https://sputnik.az/20240926/rusiyadan-azerbaycana-erzaq-ixraci-1-milyard-dollara-cata-biler-467664951.html
Rusiyadan Azərbaycana ərzaq ixracı 1 milyard dollara çata bilər
Rusiyadan Azərbaycana ərzaq ixracı 1 milyard dollara çata bilər
Sputnik Azərbaycan
Dmitri Krasnov bildirib ki, Azərbaycana tədarük edilən alkoqollu içkilər arasında Rusiya arağı əsas yeri tutur. 26.09.2024, Sputnik Azərbaycan
2024-09-26T08:46+0400
2024-09-26T08:46+0400
2024-09-26T10:21+0400
iqtisadiyyat
rusiya
kənd təsərrüfatı
bitki yağı
süd
süd məhsulları
alkoqollu içki
https://cdnn1.img.sputnik.az/img/42394/11/423941102_0:128:3069:1854_1920x0_80_0_0_319d51fe48bde90369f37fdcea358c59.jpg
BAKI, 26 sentyabr - Sputnik. Rusiyadan Azərbaycana ərzaq məhsullarının ixrac həcmi 2030-cu ilədək 1 milyard ABŞ dollarına qədər arta bilər.Bunu Rusiya Kənd Təsərrüfatı Nazirliyi yanında “Aqroeksport” Mərkəzinin rəhbəri Dmitri Krasnov deyib.O bildirib ki, Azərbaycanla ticarət imkanları tam üzə çıxarılmayıb: “Bizim hesablamalarımıza görə, 2030-cu ilədək Rusiyanın ərzaq ixracının həcmi 1 milyard ABŞ dollarına qədər arta bilər. Dənli və dənli-paxlalı bitkilər, qənnadı məmulatları, eləcə də yağ-piy məhsullarının tədarükü ən böyük potensiala malikdir”.D.Krasnov qeyd edib ki, bu ilin I yarısında Azərbaycan və Rusiya arasında kənd təsərrüfatı məhsullarının ticarət dövriyyəsi 354 milyon ABŞ dolları təşkil edib ki, bu da ötən ilin müvafiq dövrü ilə müqayisədə 8,4 % çoxdur.Onun sözlərinə görə, bu dövrdə buğda tədarükü təxminən 3 % artaraq 85,4 milyon ABŞ dolları, şəkər tədarükü 10 dəfədən çox artaraq 27,2 milyon ABŞ dolları, günəbaxan yağı tədarükü isə 12 % artaraq 25,3 milyon ABŞ dolları təşkil edib.“Biz Azərbaycana ildə 250-300 milyon ABŞ dolları dəyərində 1,2-1,4 milyon tona yaxın taxıl tədarük edirik ki, bunun da 90 %-i buğdanın payına düşür”, - “Aqroeksport” Mərkəzinin rəhbəri bildirib.Onun sözlərinə görə, Rusiya bitki yağlarının tədarükünü də artıra bilər.Ət məhsullarının ixracına toxunan D.Krasnov qeyd edib ki, 2019-cu ildən bəri Azərbaycana tədarükün dəyəri 2,5 dəfə artaraq 2023-cü ildə 15 milyon ABŞ dollarına çatıb. Tədarükün 92 %-i quş ətinin payına düşüb.Rusiya həm də Azərbaycana süd məhsullarının iri tədarükçüsüdür və ixracda illik artım nümayiş etdirir. 2019-2023-cü illər ərzində tədarükün həcmi 50 % artaraq 19 milyon ABŞ dolları təşkil edib. Tədarükün əsasını turş süd məhsulları (44 %), pendir (19 %) və quru süd (14 %) təşkil edir.Azərbaycana tədarük edilən alkoqollu içkilər arasında Rusiya arağı əsas yeri tutur. 5 il ərzində bu ölkədən alkoqollu içkilərin tədarük dəyəri 18 % artaraq 4,5 milyon ABŞ dollarına çatıb (Report).Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Sputnik Azərbaycan
media@sputniknews.com
+74956456601
MIA „Rossiya Segodnya“
2024
Sputnik Azərbaycan
media@sputniknews.com
+74956456601
MIA „Rossiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
rusiya, kənd təsərrüfatı, bitki yağı, süd, süd məhsulları, alkoqollu içki
rusiya, kənd təsərrüfatı, bitki yağı, süd, süd məhsulları, alkoqollu içki
Rusiyadan Azərbaycana ərzaq ixracı 1 milyard dollara çata bilər
08:46 26.09.2024 (Yenilənib: 10:21 26.09.2024) Dmitri Krasnov bildirib ki, Azərbaycana tədarük edilən alkoqollu içkilər arasında Rusiya arağı əsas yeri tutur.
