Tarixdə bu gün: 26 avqust – FOTO
© Sputnik
Abunə olmaq
Bu gün müxtəlif illərdə dünyada və ölkədə baş verən hadisələr barədə Sputnik Azərbaycan-ın icmalında oxuyun.
BAKI, 26 avqust — Sputnik. Avqustun 26-da bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəlib. Bu gün həmçinin tarixə düşən hadisələr də baş verib.
Avqustun 26-da kimlər anadan olub?
Mehriban Əliyeva (1964) - Azərbaycanın birinci vitse-prezidenti, Heydər Əliyev Fondunun prezidentidir.
Azərbaycan Respublikasının Birinci vitse-prezidenti Mehriban Əliyeva
© Sputnik / Aleksey Druzhinin
/ Tereza Ana (1910-1997) - dini və ictimai xadim, katolik rahibə, kasıblara və xəstələrə xidmət edən "Şəfqət" ordeninin yaradıcısıdır. O, Nobel Sülh Mükafatı laureatıdır (1979). Onun əsl adı Aqnes Qondja Boyadjiudur. 2003-cü ildə Tereza Ana Katolik Kilsəsi tərəfindən müqəddəslər sırasına daxil edilib.
Barbet Şreder (1941) - fransız kinorejissor, ssenarist, prodüser və aktyordur. O, "Subay ağ qadın", "Ölüm öpüşü" və s. filmləri çəkib.
Makoley Kalkin (1980) - ABŞ kinoaktyoru, Hollivud tarixinin ən uğurlu uşaq aktyorlarından biridir. O, "Evdə tək", "Mənim qızım", "Evdə tək 2: Nyu-York sərgüzəştləri" və s. filmlərdə baş rolları ilə məşhurdur.
Makoley Kalkin
© AP Photo / Photo by Amy Harris/Invision
Kris Payn (1980) - ABŞ aktyorudur. "Şahzadə Gündəlikləri 2: Necə Kraliça olmaq olar", "Uğur öpüşü", "İdarəolunmaz" və s. filmlərdə rol alıb.
26 avqust tarixində dünyada baş verən tarixi hadisələr
1382-ci ildə Qızıl Orda xanı Toxtamışın ordusu Moskvanı ələ keçirib.
1728-ci ildə rusiyalı dənizçi Vitus Berinq Asiya ilə Amerika arasında Berinq adlanan boğazı kəşf edib.
1768-ci ildə kapitan Ceyms Kukun komandanlığı ilə "İndevor" gəmisi İngiltərənin Plimut limanından dünya səyahətinə çıxıb.
2010-cu ildən Beynəlxalq Azərbaycan Muğamı Günü kimi qeyd olunur.
2022-ci ildə ermənilər tərəfindən ələ keçirilən Laçın şəhəri, Zabux və Sus kəndləri Azərbaycana qaytarılıb.
