https://sputnik.az/20241015/bakida-tikinti-bumu-rusiya-sirketleri-azerbaycanda-feal-isleyirler-468076577.html

Bakıda tikinti bumu: Rusiya şirkətləri Azərbaycanda fəal işləyirlər

Bakıda tikinti bumu: Rusiya şirkətləri Azərbaycanda fəal işləyirlər

Sputnik Azərbaycan

Rusiyanın Bakıdakı səfiri qeyd edib ki, Azərbaycanın paytaxtı dinamik şəkildə qurulur, işğaldan azad edilmiş ərazilərdə genişmiqyaslı tikinti işlərinə... 15.10.2024, Sputnik Azərbaycan

2024-10-15T14:15+0400

2024-10-15T14:15+0400

2024-10-15T14:15+0400

xəzər

paytaxt xəbərləri

tikinti

milli dirçəliş günü

qarabağ

https://cdnn1.img.sputnik.az/img/07e8/0a/0f/468070175_0:1:1280:721_1920x0_80_0_0_2069209028d4c5c0092223be2e8fcfb8.jpg

BAKI, 15 oktyabr — Sputnik. Rusiyanın Azərbaycandakı səfiri Mixail Yevdokimov "Sputnik Azərbaycan"a açıqlamasında bildirib ki, respublikanın tikinti bazarının fəal şəkildə inkişaf etdiyi bir vaxtda bir sıra Rusiya şirkətləri Azərbaycanda istehsalın lokallaşdırılmasına başlayıblar. "Rusiya şirkətləri burada (Bakıda keçirilən Xəzər İnşaat həftəsində - red.) geniş şəkildə - 55 müəssisə ilə təmsil olunublar. Rusiyadan müxtəlif tikinti həlləri və materialları tədarük etməyə hazır olanlar da var. Üstəlik, AR-da tikinti bazarı fəal şəkildə inkişaf etdiyi üçün Azərbaycanda istehsalın lokallaşdırılmasına başlayan şirkətlər var" - Yevdokimov qeyd edib. O əlavə edib ki, artım Bakının timsalında aydın görünür - şəhər gözümüzün qarşısında dəyişir. Rusiyalı diplomat bu bazarın inkişafını şərtləndirən digər amil kimi Azərbaycanın işğaldan azad edilmiş ərazilərində irimiqyaslı tikinti işlərinin aparılmasını göstərib. "Rusiya şirkətləri Azərbaycanda böyük məmnuniyyət və maraqla işləyirlər" - Yevdokimov vurğulayıb. ***"Sputnik Azərbaycan" xəbər verib ki, çərşənbə axşamı Bakı Ekspo Mərkəzində oktyabrın 17-dək davam edəcək Xəzər İnşaat Həftəsi başlayıb. Onun çərçivəsində IV Azərbaycan Beynəlxalq "Qarabağın bərpası, yenidən qurulması və inkişafı" ("Rebuild Karabakh 2024"), 29-cu Azərbaycan Beynəlxalq "Tikinti" (BakuBuild), 16-cı Beynəlxalq "İstilik, havalandırma, kondisionerləşmə, su təchizatı, santexnika və hovuzlar" (Aquatherm Baku), həmçinin 12-ci Xəzər Beynəlxalq "Yol infrastrukturu və ictimai nəqliyyat" (Road&Traffic) sərgilərinin açılışı olub. Tədbirin təşkilatçıları Caspian Event Organisers, Iteca Caspian və onların beynəlxalq tərəfdaşları olan ICA Events və Caspian Event Management FZ-LLC-dir. Sərgilərə AR İqtisadiyyat Nazirliyi, AR Prezidentinin Qarabağdakı xüsusi nümayəndəlikləri, Bakı Şəhər İcra Hakimiyyəti, Qarabağın Dirçəliş Fondu, AR Mənzil İnşaatı Dövlət Agentliyi (MİDA), Azərbaycan Memarlar İttifaqı və AR Dövlət Şəhərsalma və Arxitektura Komitəsi dəstək verirlər. Sərgi stendlərində 22 ölkədən 350-yə yaxın şirkət öz məhsullarını təqdim edir. Tədbirə gələn qonaqlar, xüsusilə, geniş çeşiddə tikinti materialları - dam örtükləri, izolyasiya materialları, interyer və fasadlar üçün materiallar, qranit və mərmər, keramika, eləcə də qapı və pəncərələrlə tanış ola biləcəklər. İştirakçılar tikinti sənayesindəki ən son nailiyyətləri nümayiş etdirəcəklər. Mərkəzin foyesində Qarabağ Dirçəliş Fondunun "Qarabağda Urbisid və ekosid" ekspozisiyası yerləşdirilib. Buraya Azərbaycanın erməni işğalından sonra işğaldan azad edilmiş ərazilərindəki tarixi obyektlərin fotoşəkilləri daxildir. Həmçinin rəssam Rauf Canıbəyovun rəsmləri və zəngin milli ornamentləri ilə seçilən Qarabağ xalçaları nümayiş etdirilir. Bundan əlavə, ziyarətçilər peşəkar xalçaçıların belə xalçaları necə yaratdıqlarını izləyə biləcəklər. Tədbirdə, həmçinin müxtəlif mövzularda panel müzakirələri keçiriləcək.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

https://sputnik.az/20240923/rusiyanin-tikinti-nehengleri-azerbaycan-bazarinda-bazarda-keyfiyyet-ve-reqabet-guclenecek-467500156.html

2024

xəbərlər

ru_AZ

xəzər, tikinti, milli dirçəliş günü, qarabağ