https://sputnik.az/20241004/veten-muharibesi-dovrunde-ermenistanin-genceye-ilk-raket-hucumundan-4-il-otur-467867117.html

Vətən müharibəsi dövründə Ermənistanın Gəncəyə ilk raket hücumundan 4 il ötür

Vətən müharibəsi dövründə Ermənistanın Gəncəyə ilk raket hücumundan 4 il ötür

Sputnik Azərbaycan

Azərbaycanın ikinci böyük şəhəri, beş yüz mindən çox əhalisi olan, cəbhə zonasından uzaqda yerləşən Gəncə şəhərinin atəşə tutulması nəticəsində şəhər sakini... 04.10.2024, Sputnik Azərbaycan

2024-10-04T12:07+0400

2024-10-04T12:07+0400

2024-10-04T12:08+0400

raket

azərbaycan xəbərləri

vətən müharibəsi

"vətən müharibəsi"

gəncə

gəncə şəhəri

ermənilər

tarixdə bu gün

https://cdnn1.img.sputnik.az/img/07e5/0a/07/433969557_0:0:2844:1600_1920x0_80_0_0_9aa96e1e387fac6ccfa6b94b946c3a18.jpg

BAKI, 4 oktyabr — Sputnik. 44 günlük Vətən müharibəsi dövründə Gəncə şəhərinin Ermənistan silahlı qüvvələri tərəfindən ilk raket hücumuna məruz qalmasının 4 ili tamam olur. Ermənistan silahlı qüvvələri Vətən müharibəsinin 8-ci günü - 2020-ci il oktyabrın 4-u saat 10 radələrində Gəncə şəhərini raket atəşinə tutub. Azərbaycanın ikinci böyük şəhəri, beş yüz mindən çox əhalisi olan, cəbhə zonasından uzaqda yerləşən Gəncə şəhərinin atəşə tutulması nəticəsində şəhər sakini Əliyev Tunar Qoşqar oğlu həlak olub, 32 nəfər müxtəlif dərəcəli bədən xəsarəti alıb. Şəhərin infrastrukturuna, yaşayış evlərinə külli miqdarda ziyan vurulub. Ermənistan Cenevrə Konvensiyasının tələbləri pozaraq dinc əhalini atəşə tutmaqla növbəti müharibə cinayəti törədib. Qeyd edək ki, Vətən müharibəsi dövründə Gəncə 5 dəfə Ermənistanın terror hücumuna məruz qalıb. Şəhər 4, 5, 8, 11 və 17 oktyabr tarixlərində raket və ağır artilleriya atəşinə tutulub. Ümumilikdə bu dəhşətli terrorlar nəticəsində 26 nəfər həlak olub, 175 nəfər yaralanıb, çoxsaylı mülki infrastruktur obyektlərinə və nəqliyyat vasitələrinə külli miqdarda ziyan dəyib. Eyni zamanda, Vətən müharibəsi zamanı Azərbaycanın digər böyük şəhəri olan Bərdədə törədilmiş terror nəticəsində 29 nəfər həlak olub, 112 nəfər yaralanıb. Ümumilikdə, Vətən müharibəsinin gedişində Ermənistan Gəncə və Bərdə ilə yanaşı, Yevlax, Beyləqan, Tərtər, Qəbələ, Goranboy, Ağcabədi, Xızı və digər şəhər və rayonları da ballistik raketlər və digər ağır artilleriya qurğularından atəşə tutub. Bu hərbi təcavüzlər nəticəsində 12-si uşaq, 27-si qadın olmaqla, 93 mülki şəxs həlak olub, 454 mülki vətəndaş yaralanıb. Ümumilikdə 12 292 yaşayış və qeyri-yaşayış sahəsinə, 288 nəqliyyat vasitəsinə ziyan dəyib.

2024

xəbərlər

ru_AZ

raket, vətən müharibəsi, "vətən müharibəsi", gəncə, gəncə şəhəri, ermənilər, tarixdə bu gün