https://sputnik.az/20240822/gurcustan-azerbaycan-ve-ermenistan-serhedlerine-avtomobil-yollari-cekecek-466844300.html
Gürcüstan Azərbaycan və Ermənistan sərhədlərinə avtomobil yolları çəkəcək
Gürcüstan Azərbaycan və Ermənistan sərhədlərinə avtomobil yolları çəkəcək
Sputnik Azərbaycan
Əsas yolun hissələrinin layihələndirilməsi işləri Dünya Bankının (DB) maliyyə dəstəyi ilə Niderland şirkəti tərəfindən həyata keçirilib. 22.08.2024, Sputnik Azərbaycan
2024-08-22T20:53+0400
2024-08-22T20:53+0400
2024-08-22T20:53+0400
gürcüstan
azərbaycan xəbərləri
azərbaycan
ermənistan
avtomobil
yol
kilometr
avropa
tranzit
dəhliz
https://cdnn1.img.sputnik.az/img/42205/67/422056705_0:161:3071:1888_1920x0_80_0_0_74d2e460aca54bc76012c29a212c5f52.jpg
BAKI, 22 avqust — Sputnik. Gürcüstanın Regional İnkişaf və İnfrastruktur Nazirliyinin Avtomobil Yolları Departamenti Şərq-Qərb sürətli avtomobil yolunun bir hissəsi olan Gürcüstan ərazisindən Azərbaycan və Ermənistan sərhədlərinə qədər avtomobil yollarının tikintisi üçün beynəlxalq satınalma qaydaları üzrə tender elan edib. məlumat verib. Söhbət Gürcüstanı Azərbaycan və Ermənistan sərhədləri ilə birləşdirən Şərq-Qərb və Şimal-Cənub beynəlxalq nəqliyyat dəhlizlərinin tərkib hissəsi olan Rustavi-Qırmızı körpü və Algeti-Sadaxlo yollarının hissələrinin tikintisindən gedir. Layihəyə əsasən, xarici işıqlandırma sistemi ilə ümumilikdə 61,3 km uzunluğunda dördzolaqlı beton magistral, 26 körpü və 11 nəqliyyat qovşağı tikiləcək ki, bu da bütün zəruri beynəlxalq yol təhlükəsizliyi tələblərinə cavab verəcək. Sahələrin tikintisi dörd lot üzrə aparılır və bunun üçün iki tender elan edilib. Tikinti işlərinə 2025-ci ildə başlanacaq və bütün dörd hissənin tikintisi işlərin başlanmasından 30 ay sonra mərhələlərlə başa çatdırılacaq. Layihə Avropa İnvestisiya Bankı (AİB) və Gürcüstan hökumətinin birgə maliyyələşdirməsi ilə həyata keçiriləcək və AİB bunun üçün 250 milyon avro kredit ayırıb. Əsas yolun hissələrinin layihələndirilməsi işləri Dünya Bankının (DB) maliyyə dəstəyi ilə Niderland şirkəti tərəfindən həyata keçirilib. Şərq-Qərb sürətli avtomobil yolunun tikintisi və təkmilləşdirilməsi ölkədə həyata keçirilən ən mühüm layihələrdən biridir. Şərq-Qərb magistralı və ya Avropa Tranzit Yolu E-60 Brestdən (Fransa) başlayıb İrkeştamda (Qırğızıstan) bitən ikinci ən böyük Avropa tranzit dəhlizidir. Gürcüstanda E-60 Azərbaycanla sərhəddən başlayır və Qara dəniz sahilində Poti limanı yaxınlığında bitir, buradan marşrut Türkiyə sərhədinə qədər davam edir. Gürcüstan ərazisində dəhlizin uzunluğu 392 kilometrdir.Digər maraqlı xəbərləri həmçinin Sputnik Azərbaycan-ın Teleqram kanalından izləyin.
azərbaycan
Sputnik Azərbaycan
media@sputniknews.com
+74956456601
MIA „Rossiya Segodnya“
2024
Sputnik Azərbaycan
media@sputniknews.com
+74956456601
MIA „Rossiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
gürcüstan, azərbaycan, ermənistan, avtomobil, yol, kilometr, avropa, tranzit, dəhliz, nəqliyyat, hisroqovşaq
gürcüstan, azərbaycan, ermənistan, avtomobil, yol, kilometr, avropa, tranzit, dəhliz, nəqliyyat, hisroqovşaq
Gürcüstan Azərbaycan və Ermənistan sərhədlərinə avtomobil yolları çəkəcək
Əsas yolun hissələrinin layihələndirilməsi işləri Dünya Bankının (DB) maliyyə dəstəyi ilə Niderland şirkəti tərəfindən həyata keçirilib.
BAKI, 22 avqust — Sputnik. Gürcüstanın Regional İnkişaf və İnfrastruktur Nazirliyinin Avtomobil Yolları Departamenti Şərq-Qərb sürətli avtomobil yolunun bir hissəsi olan Gürcüstan ərazisindən Azərbaycan və Ermənistan sərhədlərinə qədər avtomobil yollarının tikintisi üçün beynəlxalq satınalma qaydaları üzrə tender elan edib. məlumat verib.
Söhbət Gürcüstanı Azərbaycan və Ermənistan sərhədləri ilə birləşdirən Şərq-Qərb və Şimal-Cənub beynəlxalq nəqliyyat dəhlizlərinin tərkib hissəsi olan Rustavi-Qırmızı körpü və Algeti-Sadaxlo yollarının hissələrinin tikintisindən gedir.
Layihəyə əsasən, xarici işıqlandırma sistemi ilə ümumilikdə 61,3 km uzunluğunda dördzolaqlı beton magistral, 26 körpü və 11 nəqliyyat qovşağı tikiləcək ki, bu da bütün zəruri beynəlxalq yol təhlükəsizliyi tələblərinə cavab verəcək.
Sahələrin tikintisi dörd lot üzrə aparılır və bunun üçün iki tender elan edilib. Tikinti işlərinə 2025-ci ildə başlanacaq və bütün dörd hissənin tikintisi işlərin başlanmasından 30 ay sonra mərhələlərlə başa çatdırılacaq.
Layihə Avropa İnvestisiya Bankı (AİB) və Gürcüstan hökumətinin birgə maliyyələşdirməsi ilə həyata keçiriləcək və AİB bunun üçün 250 milyon avro kredit ayırıb.
Əsas yolun hissələrinin layihələndirilməsi işləri Dünya Bankının (DB) maliyyə dəstəyi ilə Niderland şirkəti tərəfindən həyata keçirilib.
Şərq-Qərb sürətli avtomobil yolunun tikintisi və təkmilləşdirilməsi ölkədə həyata keçirilən ən mühüm layihələrdən biridir.
Şərq-Qərb magistralı və ya Avropa Tranzit Yolu E-60 Brestdən (Fransa) başlayıb İrkeştamda (Qırğızıstan) bitən ikinci ən böyük Avropa tranzit dəhlizidir. Gürcüstanda E-60 Azərbaycanla sərhəddən başlayır və Qara dəniz sahilində Poti limanı yaxınlığında bitir, buradan marşrut Türkiyə sərhədinə qədər davam edir. Gürcüstan ərazisində dəhlizin uzunluğu 392 kilometrdir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin. 
