https://sputnik.az/20241011/xarici-valyutanin-olkeye-qaytarilmamasina-dair--mesuliyyet-tedbirleri-muzakire-olunub-468009186.html

Xarici valyutanın ölkəyə qaytarılmamasına dair məsuliyyət tədbirləri müzakirə olunub

Xarici valyutanın ölkəyə qaytarılmamasına dair məsuliyyət tədbirləri müzakirə olunub

Sputnik Azərbaycan

İclasın yekununda İqtisadi Şura üzvlərinin təklifləri nəzərə alınmaqla qərarlar qəbul olunub və aidiyyəti qurumlara müvafiq tapşırıqlar verilib. 11.10.2024, Sputnik Azərbaycan

2024-10-11T20:22+0400

2024-10-11T20:22+0400

2024-10-11T20:22+0400

nazirlər kabineti

azərbaycan xəbərləri

şura

socar

mikayıl cabbarov

mikayıl cabbarov

https://cdnn1.img.sputnik.az/img/07e8/0a/0b/468009019_0:10:3084:1745_1920x0_80_0_0_b51384579a6ec1042f99d673ae836bd7.jpg

BAKI, 11 oktyabr — Sputnik. İqtisadi Şuranın növbəti iclası keçirilib. Nazirlər Kabinetindən verilən xəbərə görə, 10 oktyabr tarixində Azərbaycan Respublikası İqtisadi Şurasının sədri, Baş nazir Əli Əsədovun rəhbərliyi ilə keçirilən iclasda Azərbaycan Respublikasının Prezidenti İlham Əliyevin sədrliyi ilə 26 sentyabr 2024-cü il tarixində keçirilən iqtisadi məsələlərə həsr olunmuş müşavirədəki tapşırıqlarından irəli gələrək "Azərbaycan Respublikasında idxal-ixrac əməliyyatlarının tənzimlənməsi Qaydaları", ixrac əməliyyatları zamanı əldə olunmuş vəsaitin qanunvericiliyə uyğun olaraq 180 gün ərzində ölkəyə gətirilməsinin vəziyyəti, ixrac edilən malların sektorlar və ölkələr üzrə təsnifatı, fiziki və hüquqi şəxslər üzrə ölkəyə qaytarılmayan valyuta vəsaitləri, xarici valyuta vəsaitlərinin xaricdən qaytarılmaması ilə əlaqədar inzibati-cinayət məsuliyyəti tədbirləri barədə geniş müzakirələr aparılıb. Məsələ ətrafında Dövlət Gömrük Komitəsinin sədri Şahin Bağırov, Mərkəzi Bankın sədri Taleh Kazımov və iclasda iştirak edən Azərbaycan Respublikasının Baş prokuroru Kamran Əliyev çıxış ediblər. Gündəlikdə ikinci məsələ olaraq "Cənub Qaz Dəhlizi" Qapalı Səhmdar Cəmiyyətinin fəaliyyəti ilə bağlı məsələlər də ətraflı müzakirə olunub. Məsələ üzrə iqtisadiyyat naziri Mikayıl Cabbarovun, SOCAR-ın prezidenti Rövşən Nəcəfin və Dövlət Neft Fondunun icraçı direktoru İsrafil Məmmədovun məruzələri dinlənilib. Təqdim olunan məsələlər üzrə İqtisadi Şura üzvləri tərəfindən geniş müzakirələr aparılıb. İclasın yekununda İqtisadi Şura üzvlərinin təklifləri nəzərə alınmaqla qərarlar qəbul olunub və aidiyyəti qurumlara müvafiq tapşırıqlar verilib.

2024

xəbərlər

ru_AZ

nazirlər kabineti, şura, socar, mikayıl cabbarov, mikayıl cabbarov