Tarixdə bu gün: 23 oktyabr – FOTO
© Sputnik / Elnur Salayev
Abunə olmaq
Bu gün müxtəlif illərdə dünyada və ölkədə baş verən hadisələr barədə Sputnik Azərbaycan-ın icmalında oxuyun.
BAKI, 23 oktyabr — Sputnik. Oktyabrın 23-də bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəlib. Bu gün həmçinin tarixə düşən hadisələr də baş verib.
Oktyabrın 23-də kimlər anadan olub?
Canni Rodari (1920-1980) - italyan uşaq yazıçısı və jurnalistdir. O, "Cipollinonun sərgüzəştləri", "Mavi oxun səyahəti" və başqa nağılların müəllifidir.
Pele (1940-2022) - braziliyalı futbolçu və hücumçudur. Onun əsl adı Edson Arantis du Nasimentodur. O, "Santos" və "Nyu-York Kosmos" klublarında oynayıb. Futbolçu Braziliya millisinin heyətində 92 oyun keçirib və 77 qol vurub. Pele tarixdə futbolçu kimi üç dəfə (1958, 1962 və 1970-ci illərdə) dünya çempionu olmuş yeganə futbolçudur.
Pele
© AP Photo
Rayan Reynolds (1976) - Kanada aktyoru və film prodüseridir. O, "Balaca cadugər Sabrina", "Sadəcə dostlar", "Bəli, xeyr, yəqin", "Təklif", "İks-adamlar: Başlanğıc. Şimal porsuğu", "Macəra diyarı" və s. filmlərindəki rolları ilə tanınıb.
Ryan Reynolds
© AP Photo / Charles Sykes / Invision
Emiliya Klark (1986) – İngiltərə televiziya və kino aktrisasıdır. O, "Taxt-tac oyunları", "Terminator: Genezis" və başqa filmlərdə rol alıb.
Emiliya Klark
© AP Photo / Jordan Strauss / Invision
23 oktyabr tarixində dünyada baş verən tarixi hadisələr
787-ci ildə xristian kilsəsinin İkinci Nikeya katedralı bu günə qədər qorunub saxlanılan ikonalara hörmət qaydasını təyin edib.
1814-cü ildə Avropada ilk plastik əməliyyat həyata keçirilib. Bu əməliyyat Londonda baş verib və burada cərrah Cozef Karpyu müvəffəqiyyətlə rinoplastika əməliyyatını edib - ağır xəsarətlərdən sonra xəstənin burnunun şəklini düzəldib.
1914-cü ildə Moskvada Şukin adına Teatr Məktəbi açılıb.
1985-ci ildə Moskva rok-laboratoriyasının əsası qoyulub.
2002-ci ildə Moskvada "Nord-Ost" musiqili tamaşası zamanı terrorçular 800-ə yaxın insanı girov götürüb. Rəsmi məlumatlara görə, 130 nəfər həlak olub.
2020-ci ildə İkinci Qarabağ müharibəsi zamanı Azərbaycan ordusu Xocavənd rayonunun Dolanlar, Bünyadlı kəndlərini, Cəbrayıl rayonunun Dağ Tumas, Nüsüs, Xələfli, Minbaşılı, Veysəlli kəndlərini, Zəngilan rayonunun Vənədli və Mirzağasənli, eləcə də Qubadlı rayonunun Zilanlı, Kürd Mahrızlı, Muğanlı və Alaqurşağı kəndlərini erməni işğalından azad edib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
