https://sputnik.az/20240829/a-rusiya-aktivlerinden-elde-edilen-gelirleri-ukraynaya-gonderib-466982761.html

Aİ Rusiya aktivlərindən əldə edilən gəlirləri Ukraynaya göndərib

Aİ Rusiya aktivlərindən əldə edilən gəlirləri Ukraynaya göndərib

Sputnik Azərbaycan

Rusiya Federasiyasının dondurulmuş aktivlərindən gələn 1,4 milyard avro artıq Ukraynanın hesabına köçürülüb. 29.08.2024, Sputnik Azərbaycan

2024-08-29T16:22+0400

2024-08-29T16:22+0400

2024-08-29T16:22+0400

ai

dünya xəbərləri

peskov

vladimir putinin köməkçisi dmitri peskov

nato

ukrayna

aktivlər

rusiya

cosep borrel

https://cdnn1.img.sputnik.az/img/07e6/05/1f/442372810_0:123:3055:1841_1920x0_80_0_0_d50193bf07da72ad74cf3f388625a515.jpg

BAKI, 29 avqust — Sputnik. Aİ artıq Rusiya Federasiyasının dondurulmuş aktivlərindən gələn gəlirləri Ukraynaya hərbi təchizatların ödənilməsinə yönəltməyə başlayıb, artıq 1,4 milyard avro köçürülüb. Bunu Aİ diplomatiyasının rəhbəri Josep Borrell açıqlayıb. "Biz artıq Rusiyanın dondurulmuş aktivlərindən əldə olunan gəlirləri istifadə etməyə başlamışıq, Ukrayna və Aİ ölkələrinə hərbi təchizat üçün 1,4 milyard avro göndərilib" - Borrel bildirib Avropa diplomatiyasının rəhbəri əlavə edib ki, Aİ Kiyevə yardımın məntiqini dəyişir, İttifaq ölkələrinə artıq ödənilmiş hərbi təchizatların maliyyələşdirilməsini Rusiyanın dondurulmuş aktivlərindən əldə edilən gəlirdən maliyyələşdirilməklə əvəz edir. Rusiyanın Ukraynada hərbi əməliyyatının başlamasından sonra Aİ və G7 ölkələri Rusiya Federasiyasının təxminən 300 milyard avro dəyərində valyuta ehtiyatlarının demək olar ki, yarısını dondurublar. 200 milyard avrodan çox vəsait Aİ-də, əsasən dünyanın ən böyük hesablaşma və klirinq sistemlərindən biri olan "Belçika Euroclear"ın hesablarındadır. Rusiya Xarici İşlər Nazirliyi Rusiyanın Avropadakı aktivlərinin dondurulmasını oğurluq adlandırıb və qeyd edib ki, Aİ təkcə fərdi şəxslərin vəsaitlərini deyil, həm də Rusiyanın dövlət aktivlərini hədəfləyir. Rusiyanın xarici işlər naziri Sergey Lavrov Rusiyanın Qərbdəki dondurulmuş aktivlərinin müsadirə ediləcəyi təqdirdə məsuliyyət daşıyacağını bəyan edib. Onun sözlərinə görə, Rusiya Federasiyasının da Qərb dövlətlərinin Rusiyada saxladığı vəsaitləri qaytarmamaq imkanı var. Rusiya prezidentinin mətbuat katibi Dmitri Peskov Rusiya Federasiyasının xarici aktivlərindən əldə edilən gəlirlərdən Kiyevdəki "oğruların fəaliyyəti" üçün silah alınması planları adlandırıb və Moskvanın bu və ya digər şəkildə "qarşılıqlı" cavab verəcəyi ilə bağlı xəbərdarlıq edib. Rusiya hesab edir ki, Ukraynaya silah tədarükü nizamlanmaya mane olur, NATO ölkələrini münaqişəyə birbaşa cəlb edir və odla oynayırlar. Rusiyanın xarici işlər naziri Sergey Lavrov qeyd edib ki, Ukrayna üçün silah olan istənilən yük Rusiya üçün qanuni hədəfə çevriləcək. Onun sözlərinə görə, ABŞ və NATO münaqişədə bilavasitə iştirak edir, o cümlədən təkcə silah tədarükü ilə deyil, həm də Böyük Britaniya, Almaniya, İtaliya və digər ölkələrdə kadrların hazırlanması ilə məşğuldurlar. Kreml bəyan edib ki, Ukraynanı Qərbdən silahlarla doldurmaq danışıqlara kömək etmir və prosesə mənfi təsir göstərəcək.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2024

xəbərlər

ru_AZ

ai, peskov, vladimir putinin köməkçisi dmitri peskov, nato, ukrayna, aktivlər, rusiya, cosep borrel