Tarixdə bu gün: 15 sentyabr – FOTO
© Sputnik / Elnur Salayev
Abunə olmaq
Bu gün müxtəlif illərdə dünyada və ölkədə baş verən hadisələr barədə Sputnik Azərbaycan-ın icmalında oxuyun.
BAKI, 15 sentyabr — Sputnik. Sentyabrın 15-də bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəlib. Bu gün həmçinin tarixə düşən hadisələr də baş verib.
Sentyabrın 15-də kimlər anadan olub?
Marko Polo (1254-1324) - italyan tacir və səyyahdır. O, məşhur " Dünyanın müxtəlifliyi haqqında kitabı"nda Asiyaya səyahətinin hekayəsini qeyd edib. Bu kitab orta əsrlərdə Markonun gəzdiyi ölkələrin (İran, Çin, Qazaxıstan, Monqolustan, Hindistan, İndoneziya və digər ölkələr) coğrafiyası, etnoqrafiyası və tarixi haqqında qiymətli mənbədir.
Ceyms Fenimor Kuper (1789-1851) - amerikalı yazıçıdır. O, "Sonuncu mogikan", "Vəhşi heyvan ovçusu", "Ləpirçi" və digər əsərlərin müəllifidir.
Aqata Kristi (1890-1976) - ingilis yazıçısıdır. O, "Beş balaca donuz", "Məsumiyyətin sınağı", "Qəhvəyi kostyumlu adam", "Böyük dördlük", "Şərq ekspressi", "Kerberin əsir alınması" və s. əsərləri ərsəyə gətirib.
Aqata Kristi
© Photo : PUBLIC DOMAIN
Tommi Li Cons (1946) - ABŞ aktyoru və rejissorudur. O, üç dəfə "Oskar" mükafatı laureatıdır. Aktyor "Qaçaq", "Qanun məmurları", "Qara geyinmli adamlar", "Malavita" və s. filmlərdə rol alıb.
Tommi Li Cons
© AP Photo / Brent N. Clarke
Tom Hardi (1977) - ingilis aktyoru, prodüseri və ssenaristidir. O, BAFTA mükafatı laureatıdlr. Aktyor narkotik aludəçisi və evsiz olan Stüart Şorter rolunu oynadığı "Stüart: Keçmiş həyat" filmi sayəsində məşhurlaşıb. Bundan əlavə o, "Bronson", "Başlanğıc", "Döyüşçü", "Əfsanə", və s. filmlərdəki əsas və köməkçi rolları ilə də tanınır.
Tom Hardi
© AP Photo / Scott A Garfitt
Şahzadə Harri (1984) - Britaniya kral ailəsinin üzvü, Kral III Karlın və Şahzadə Diananın oğlu, Şahzadə Uilyamın qardaşıdır.
Şahzadə Harri
© Toby Melville, Pool Photo via AP
15 sentyabr tarixində dünyada baş verən tarixi hadisələr
1812-ci ildə Napoleonun rəhbərliyi ilə fransız ordusu Kremlə daxil olub.
1916-cı ildə dünya müharibələri tarixində ilk dəfə olaraq döyüşlərdə tanklardan istifadə edilib.
Tank, arxiv
© AP Photo / Abbas Atilay
1917-ci ildə "Forbes" iqtisadi jurnalının ilk nömrəsi nəşr olunub.
Bilik Günü
© Sputnik / Murad Orujov
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
