https://sputnik.az/20240914/uzeyir-hacibeyli-xvi-beynelxalq-musiqi-festivali-kecirilecek-467306421.html

Üzeyir Hacıbəyli XVI Beynəlxalq Musiqi Festivalı keçiriləcək

Üzeyir Hacıbəyli XVI Beynəlxalq Musiqi Festivalı keçiriləcək

Sputnik Azərbaycan

Festivalda Azərbaycanla yanaşı, ABŞ, Rusiya, Almaniya, İspaniya, Avstriya, Koreya, Türkiyə, Braziliya, Hindistan və digər ölkələrdən tanınmış ifaçı və... 14.09.2024, Sputnik Azərbaycan

2024-09-14T23:44+0400

2024-09-14T23:44+0400

2024-09-14T23:44+0400

üzeyir hacıbəyli

mədəniyyət

mədəniyyət nazirliyi

heydər əliyev fondu

heydər əliyev mərkəzi

əsər

kinoteatr

festival

filarmoniya

azərbaycan dövlət simfonik orkestri

https://cdnn1.img.sputnik.az/img/42178/12/421781215_260:0:2148:1062_1920x0_80_0_0_d3be9fd2ca863de41117b76a6791b380.jpg

BAKI, 14 sentyabr — Sputnik. Heydər Əliyev Fondu və Mədəniyyət Nazirliyinin təşkilatçılığı ilə Milli Musiqi Günü münasibətilə sentyabrın 18-dən 28-dək Üzeyir Hacıbəyli XVI Beynəlxalq Musiqi Festivalı keçiriləcək. Nazirlikdən bildirilib ki, festivalda Azərbaycanla yanaşı, Rusiya, Almaniya, ABŞ, İspaniya, Avstriya, Koreya, Türkiyə, Braziliya, Hindistan və digər ölkələrdən tanınmış ifaçı və kollektivlər iştirak edəcəklər. Festival çərçivəsində Bakı ilə yanaşı, Şuşa, Gəncə və bir sıra şəhərlərdə açıq və qapalı məkanlarda konsertlər, tamaşalar, sərgilər, elmi konfrans və ustad dərsləri təqdim olunacaq. Festival günlərində M.Maqomayev adına Azərbaycan Dövlət Akademik Filarmoniyasında Mədəniyyət Nazirliyinin Mədəniyyət üzrə Elmi-Metodiki və İxtisasartırma Mərkəzinin təqdimatında "Mədəniyyətimiz naxışların izi ilə" adlı sərgi reallaşacaq. Sentyabrın 18-də Azərbaycan Dövlət Akademik Filarmoniyasında Üzeyir Hacıbəyli XVI Beynəlxalq Musiqi Festivalının təntənəli açılış mərasimi olacaq. Tədbirdə Ü.Hacıbəyli adına Azərbaycan Dövlət Simfonik Orkestri (bədii rəhbər və baş dirijor: Əməkdar artist Fuad İbrahimov) və Azərbaycan Dövlət Xor Kapellası (bədii rəhbər və baş dirijor: Xalq artisti Gülbacı İmanova) çıxış edəcək. Solistlər Xalq artisti Ülviyyə Hacıbəyova (piano), Əməkdar artistlər Ramil Qasımov (tenor), İnarə Babayeva (soprano) və beynəlxalq müsabiqələr laureatı Mahir Tağızadə (bariton) ifalarını təqdim edəcəklər. Həmçinin bütün ölkə üzrə Heydər Əliyev mərkəzləri və kinoteatrlarda Üzeyir Hacıbəylinin əsərləri əsasında lentə alınmış bədii filmlərin nümayişi, xarici ölkələrdə fəaliyyət göstərən mədəniyyət mərkəzlərində müxtəlif tədbirlərin təşkili nəzərdə tutulur.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2024

xəbərlər

ru_AZ

üzeyir hacıbəyli, mədəniyyət nazirliyi, heydər əliyev fondu, heydər əliyev mərkəzi, əsər, kinoteatr, festival, filarmoniya, azərbaycan dövlət simfonik orkestri, şuşa, bakı, gəncə