https://sputnik.az/20241012/pasinyan-zengezur-dehlizine-nezaretin-rusiya-ftx-ye-verile-bileceyini-istisna-etmeyib-468024933.html
Paşinyan Zəngəzur dəhlizinə nəzarətin Rusiya FTX-yə verilə biləcəyini istisna etməyib
Paşinyan Zəngəzur dəhlizinə nəzarətin Rusiya FTX-yə verilə biləcəyini istisna etməyib
Sputnik Azərbaycan
Üçtərəfli bəyanatda Zəngəzura Rusiya FTX-nın nəzarəti razılaşdırılıb
2024-10-12T15:11+0400
2024-10-12T15:11+0400
2024-10-12T15:25+0400
azərbaycan-ermənistan sərhədində vəziyyət
nikol paşinyan
ermənistanın baş naziri nikol paşinyan
zəngəzur dəhlizi
rusiya federal təhlükəsizlik xidməti
federal təhlükəsizlik xidməti
rusiya federal təhlükəsizlik xidməti
aleksey overçuk
https://cdnn1.img.sputnik.az/img/07e8/09/0a/467281537_0:161:3071:1888_1920x0_80_0_0_5d9cb2d40078e9626a58c93d9e93cf8b.jpg
BAKI, 12 oktyabr - Sputnik. Ermənistanın Sünik vilayətindən keçən yola (Zəngəzur dəhlizi-red.) nəzarət funksiyası Rusiyanın Federal Təhlükəsizlik Xidmətinə (FTX) verilə bilər.Bunu Ermənistanın baş naziri Nikol Paşinyan “Dünyanın kəsişməsi: təhlükəsizlik və demokratiyanın birləşməsi” adlı konfransda çıxışı zamanı deyib."Rusiya FTX nümayəndələrinə yalnız Sünikdə yola nəzarət funksiyası verilə bilər" - deyən Paşinyan 9 noyabr 2020-ci il tarixli üçtərəfli bəyanatın 9-cu bəndindən sitat gətirib. O, “Nəqliyyat rabitəsinə nəzarəti Rusiya FTX-nın Sərhəd Xidməti həyata keçirir” cümləsinə diqqət yetirib.“Bu təklif bu yaxınlarda müəyyən dairədə səsləndi və mən soruşdum ki, bu nə deməkdir, kim izah edə bilər? Rusiya Federasiyası Prezidentinin 10 dekabr 2020-ci il tarixli fərmanında əksini tapan bu məsələ necə başa düşülür? Bu o deməkdir ki, Rusiya Federasiyasının nümayəndələri, Ermənistanın öz öhdəliyini necə yerinə yetirdiyini görmək üçün hansısa monitorinq funksiyasını həyata keçirə bilər” - Paşinyan qeyd edib.Onun sözlərinə görə, bəyanatdakı bəndlərin heç biri Ermənistanın suveren hüquqlarına hər hansı məhdudiyyəti nəzərdə tutmur. Paşinyan həmçinin qeyd edib ki, bəyanatın bəndlərinin yerinə yetirlməsi ilə bağlı çoxlu problemlər var. O iddia edib ki, bir çox digər məsələlər, xüsusən də Laçın dəhlizi, əsirlərin və digər məhbusların geri qaytarılması ilə bağlı məsələlər yerinə yetirilməyib. Bundan əvvəl Rusiya Federasiyası Baş nazirinin müavini və üçtərəfli işçi qrupunun Rusiya tərəfdən həmsədri Aleksey Overçuk bildirib ki, Rusiya Cənubi Qafqazda kommunikasiyaların açılması, Ermənistanın suverenliyi, ərazi bütövlüyü və yurisdiksiyası ilə bağlı proseslərə hər zaman köməklik göstərməyə hazırdır. Overçuk həmçinin bildirib ki, Cənubi Qafqazda iqtisadi və nəqliyyat dəhlizlərinin blokdan çxarılması yalnız Rusiyanın iştirakı ilə mümkündür. Eyni zamanda, o qeyd edib ki, 1,5-2 ildir ki, üç ölkənin baş nazirlərinin müavinləri səviyyəsində üçtərəfli işçi qrupun işində heç bir irəliləyiş yoxdur. Qeyd edək ki, 9-10 noyabr tarixli Dağlıq Qarabağla bağlı üçtərəfli bəyanatda regionda bütün iqtisadi və nəqliyyat əlaqələrinin açılması ilə bağlı bənd yer alıb. Bəyanata 2021-ci il yanvarın 11-də Moskvada keçirilən görüşdə əlavələr edilib və burada regionda nəqliyyat və iqtisadi əlaqələrin inkişafı üçün baş nazirin müavinləri səviyyəsində işçi qrupun yaradılması qərara alınıb. Lakin uzun müddətdir ki, komissiya fəaliyyət göstərmir, İrəvan və Bakı birbaşa işləyir.
