https://sputnik.az/20241025/azerbaycanda-banklarin-subheli-saydigi-emeliyyatlarin-sayi-keskin-artib---sebeb-nedir-468301296.html

Azərbaycanda bankların şübhəli saydığı əməliyyatların sayı kəskin artıb - Səbəb nədir?

Azərbaycanda bankların şübhəli saydığı əməliyyatların sayı kəskin artıb - Səbəb nədir?

Sputnik Azərbaycan

Ötən il bankların şübhəli saydığı əməliyyatların ümumi məbləği 8,1 milyard manat təşkil edib ki, bu da 2022-ci ilə nisbətən 3,8 dəfə çoxdur. 25.10.2024, Sputnik Azərbaycan

2024-10-25T22:12+0400

2024-10-25T22:12+0400

2024-10-25T22:12+0400

bank

iqtisadiyyat

əməliyyat

məbləğ

ədv

azərbaycan

min manat

dövriyyə

nağdsız hesablaşmalar

maliyyə

https://cdnn1.img.sputnik.az/img/07e8/04/01/463638445_0:151:3072:1879_1920x0_80_0_0_5ebc7ee78e18344a5df28df03f02d318.jpg

BAKI, 25 oktyabr — Sputnik. Keçən il Azərbaycan bankları şübhəli hesab etdikləri 1393 əməliyyatla bağlı Maliyyə Monitorinqi Xidmətinə hesabat təqdim edib. Sputnik Azərbaycan Maliyyə Monitorinqi Xidmətinin maliyyə hesabatına istinadla xəbər verir ki, bu göstərici 2022-ci illə müqayisədə 31,8 faiz çoxdur. Ötən il bankların şübhəli saydığı əməliyyatların ümumi məbləği isə 8,1 milyard manat təşkil edib ki, bu da 2022-ci ilə nisbətən 3,8 dəfə çoxdur. Bundan başqa, ötən il investisiya şirkətləri şübhəli hesab etdikləri və ümumi məbləği 152,1 milyon manat olan 15 əməliyyat barədə Maliyyə Monitorinqi Xidmətini məlumatlandırıb. Bu da 2022-ci illə müqayisədə müvafiq olaraq 760,5 dəfə və 15 dəfə çoxdur. Maliyyə Monitorinqi Xidməti bəyan edib ki, şübhəli əməliyyatlar bağlı hesabatların sayında müşahidə olunan artımın başlıca səbəbi "Nağdsız hesablaşmalar haqqında" qanunda nəzərdə tutulmuş aylıq nağdlaşdırma limitini pozan vergi ödəyiciləri ilə bağlı hesabatların 2023-cü ildən şübhəli hesabat kodu altında Xidmətə təqdim edilməsidir. Aylıq nağdlaşdırma limiti nə qədərdir? Qeyd edək ki, "Nağdsız hesablaşmalar haqqında" qanunun məqsədi Azərbaycan ərazisində aparılan əməliyyatların və hesablaşmaların şəffaflığını, istehlakçıların hüquqlarının müdafiəsini təmin etmək, nağd pul hesablaşmalarının nağdsız hesablaşmalarla əvəzlənməsini stimullaşdırmaq, bank sisteminin inkişafını sürətləndirməkdir. Qanunvericilikdə 30 min və 15 min manatlıq aylıq limit nəzərdə tutulur. Məsələn, dövriyyəsindən asılı olmayaraq bütün ƏDV ödəyiciləri üçün nağd məxaric əməliyyatları üzrə aylıq limit 30 min manat müəyyən edilib. Yəni dövriyyəsindən asılı olmayaraq bütün ƏDV ödəyiciləri təqvim ayı ərzində 30 min manata qədər nağd ödənişlər həyata keçirə bilər. Xatırladaq ki, Maliyyə Monitorinqi Xidməti Azərbaycan Prezidentinin 2009-cu il 23 fevral tarixli Fərmanı ilə yaradılıb. 2016-cı il 3 fevral tarixində yeni publik hüquqi şəxs – Maliyyə Bazarlarına Nəzarət Palatası – yaradılıb və Maliyyə Monitorinqi Xidməti onun tərkibinə daxil edilməklə Palataya maliyyə monitorinqi orqanı funksiyası verilib.Azərbaycan Prezidentinin 2018-ci il 25 may tarixli Fərmanına uyğun olaraq, cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə sahəsində həyata keçirilən tədbirlərdə dövlət qurumlarının potensialının gücləndirilməsi və bu sahədə fəaliyyətin effektiv əlaqələndirilməsini təmin edən koordinasiya mexanizminin yaradılması, onlar arasında əməkdaşlığın və məlumat mübadiləsi sisteminin səmərəliliyinin artırılması məqsədi ilə Maliyyə Monitorinqi Xidməti publik hüquqi şəxs yaradılıb.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

azərbaycan

2024

xəbərlər

ru_AZ

bank, əməliyyat, məbləğ, ədv, azərbaycan, min manat, dövriyyə, nağdsız hesablaşmalar, maliyyə, monitorinq, xidmət, milyon