Tarixdə bu gün: 27 avqust – FOTO
© Sputnik
Abunə olmaq
Bu gün müxtəlif illərdə dünyada və ölkədə baş verən hadisələr barədə Sputnik Azərbaycan-ın icmalında oxuyun.
BAKI, 27 avqust — Sputnik. Avqustun 27-də bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəlib. Bu gün həmçinin tarixə düşən hadisələr də baş verib.
Avqustun 27-də kimlər anadan olub?
Arif Xasayev (1934-2006) - Azərbaycan alimi və neft hasilatı sahəsində mütəxəssisdir. O, 200-dən çox elmi məqalənin, bir sıra monoqrafiyanın, dərsliklərin, tədris-metodik vəsaitlərin müəllifidir.
Teodor Drayzer (1871-1945) - ABŞ yazıçısı, jurnalisti və ictimai xadimdir. O, "Kerri bacı", "Amerika faciəsi" və "Maliyyəçi" kitablarının müəllifidir.
Faina Ranevskaya (1896-1984) - Sovet teatr və kino aktrisası, SSRİ xalq artistidir. O, "Tapılma", "Bahar", "Toppuş" və s. filmlərdə rol alıb.
Faina Ranevskaya
© Sputnik / Юрий Сомов
27 avqust tarixində dünyada baş verən tarixi hadisələr
1855-ci ildə Londonda adi 800 kq əvəzinə 21 kq odun istifadə edərək batalyon üçün yeməklərin hazırlandığı düşərgə mətbəxi nümayiş etdirilib.
1875-ci ildə fransız kimyaçısı Lekok de Buabodran Mendeleyevin proqnozlaşdırdığı qallium elementini kəşf edib.
1900-cü ildə İngiltərədə ilk şəhərlərarası avtobuslar fəaliyyətə başlayıb.
1911-ci ildə Rusiyada MOİK futbol klubu (Mərkəzi Ordu İdman Klubu) yaradılıb.
1955-ci ildə "Ginnesin Rekordlar Kitabı"nın ilk nəşri çap olunub.
1959-cu ildə SSRI-də məktəblərin ən yaxşı məzunlarının medallarla təltif edilməsi haqqında qərar qəbul edilib.
2021-ci ildən Beynəlxalq Boks Günü qeyd olunur. Bu qərar Beynəlxalq Boks Assosiasiyasının prezidenti Umar Kremlyov tərəfindən qəbul edilib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
