Tarixdə bu gün: 28 sentyabr

Konfutsi (e.ə. 551 - e.ə. 479) - Çin filosofu və mütəfəkkiri. Əsl adı: Kun Tsyu. Onun təlimləri Çin və Şərqi Asiyada həyata böyük təsir göstərmiş, Konfutsiçilik kimi tanınan fəlsəfi sistemin əsasını təşkil etmişdir. Konfutsi ilk universiteti qurub və müxtəlif knyazlıqlarda tərtib edilən salnamələri sistemləşdirib.

Marçello Mastroyanni (1924 - 1996) - italyan kinoaktyoru, ən əhəmiyyətli İtaliya, Avropa və dünya kino mükafatlarının laureatı. 20-ci əsrin ikinci yarısında ən böyük italyan kinorejissorları ilə işləyib. "Şirin həyat", "Səkkiz yarım", "Roma", "Cincer və Fred" və başqa filmlərdə rol alıb.

Bricit Bardo (1934) - fransız kino aktrisası, müğənni, model və yazıçı. O, 1950-1960-cı illərin seks simvollarından biri olub. 1970-ci illərin əvvəllərindən o, heyvan hüquqlarının müdafiəçisi, "Bricit Bardo" heyvan hüquqlarının müdafiəsi fondunun yaradıcısı və rəhbəridir. "Və Allah qadını yaratdı", "Babetta müharibəyə gedir", "Niffət", "Paris qadını" və s. filmlərdə rol alıb.

Naomi Uotts (1968) - Britaniyalı aktrisa və prodüser. "Məsihin gəlinləri", "Evə doğru və yola düzəlmək", "Flirt", "Yuxu ovçuları" və s. filmlərdə rol alıb.

Eramızdan əvvəl 480-ci ildə Salamis yaxınlığındakı yunanlar və farslar arasında döyüş baş verib. Bu döyüş Yunan donanmasının qələbəsi ilə başa çatıb.

1618-ci ildə Brüsseldə dünyada ilk lombard açılıb.

1793-cü ildə Kanada bu tarixdən sonra doğulan bütün qul uşaqlarının 25 yaşına çatdıqdan sonra azad olacağını bəyan edib.

1994-cü ildə Baltik dənizində "Estoniya" bərəsinin batması nəticəsində 852 nəfər həlak olub, 137 nəfər sağ qalıb.

2013-cü ildə Şabran rayonu ərazisində tikilmiş Taxtakərpü su anbarının açılışı olub. Sahəsi 8,71 kvadrat kilometr olan Taxtakörpü su anbarının ümumi tutumu 270 milyon kubmetrdir. Özü gildən olan torpaq bənd olan bu hidrotexniki qurğunun eni 754 metr, hündürlüyü 142,5 metrdir.

2015-ci ildən etibarən UNESCO tərəfindən təsis edilmiş yaddaqalan tarix - Beynəlxalq informasiyaya universal əlçatanlıq günü (International Day for Universal Access to Information) qeyd olunur.

2020-ci ildə ikinci Qarabağ müharibəsi zamanı Azərbaycan ordusu Talış kəndi ətrafındakı strateji yüksəklikləri düşməndən təmizləyib. Ermənistan ordusunun xeyli sayda canlı qüvvəsi məhv edilib. Azərbaycan Respublikasının Müdafiə Nazirliyi üç sursat anbarının, onlarla hərbi texnikanın və 550-dən çox erməni hərbçisinin məhv edilməsi barədə məlumat yayıb.