Bu gecə Sumqayıt qaranlığa qərq olacaq
20:05 29.10.2024 (Yenilənib: 20:06 29.10.2024)
Abunə olmaq
"Azərişıq" ASC bildirib ki, yarımstansiyada aparılan təmir işləri ilə əlaqədar şəhərdə işıqlar söndürüləcək.
BAKI, 29 oktyabr - Sputnik. Bu gecə Sumqayıt şəhərinin bir sıra yerlərində elektrik enerjisinin verilişində məhdudiyyət yaranacaq.
Bu barədə "Azərişıq" ASC məlumat yayıb.
Bildirilir ki, Sumqayıt RETSİ-nə (Rayon Enerji Təchizatı və Satışı İdarəsi) daxil olan bəzi ərazilərdə 10/35/6 kV-luq 135 saylı yarımstansiyada həyata keçirilən profilaktik təmir işləri ilə əlaqədar oktyabrın 30-da elektrik xətləri sifarişə əsasən açılacaq.
Bununla əlaqədar olaraq, saat 00:00-dan saat 03:00-dək Sumqayıtın 3, 7-8-12, 10, 15, 16, 21, 22, 29, 36, 39, 41a, 41, 42, 76-cı məhəllələr, 1, 2, 3, 4, 8-ci mikrorayonlar, İnşaatçılar, Katec qəsəbələrində elektrik enerjisinin verilişində məhdudiyyət yaranacaq.
Təmir işləri yekunlaşdıqdan sonra sözügedən ərazilər daha keyfiyyətli elektrik enerjisi ilə təmin olunacaq.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