BAKI, 26 sentyabr - Sputnik. Rusiyadan Azərbaycana ərzaq məhsullarının ixrac həcmi 2030-cu ilədək 1 milyard ABŞ dollarına qədər arta bilər.
Bunu Rusiya Kənd Təsərrüfatı Nazirliyi yanında “Aqroeksport” Mərkəzinin rəhbəri Dmitri Krasnov deyib.
O bildirib ki, Azərbaycanla ticarət imkanları tam üzə çıxarılmayıb: “Bizim hesablamalarımıza görə, 2030-cu ilədək Rusiyanın ərzaq ixracının həcmi 1 milyard ABŞ dollarına qədər arta bilər. Dənli və dənli-paxlalı bitkilər, qənnadı məmulatları, eləcə də yağ-piy məhsullarının tədarükü ən böyük potensiala malikdir”.
D.Krasnov qeyd edib ki, bu ilin I yarısında Azərbaycan və Rusiya arasında kənd təsərrüfatı məhsullarının ticarət dövriyyəsi 354 milyon ABŞ dolları təşkil edib ki, bu da ötən ilin müvafiq dövrü ilə müqayisədə 8,4 % çoxdur.
Onun sözlərinə görə, bu dövrdə buğda tədarükü təxminən 3 % artaraq 85,4 milyon ABŞ dolları, şəkər tədarükü 10 dəfədən çox artaraq 27,2 milyon ABŞ dolları, günəbaxan yağı tədarükü isə 12 % artaraq 25,3 milyon ABŞ dolları təşkil edib.
“Biz Azərbaycana ildə 250-300 milyon ABŞ dolları dəyərində 1,2-1,4 milyon tona yaxın taxıl tədarük edirik ki, bunun da 90 %-i buğdanın payına düşür”, - “Aqroeksport” Mərkəzinin rəhbəri bildirib.
Onun sözlərinə görə, Rusiya bitki yağlarının tədarükünü də artıra bilər.
Ət məhsullarının ixracına toxunan D.Krasnov qeyd edib ki, 2019-cu ildən bəri Azərbaycana tədarükün dəyəri 2,5 dəfə artaraq 2023-cü ildə 15 milyon ABŞ dollarına çatıb. Tədarükün 92 %-i quş ətinin payına düşüb.
Rusiya həm də Azərbaycana süd məhsullarının iri tədarükçüsüdür və ixracda illik artım nümayiş etdirir. 2019-2023-cü illər ərzində tədarükün həcmi 50 % artaraq 19 milyon ABŞ dolları təşkil edib. Tədarükün əsasını turş süd məhsulları (44 %), pendir (19 %) və quru süd (14 %) təşkil edir.
Azərbaycana tədarük edilən alkoqollu içkilər arasında Rusiya arağı əsas yeri tutur. 5 il ərzində bu ölkədən alkoqollu içkilərin tədarük dəyəri 18 % artaraq 4,5 milyon ABŞ dollarına çatıb (Report).
Digər maraqlı xəbərləri həmçinin Sputnik Azərbaycan-ın Teleqram kanalından izləyin. 
