Tarixdə bu gün: 24 oktyabr – FOTO
© Sputnik / Elnur Salayev
Abunə olmaq
Bu gün müxtəlif illərdə dünyada və ölkədə baş verən hadisələr barədə Sputnik Azərbaycan-ın icmalında oxuyun.
BAKI, 24 oktyabr — Sputnik. Oktyabrın 24-də bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəlib. Bu gün həmçinin tarixə düşən hadisələr də baş verib.
Oktyabrın 24-də kimlər anadan olub?
Hüseyn Cavid (1882 -1941) - Azərbaycan şairi və dramaturqudur. Onun XX əsr Azərbaycan ədəbiyyatının formalaşmasında böyük rolu olub. Şair "İblis", "Şeyx Sənan", "Xəyyam" və s. ən məşhur əsərlərin müəllifidir.
Hüseyn Cavidin heykəli
© Sputnik / Irade JELIL
Daniel Svarovski (1862–1956) - Avstriya mühəndisidir. O, Avstriya "Swarovski" kristal imperiyasının banisidir.
Arkadi Raykin
© Sputnik / Александр Невежин
Farid Mürray Abraham (1939) - ABŞ aktyorudur. O, "Amadey" filmindəki Antonio Salyeri roluna görə "Oskar" və "Qızıl Qlobus" mükafatları laureatıdır. Aktyor daha çox "Çapıqlı üz" və "Forresteri tapmaq " filmlərində, həmçinin "Vətən" teleserialındakı rolları ilə tanınır.
Kevin Klayn (1947) - ABŞ kino aktyorudur. O, "Oskar" və üç "Toni" mükafatları laureatıdır. Aktyor "Sofinin seçimi", "Böyük məyusluq", "Vanda adlı balıq" və s. filmlərdə rol alıb.
Kevin Klayn
© AP Photo / Scott A Garfitt / Invision
24 oktyabr tarixində dünyada baş verən tarixi hadisələr
1857-ci ildə İngiltərədə dünyanın ilk futbol komandası yaradılıb.
1897-ci ildə Rusiyada ilk futbol matçı Sankt-Peterburqda keçirilib.
1939-cu ildə neylon corablar dünyada ilk dəfə olaraq ABŞ-da satışa çıxarılıb.
1977-ci ildə Sovetin İl-86 sərnişin təyyarəsinin ilk sınaq uçuşu baş tutub.
2002-ci ildə Bakıda Hüseyn Cavidin Ev Muzeyi açılıb.
2011-ci ildə Birləşmiş Millətlər Təşkilatının (BMT) Baş Assambleyasının 66-cı plenar iclasında Azərbaycan BMT Təhlükəsizlik Şurasının yeni qeyri-daimi üzvü seçilib.
