https://sputnik.az/20241002/dovlet-komissiyasinin-sedri-hazirda-3979-nefer-itkin-dusmus-sexs-kimi-qeydiyyata-alinib-467806813.html

Dövlət Komissiyasının sədri: Hazırda 3979 nəfər itkin düşmüş şəxs kimi qeydiyyata alınıb

Dövlət Komissiyasının sədri: Hazırda 3979 nəfər itkin düşmüş şəxs kimi qeydiyyata alınıb

Sputnik Azərbaycan

Onlardan 3 min 973 nəfəri Birinci Qarabağ müharibəsində, 6 nəfəri isə Vətən müharibəsində itkin düşüb. 02.10.2024, Sputnik Azərbaycan

2024-10-02T13:06+0400

2024-10-02T13:06+0400

2024-10-02T13:06+0400

dövlət komissiyası

cəmiyyət

əsir və itkin düşmüş, girov götürülmüş vətəndaşlarla əlaqədar dövlət komissiyası

işğaldan azad edilmiş ərazilər

itkin düşənlər

itkin düşmə

itkin düşən

https://cdnn1.img.sputnik.az/img/07e6/09/0e/446039159_0:160:3072:1888_1920x0_80_0_0_f8e6b52807f6780b92038711fda53aeb.jpg

BAKI, 2 oktyabr — Sputnik. Azərbaycan Respublikasının Əsir və itkin düşmüş, girov götürülmüş vətəndaşlarla əlaqədar Dövlət Komissiyasında 2024-cü il oktyabrın 1-nə olan məlumatlara əsasən, Ermənistanın Azərbaycana qarşı hərbi təcavüzü nəticəsində 3 min 979 nəfər itkin düşmüş şəxs kimi qeydiyyata alınıb. Onlardan 3 min 973 nəfəri Birinci Qarabağ müharibəsində, 6 nəfəri isə Vətən müharibəsində itkin düşüb. Bu sözləri Azərbaycan Respublikası Dövlət Təhlükəsizliyi Xidmətinin rəisi, Əsir və itkin düşmüş, girov götürülmüş vətəndaşlarla əlaqədar Dövlət Komissiyasının sədri Əli Nağıyev "İtkin düşmüş şəxslər probleminin həlli: ailələrin həqiqəti bilmək hüququnun dəstəklənməsi mövzusunda keçirilən beynəlxalq konfransda söyləyib. O bildirib ki, Vətən müharibəsindən və lokal xarakterli antiterror tədbirlərindən sonra erməni işğalından azad edilmiş ərazilərdə məzar yerlərinin müəyyən olunması, zəruri qazıntı və ekshumasiya işlərinin aparılması ilə itkin vətəndaşlarımızın taleyinə aydınlıq gətirilməsi Prezident İlham Əliyevin Dövlət Komissiyasının qarşısında qoyduğu ən ümdə vəzifədir. Oktyabrın 2-də Bakıda Əsir və itkin düşmüş, girov götürülmüş vətəndaşlarla əlaqədar Dövlət Komissiyasının və Beynəlxalq Qızıl Xaç Komitəsinin (BQXK) birgə təşkilatçılığı ilə "İtkin düşmüş şəxslər probleminin həlli: ailələrin həqiqəti bilmək hüququnun dəstəklənməsi" mövzusunda ikigünlük beynəlxalq konfrans işə başlayıb. Əvvəlcə Prezident İlham Əliyevin konfrans iştirakçılarına müraciəti oxunub. Konfransın birinci günündə etimad, barışıq və sülh quruculuğu proseslərində itkin düşmüş şəxslər problemi, ailələrin həqiqəti bilmək hüququnun müdafiəsi və onların ehtiyaclarının qarşılanması, itkin düşmüş şəxslərin ailələrinin təcrübələri, onların ehtiyaclarının və üzləşdikləri çətinliklərin müəyyən edilməsi, əməkdaşlıq və tərəfdaşlıq sahələri, itkin düşənlərin qalıqlarının axtarışı, bərpası, məhkəmə-tibbi identifikasiyası sahəsində irəliləyiş və çətinliklər mövzusunda sessiyalar keçiriləcək, itkin düşmüş azərbaycanlı şəxslərin ailə üzvlərinin fikirləri dinləniləcək. Bu gün, həmçinin konfransın yekun bəyanatının qəbulu də nəzərdə tutulur. İtkin düşmüş şəxslər probleminə həsr edilmiş rəsm əsərlərinin sərgisinin və rəsm müsabiqəsinin qalibləri mükafatlandırılacaq. Konfrans iştirakçıları tədbirin ikinci günündə işğaldan azad olunmuş ərazilərdəki kütləvi məzarlıqlarla tanış olacaqlar.

2024

xəbərlər

ru_AZ

dövlət komissiyası, əsir və itkin düşmüş, girov götürülmüş vətəndaşlarla əlaqədar dövlət komissiyası, işğaldan azad edilmiş ərazilər, itkin düşənlər, itkin düşmə, itkin düşən