zəngəzur dəhlizi
Sputnik Azərbaycan
media@sputniknews.com
+74956456601
MIA „Rossiya Segodnya“
2024
Sputnik Azərbaycan
media@sputniknews.com
+74956456601
MIA „Rossiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
paşinyan, zəngəzur dəhlizi, rusiya ftx, üçtərəfli bəyanat
paşinyan, zəngəzur dəhlizi, rusiya ftx, üçtərəfli bəyanat
Paşinyan Zəngəzur dəhlizinə nəzarətin Rusiya FTX-yə verilə biləcəyini istisna etməyib
15:11 12.10.2024 (Yenilənib: 15:25 12.10.2024) Bir qədər əvvəl Rusiyanın baş nazirinin müavini Aleksey Overçuk bildirib ki, Cənubi Qafqazda iqtisadi və nəqliyyat dəhlizlərinin blokdan çxarılması yalnız Rusiyanın iştirakı ilə mümkündür.
BAKI, 12 oktyabr - Sputnik. Ermənistanın Sünik vilayətindən keçən yola (Zəngəzur dəhlizi-red.) nəzarət funksiyası Rusiyanın Federal Təhlükəsizlik Xidmətinə (FTX) verilə bilər.
Bunu Ermənistanın baş naziri Nikol Paşinyan “Dünyanın kəsişməsi: təhlükəsizlik və demokratiyanın birləşməsi” adlı konfransda çıxışı zamanı deyib.
"Rusiya FTX nümayəndələrinə yalnız Sünikdə yola nəzarət funksiyası verilə bilər" - deyən Paşinyan 9 noyabr 2020-ci il tarixli üçtərəfli bəyanatın 9-cu bəndindən sitat gətirib. O, “Nəqliyyat rabitəsinə nəzarəti Rusiya FTX-nın Sərhəd Xidməti həyata keçirir” cümləsinə diqqət yetirib.
“Bu təklif bu yaxınlarda müəyyən dairədə səsləndi və mən soruşdum ki, bu nə deməkdir, kim izah edə bilər? Rusiya Federasiyası Prezidentinin 10 dekabr 2020-ci il tarixli fərmanında əksini tapan bu məsələ necə başa düşülür? Bu o deməkdir ki, Rusiya Federasiyasının nümayəndələri, Ermənistanın öz öhdəliyini necə yerinə yetirdiyini görmək üçün hansısa monitorinq funksiyasını həyata keçirə bilər” - Paşinyan qeyd edib.
Onun sözlərinə görə, bəyanatdakı bəndlərin heç biri Ermənistanın suveren hüquqlarına hər hansı məhdudiyyəti nəzərdə tutmur.
Paşinyan həmçinin qeyd edib ki, bəyanatın bəndlərinin yerinə yetirlməsi ilə bağlı çoxlu problemlər var. O iddia edib ki, bir çox digər məsələlər, xüsusən də Laçın dəhlizi, əsirlərin və digər məhbusların geri qaytarılması ilə bağlı məsələlər yerinə yetirilməyib.
Bundan əvvəl Rusiya Federasiyası Baş nazirinin müavini və üçtərəfli işçi qrupunun Rusiya tərəfdən həmsədri Aleksey Overçuk bildirib ki, Rusiya Cənubi Qafqazda kommunikasiyaların açılması, Ermənistanın suverenliyi, ərazi bütövlüyü və yurisdiksiyası ilə bağlı proseslərə hər zaman köməklik göstərməyə hazırdır.
Overçuk həmçinin bildirib ki, Cənubi Qafqazda iqtisadi və nəqliyyat dəhlizlərinin blokdan çxarılması yalnız Rusiyanın iştirakı ilə mümkündür. Eyni zamanda, o qeyd edib ki, 1,5-2 ildir ki, üç ölkənin baş nazirlərinin müavinləri səviyyəsində üçtərəfli işçi qrupun işində heç bir irəliləyiş yoxdur.
Qeyd edək ki, 9-10 noyabr tarixli Dağlıq Qarabağla bağlı üçtərəfli bəyanatda regionda bütün iqtisadi və nəqliyyat əlaqələrinin açılması ilə bağlı bənd yer alıb. Bəyanata 2021-ci il yanvarın 11-də Moskvada keçirilən görüşdə əlavələr edilib və burada regionda nəqliyyat və iqtisadi əlaqələrin inkişafı üçün baş nazirin müavinləri səviyyəsində işçi qrupun yaradılması qərara alınıb. Lakin uzun müddətdir ki, komissiya fəaliyyət göstərmir, İrəvan və Bakı birbaşa işləyir.
