https://sputnik.az/20241008/azerbaycan-belarus-arasinda-baytarliq-bitki-karantini-sahesinde-sazisler-deyisdirildi-467946631.html

Azərbaycan-Belarus arasında baytarlıq, bitki karantini sahəsində Sazişlər dəyişdirildi

Azərbaycan-Belarus arasında baytarlıq, bitki karantini sahəsində Sazişlər dəyişdirildi

Sputnik Azərbaycan

Komitə sədri bildirib ki, təklif edilən dəyişikliklərdən biri səlahiyyətli orqan qismində Azərbaycan Respublikası Hökuməti tərəfindən Qida Təhlükəsizliyi... 08.10.2024, Sputnik Azərbaycan

2024-10-08T18:10+0400

2024-10-08T18:10+0400

2024-10-08T18:10+0400

baytarlıq

cəmiyyət

səməd səmədov

belarus

qida təhlükəsizliyi agentliyi

https://cdnn1.img.sputnik.az/img/07e8/06/0a/465278468_0:193:2144:1399_1920x0_80_0_0_963bba61531081643c398866e2cb06e8.jpg

BAKI, 8 oktyabr— Sputnik. Milli Məclisdə "Azərbaycan Hökuməti və Belarus Hökuməti arasında baytarlıq sahəsində əməkdaşlıq haqqında 2007-ci il 2 may tarixli Sazişə əlavə və dəyişikliklər edilməsinə dair Protokol"un təsdiq edilməsi məsələsinə baxılıb. Milli Məclisin bu gün keçirilən plenar iclasında Parlamentin Aqrar siyasət komitəsinin sədri Tahir Rzayev bildirib ki, preambula və 2 maddədən ibarət olan Protokol 2024-cü il mayın 16-da Bakı şəhərində imzalanıb. Qeyd edilib ki, Saziş çərçivəsində Azərbaycan və Belarus baytarlıq orqanları arasında əlaqələrin gücləndirilməsi, heyvan xəstəliklərinin qarşısının alınması və yayılmasının qarşısının alınması üçün tədbirlərin görülməsi, o cümlədən epizootiya vəziyyətinə nəzarət və qarşılıqlı məlumatlandırma sistemlərinin inkişafı nəzərdə tutulur. Komitə sədri bildirib ki, hazırki Protokolda təklif edilən dəyişikliklərdən biri səlahiyyətli orqan qismində Azərbaycan Respublikası Hökuməti tərəfindən Qida Təhlükəsizliyi Agentliyinin təyin olmasıdır. Bununla yanaşı, sənədə əsasən Sazişə "yem məhsulları" və "yem əlavələri" anlayışları əlavə olunur, habelə beynəlxalq epizootik büronun Ümumdünya Heyvan Sağlamlığı Təşkilatı ilə əvəz olunması təklif edilir. İclasda "Azərbaycan Hökuməti və Belarus Hökuməti arasında bitki karantini və mühafizəsi sahəsində əməkdaşlıq haqqında 2007-ci il 2 may tarixli Sazişə əlavə və dəyişikliklər edilməsinə dair Protokol"un təsdiq edilməsi məsələsinə də baxılıb. Komitə sədri "Azərbaycan Respublikası Hökuməti və Belarus Respublikası Hökuməti arasında bitki karantini və mühafizəsi sahəsində əməkdaşlıq haqqında 2007-ci il 2 may tarixli Sazişə əlavə və dəyişikliklər edilməsinə dair Protokol"un təsdiq edilməsi barədə qanun layihəsi barədə də məlumat verib. O, bildirib ki, hazırki Protokol 2024-cü il mayın 16-da Bakı şəhərində imzalanıb, Protokol preambula və 2 maddədən ibarətdir. Qeyd olunub ki, Saziş, iki ölkə arasında bitki sağlamlığı, zərərvericilərin və xəstəliklərin yayılmasının qarşısının alınması və fitosanitar təhlükəsizliyin təmin edilməsi məqsədilə əməkdaşlığı təşviq edir. Nəzərə çatdırılıb ki, hazırki Protokolda dəyişikliklərdən biri səlahiyyətli orqan qismində Azərbaycan Respublikası Hökuməti tərəfindən Qida Təhlükəsizliyi Agentliyinin təyin olmasıdır. Həmçinin, Sazişə "fitosanitar sertifikat" anlayışının və bəzi müddəaların yeni redaksiyada əlavə olunması nəzərdə tutulur. Milli Məclisin deputatı Səməd Seyidov Belarusu Azərbaycanın etibarlı tərəfdaşı adlandırıb. Hər iki sənəd səsə qoyularaq qəbul edilib. Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2024

xəbərlər

ru_AZ

baytarlıq, səməd səmədov, belarus, qida təhlükəsizliyi agentliyi