https://sputnik.az/20240901/bmt-nin-bas-katibi-qezzada-muharibe-kabusunu-bitirmeye-cagirdi-467062945.html

BMT-nin baş katibi Qəzzada müharibə kabusunu bitirməyə çağırdı

BMT-nin baş katibi Qəzzada müharibə kabusunu bitirməyə çağırdı

Sputnik Azərbaycan

Quterreş qeyd edib ki, bu günün faciəvi xəbərləri bütün girovların qeyd-şərtsiz azad edilməsi və Qəzzada müharibə kabusuna son qoyulmasının vacibliyini... 01.09.2024, Sputnik Azərbaycan

2024-09-01T18:26+0400

2024-09-01T18:26+0400

2024-09-01T18:26+0400

antonio quterreş

dünya xəbərləri

qəzza

israil

müharibə

həmas

fələstin

https://cdnn1.img.sputnik.az/img/07e5/05/03/426852060_0:445:2849:2048_1920x0_80_0_0_0b1b79c6b24998b5411760bc9a67383f.jpg

BAKI, 1 sentyabr — Sputnik. BMT-nin baş katibi Antonio Quterreş Qəzza zolağında "müharibə kabusuna son qoyulması" və Fələstin anklavının altındakı tunellərdə altı nəfərin cəsədinin tapılmasından sonra Fələstinin Həmas hərəkatının əlində olan bütün girovların azad edilməsi ilə bağlı çağırış edib. Quterreş sosial media hesabında yazıb:Bundan əvvəl İsrail hərbçiləri Fələstin anklavının cənubunda Fələstinin HƏMAS hərəkatının əsirliyində öldürülən 6 girovun cəsədini aşkar ediblər. Onların arasında Rusiya vətəndaşı olan israilli Aleksandr Lobanov və ABŞ vətəndaşı olan daha bir girovun olduğu məlum olub. 7 oktyabr 2023-cü ildə İsrail Qəzza zolağından görünməmiş raket hücumuna məruz qalıb. Bundan sonra Fələstinin HƏMAS hərəkatının döyüşçüləri sərhəd bölgələrinə daxil olaraq hərbçilərə və mülki şəxslərə atəş açıb, 200-dən çox insanı girov götürüb. Səlahiyyətlilərin məlumatına görə, təxminən 1,2 min nəfər ölüb. İsrail Müdafiə Qüvvələri Qəzza zolağında mülki hədəflərə hücumları əhatə edən Dəmir Qılınclar əməliyyatına başlayıb. İsrail anklavı tam blokadaya aldığını elan edib: su, elektrik, yanacaq, ərzaq və dərman təchizatı dayandırılıb. İsrailin oktyabrın 7-dən Qəzza zolağına endirdiyi zərbələr nəticəsində ölənlərin sayı 40,6 mini keçib, 94 mindən çox insan isə yaralanıb. Qəzza zolağı faktiki olaraq cənub və şimal hissələrə bölünüb, İsrail HƏMAS-ın son qalası sayılan Rəfahda quru əməliyyatı keçirir. Rusiya Xarici İşlər Nazirliyi tərəfləri hərbi əməliyyatları dayandırmağa çağırıb. Moskvanın mövqeyinə görə, nizamlanma yalnız paytaxtı Şərqi Qüds olmaqla 1967-ci il sərhədləri daxilində Fələstin dövlətinin yaradılması ilə BMT Təhlükəsizlik Şurasının təsdiq etdiyi düstur əsasında mümkündür.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2024

xəbərlər

ru_AZ

antonio quterreş, qəzza, israil, müharibə, həmas, fələstin