Tarixdə bu gün: 29 oktyabr – FOTO
© Sputnik / Elnur Salayev
Abunə olmaq
Bu gün müxtəlif illərdə dünyada və ölkədə baş verən hadisələr barədə Sputnik Azərbaycan-ın icmalında oxuyun.
BAKI, 29 oktyabr — Sputnik. Oktyabrın 29-da bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəlib. Bu gün həmçinin tarixə düşən hadisələr də baş verib.
Oktyabrın 29-da kimlər anadan olub?
Mixail Lavrovski (1941) - Sovet və Rusiya balet artisti, baletmeyster, xoreoqraf, aktyor və SSRİ xalq artistidir. O, 2010-cu ildən Moskva Dövlət Xoreoqrafiya Akademiyasının bədii rəhbəridir.
Mixail Lavrovski
© Sputnik / Григорий Сысоев
Riçard Dreyfus (1947) - ABŞ aktyorudur. O, "Oskar" mükafatının ən gənc qaliblərindən biridir (mükafatı 30 yaşında alıb). Aktyor "Çənələr", "Dəlilər", "Komanda" və s. filmlərdə rol alıb.
Riçard Dreyfus
© AP Photo / Richard Shotwell
Vaynona Rayder (1971) - amerikalı aktrisa və prodüserdir. O, "Qızıl Qlobus" mükafatı laureatıdır. Aktrisa "Dəniz qızları", "Ruhlar evi", "Brem Stokerin Drakulası", "Sonuncu söz" və s. filmlərdə rol alıb.
Vaynona Rayder (solda)
© Photo : Jordan Strauss / Invision / AP
29 oktyabr tarixində dünyada baş verən tarixi hadisələr
1905-ci ildə Dairəvi Baykal dəmir yolu daimi istifadəyə verilib.
1945-ci ildə Nyu-Yorkda ilk dəfə olaraq diyircəkli qələmlər satışa çıxarılıb (patent aldıqdan 57 il sonra).
2006-cı ildə Ümumdünya İnsultla Mübarizə Günü təsis edilib.
2015-ci ildə Çin hakimiyyəti 1979-cu ildə tətbiq edilən "Bir ailə - bir uşaq" siyasətinin başa çatdığını elan edib. Hazırda bütün ailələr iki uşaq sahibi olmaq hüququna malikdirlər.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
