş tutub.
2009-cu ildə Texas ştatının Fort Hud hərbi bazasında 13 nəfərin ölümü, 32 nəfərin yaralanması ilə nəticələnən qətliam baş verib. Qətl 39 yaşlı hərbi psixiatr, ABŞ ordusunun mayoru Nidal Malik Hasan tərəfindən törədilib.
2020-ci ildə Azərbaycan Prezidenti İlham Əliyev İkinci Qarabağ müharibəsi zamanı Cəbrayıl rayonunun Şıxəli Ağalı, Sarıcalı və Məzrə kəndlərinin, eləcə də müxtəlif istiqamətlərdə bir neçə strateji yüksəkliklərin Azərbaycan ordusu tərəfindən ələ keçirildiyini bəyan edib.
