https://sputnik.az/20240821/ust-meymunciceyi-ile-bagli-yeni-pandemiya-dovru-yasanacagi-uzre-narahatliga-esas-yoxdur-466819224.html
ÜST: Meymunçiçəyi ilə bağlı yeni pandemiya dövrü yaşanacağı üzrə narahatlığa əsas yoxdur
ÜST: Meymunçiçəyi ilə bağlı yeni pandemiya dövrü yaşanacağı üzrə narahatlığa əsas yoxdur
Sputnik Azərbaycan
"Mpox" virusunun spesifik müalicəsinin olmadığını qeyd edən Harris bildirib ki, ona qalib gələ biləcək antiviral dərman yoxdur, amma simptomatik müalicə müsbət... 21.08.2024, Sputnik Azərbaycan
2024-08-21T14:01+0400
2024-08-21T14:01+0400
2024-08-21T14:02+0400
meymunçiçəyi
səhiyyə
virus
virus
üst
üst
ümumdünya səhiyyə təşkilatı
https://cdnn1.img.sputnik.az/img/07e8/08/14/466802877_0:84:3072:1812_1920x0_80_0_0_678d4cf834b319c46223f5375ba56b28.jpg
BAKI, 21 avqust — Sputnik. Ümumdünya Səhiyyə Təşkilatının (ÜST) sözçüsü Marqaret Harris bildirib ki, bəşəriyyətin COVID-19 kimi yeni pandemiya dövrü yaşanacağı ilə bağlı narahatlığına əsas yoxdur. Xarici media xəbər verir ki, Harris qlobal araşdırma altında olan və ÜST-nin keçən həftə yayılmasını "beynəlxalq narahatlıq doğuran ictimai sağlamlıq fövqəladə hal" kimi elan etdiyi "Mpox" virusu ilə bağlı fikirlərini çatdırıb. Virusun sürətlə yayılmasının dünya gündəmində olduğunu qeyd edən Harris əlavə edib ki, "Mpox" virusunun iki genetik növü var. Onun sözlərinə görə, keçən il ortaya çıxan yeni virus növü olan "Clade 1b" çox sürətlə yayılır və xüsusilə uşaqlar arasında ölüm nisbəti yüksəkdir. "Bizi çox narahat edən odur ki, çox sürətlə yayılan virus digər ölkələrdə də qeydə alınıb. Burundi, Ruanda, Uqanda və Keniya buna misaldır", ÜST-nin sözçüsü bildirib. "Mpox" virusunun yeni növü olan "Clade 1b" səbəbindən ölüm nisbətlərinin daha yüksək olduğunu ifadə edən Harris qeyd edib ki, xüsusən münaqişə zəminində məcburi köçkün olan azyaşlı uşaqlar immun sisteminin zəif olması üzündən daha tez-tez yoluxurlar. Onun sözlərinə görə, adi çiçək xəstəliyinə və HİV-ə yoluxmuş şəxslərin "Mpox" virusuna yoluxma və ölüm ehtimalı daha yüksəkdir. "Mpox" virusunun spesifik müalicəsinin olmadığını qeyd edən Harris bildirib ki, ona qalib gələ biləcək antiviral dərman yoxdur, amma simptomatik müalicə müsbət nəticə verir. Onun sözlərinə görə, virusa yoluxan xəstələrə qızdırmanı aşağı salan və ağrıkəsici dərmanlar verilməli, həmçinin onlar təcrid edilməlidir. Harris qeyd edib ki, çiçək xəstəliyinə qarşı hazırlanmış peyvəndlər "Mpox"a qarşı da istifadə oluna bilər. O, habelə bu xəstəliklə bağlı karantin rejimi elan etməyə ehtiyac olmadığını deyib. Xəstələrlə təmasda olanlar isə 4 gün ərzində peyvənd olunmalıdır. "Mpox" virusunun yayılma tendensiyasını izləmək üçün yaxşı laboratoriya diaqnostikasına ehtiyac olduğunu deyən Harris, bu xəstəliyə qarşı mübarizədə cəmiyyətlərin iştirakının vacibliyinə diqqət çəkib. O vurğulayıb: "Biz "Mpox" virusunun bütün dünyaya yayılmasını və pandemiyaya çevrilməsini istəmirik. Bu, COVID-19-dan çox fərqli bir virusdur, başqa şəkildə yayılır. COVID-19 hava yolu ilə ötürülür, "Mpox" isə çox yaxın fiziki təmasla yayılır. Buna görə də fiziki təmasla bağlı araşdırmalar havada yayılan virusun qarşısını almaqdan daha asandır. Biz bu virusun səhiyyə sistemlərinə yeni təzyiq göstərməsini istəmirik, ona görə də pandemiyanın qarşısını almaq üçün beynəlxalq əhəmiyyətli ictimai səhiyyə fövqəladə vəziyyəti elan edilib", ÜST-nin sözçüsü vurğulayıb.
Sputnik Azərbaycan
media@sputniknews.com
+74956456601
MIA „Rossiya Segodnya“
2024
Sputnik Azərbaycan
media@sputniknews.com
+74956456601
MIA „Rossiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
meymunçiçəyi, virus, virus, üst, üst, ümumdünya səhiyyə təşkilatı
meymunçiçəyi, virus, virus, üst, üst, ümumdünya səhiyyə təşkilatı
ÜST: Meymunçiçəyi ilə bağlı yeni pandemiya dövrü yaşanacağı üzrə narahatlığa əsas yoxdur
14:01 21.08.2024 (Yenilənib: 14:02 21.08.2024) "Mpox" virusunun spesifik müalicəsinin olmadığını qeyd edən Harris bildirib ki, ona qalib gələ biləcək antiviral dərman yoxdur, amma simptomatik müalicə müsbət nəticə verir.
BAKI, 21 avqust — Sputnik. Ümumdünya Səhiyyə Təşkilatının (ÜST) sözçüsü Marqaret Harris bildirib ki, bəşəriyyətin COVID-19 kimi yeni pandemiya dövrü yaşanacağı ilə bağlı narahatlığına əsas yoxdur.
Xarici media xəbər verir ki, Harris qlobal araşdırma altında olan və ÜST-nin keçən həftə yayılmasını "beynəlxalq narahatlıq doğuran ictimai sağlamlıq fövqəladə hal" kimi elan etdiyi "Mpox" virusu ilə bağlı fikirlərini çatdırıb.
Virusun sürətlə yayılmasının dünya gündəmində olduğunu qeyd edən Harris əlavə edib ki, "Mpox" virusunun iki genetik növü var. Onun sözlərinə görə, keçən il ortaya çıxan yeni virus növü olan "Clade 1b" çox sürətlə yayılır və xüsusilə uşaqlar arasında ölüm nisbəti yüksəkdir.
"Bizi çox narahat edən odur ki, çox sürətlə yayılan virus digər ölkələrdə də qeydə alınıb. Burundi, Ruanda, Uqanda və Keniya buna misaldır", ÜST-nin sözçüsü bildirib.
"Mpox" virusunun yeni növü olan "Clade 1b" səbəbindən ölüm nisbətlərinin daha yüksək olduğunu ifadə edən Harris qeyd edib ki, xüsusən münaqişə zəminində məcburi köçkün olan azyaşlı uşaqlar immun sisteminin zəif olması üzündən daha tez-tez yoluxurlar. Onun sözlərinə görə, adi çiçək xəstəliyinə və HİV-ə yoluxmuş şəxslərin "Mpox" virusuna yoluxma və ölüm ehtimalı daha yüksəkdir.
"Mpox" virusunun spesifik müalicəsinin olmadığını qeyd edən Harris bildirib ki, ona qalib gələ biləcək antiviral dərman yoxdur, amma simptomatik müalicə müsbət nəticə verir. Onun sözlərinə görə, virusa yoluxan xəstələrə qızdırmanı aşağı salan və ağrıkəsici dərmanlar verilməli, həmçinin onlar təcrid edilməlidir.
Harris qeyd edib ki, çiçək xəstəliyinə qarşı hazırlanmış peyvəndlər "Mpox"a qarşı da istifadə oluna bilər. O, habelə bu xəstəliklə bağlı karantin rejimi elan etməyə ehtiyac olmadığını deyib. Xəstələrlə təmasda olanlar isə 4 gün ərzində peyvənd olunmalıdır.
"Mpox" virusunun yayılma tendensiyasını izləmək üçün yaxşı laboratoriya diaqnostikasına ehtiyac olduğunu deyən Harris, bu xəstəliyə qarşı mübarizədə cəmiyyətlərin iştirakının vacibliyinə diqqət çəkib. O vurğulayıb: "Biz "Mpox" virusunun bütün dünyaya yayılmasını və pandemiyaya çevrilməsini istəmirik. Bu, COVID-19-dan çox fərqli bir virusdur, başqa şəkildə yayılır. COVID-19 hava yolu ilə ötürülür, "Mpox" isə çox yaxın fiziki təmasla yayılır. Buna görə də fiziki təmasla bağlı araşdırmalar havada yayılan virusun qarşısını almaqdan daha asandır. Biz bu virusun səhiyyə sistemlərinə yeni təzyiq göstərməsini istəmirik, ona görə də pandemiyanın qarşısını almaq üçün beynəlxalq əhəmiyyətli ictimai səhiyyə fövqəladə vəziyyəti elan edilib", ÜST-nin sözçüsü vurğulayıb.
