https://sputnik.az/20240820/azerbaycan-pomidor-ixracindan-139-milyon-dollar-gelir-elde-edib---esas-bazar-rusiyadir-466775749.html
Azərbaycan pomidor ixracından 139 milyon dollar gəlir əldə edib - Əsas bazar Rusiyadır
Azərbaycan pomidor ixracından 139 milyon dollar gəlir əldə edib - Əsas bazar Rusiyadır
Sputnik Azərbaycan
Ekspert bildirib ki, məhsulumuz rahat şəkildə Rusiya və Belarus bazarlarına çıxır. Azərbaycan pomidorunun ixrac qiyməti bahalaşıb. Həm ixrac qiymətində... 20.08.2024, Sputnik Azərbaycan
2024-08-20T09:18+0400
2024-08-20T09:18+0400
2024-08-20T09:18+0400
pomidor
iqtisadiyyat
bazar
rusiya
azərbaycan
https://cdnn1.img.sputnik.az/img/07e5/01/16/426025705_0:107:3069:1833_1920x0_80_0_0_4b40643dd07d05b81fe71433377c1d14.jpg
BAKI, 20 avqust — Sputnik. Azərbaycanın pomidor ixracından gəlirləri kəskin artıb. Dövlət Gömrük Komitəsinin məlumatına əsasən, 2024-cü ilin yanvar-iyul aylarında Azərbaycandan 139,5 milyon dollar dəyərində 117 min ton pomidor ixrac olunub. Pomidor ixracı ötən ilin eyni dövrü ilə müqayisədə dəyər ifadəsində 15,3 milyon dollar (12,3%), miqdar ifadəsində 5065 ton (4,5%) artıb. Azərbaycan pomidorunun ixrac qiyməti bahalaşıb İqtisadçı-ekspert Xalid Kərimli Sputnik Azərbaycan-a deyib ki, Azərbaycan pomidoru əsasən Rusiya və Belarusa ixrac edir:Ekspertin sözlərinə görə, ixrac artdıqca yerli bazarda pomidor baha olacaq. İxrac daxili bazarda qiymətləri artıran faktordur. Lakin hazırda daxili bazarda pomidorun baha olmasına açıq sahələrdə yetişdirilən pomidorun məhsuldarlığı da təsir göstərir. Aqrar sahə üzrə ekspert Mircavid Həsənov Sputnik Azərbaycan-a deyib ki, ixracın artması bazarın tələbidir. Rusiya bazarında Azərbaycan pomidoruna tələb artıb. Bu məsələni bazar tənzimləyir. 1 ton pomidorun orta ixrac qiyməti nə qədər artıb? Qeyd edək ki, Dövlət Gömrük Komitəsinin məlumatına əsasən, 2024-cü ilin yanvar-iyul aylarında Azərbaycanın 1 ton pomidorunun orta ixrac qiyməti 1193 dollar (2028 manat) olub. Keçən ilin eyni dövründə isə 1 ton pomidorun orta ixrac qiyməti 1109 dollar (1885 manat) təşkil edib. Beləliklə, illik müqayisədə bu il 1 ton pomidorun orta ixrac qiyməti 84 dollar (142,8 manat) artıb. Dövlət Statistika Komitəsinin məlumatına əsasən, 2024-cü ilin 6 ayında Azərbaycanın cəmi pomidor ixracının 98,6%-i Rusiyanın payına düşüb. Komitə bu istiqamətdə 7 aylıq məlumatları hələlik açıqlamayıb. Xatırladaq ki, Azərbaycan keçən il 162 milyon dollar dəyərində 140 min ton pomidor ixrac edib. Keçən il Azərbaycan pomidoru əsasən Rusiyaya göndərilib. Belə ki, ötən il Azərbaycanın pomidor ixracının 97,8 faizi Rusiya bazarının payına düşüb. Azərbaycanın Qida Təhlükəsizliyi Agentliyi Rusiyaya ixrac üçün yalnız Rusiyanın müvafiq qurumu tərəfindən icazə verilmiş müəssisələrin məhsullarına laborator müayinələrdən sonra fitosanitar sertifikatlar verir. Beynəlxalq ticarət qaydalarına, həmçinin idxalçı ölkənin idxal tələblərinə əsasən yalnız zərərvericilərdən azad təsərrüfatlardan məhsulun ixracı mümkündür. Yalnız beynəlxalq standartlara uyğun məhsul istehsal edən, həmçinin zərərvericilərə qarşı lazımi səviyyədə tədbirlər həyata keçirən təsərrüfatlarda istehsal olunmuş məhsullar ixrac oluna bilər.Digər maraqlı xəbərləri həmçinin Sputnik Azərbaycan-ın Teleqram kanalından izləyin.
https://sputnik.az/20240730/azerbaycanin-ab-olkelerine-pomidor-ixraci-artir-466378891.html
azərbaycan
Sputnik Azərbaycan
media@sputniknews.com
+74956456601
MIA „Rossiya Segodnya“
2024
Xalid Məmmədov
https://cdnn1.img.sputnik.az/img/07e5/06/10/427232791_167:-1:1127:960_100x100_80_0_0_3163a67afe6eda2fe28ebb5d0ec95939.jpg
Xalid Məmmədov
https://cdnn1.img.sputnik.az/img/07e5/06/10/427232791_167:-1:1127:960_100x100_80_0_0_3163a67afe6eda2fe28ebb5d0ec95939.jpg
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
Xalid Məmmədov
https://cdnn1.img.sputnik.az/img/07e5/06/10/427232791_167:-1:1127:960_100x100_80_0_0_3163a67afe6eda2fe28ebb5d0ec95939.jpg
pomidor, bazar, rusiya, azərbaycan
pomidor, bazar, rusiya, azərbaycan
Azərbaycan pomidor ixracından 139 milyon dollar gəlir əldə edib - Əsas bazar Rusiyadır
Ekspert bildirib ki, məhsulumuz rahat şəkildə Rusiya və Belarus bazarlarına çıxır. Azərbaycan pomidorunun ixrac qiyməti bahalaşıb. Həm ixrac qiymətində bahalaşma, həm də ixrac miqdarının artması gəlirlərin yüksəlməsinə səbəb olub.
BAKI, 20 avqust — Sputnik. Azərbaycanın pomidor ixracından gəlirləri kəskin artıb. Dövlət Gömrük Komitəsinin məlumatına əsasən, 2024-cü ilin yanvar-iyul aylarında Azərbaycandan 139,5 milyon dollar dəyərində 117 min ton pomidor ixrac olunub. Pomidor ixracı ötən ilin eyni dövrü ilə müqayisədə dəyər ifadəsində 15,3 milyon dollar (12,3%), miqdar ifadəsində 5065 ton (4,5%) artıb.
Azərbaycan pomidorunun ixrac qiyməti bahalaşıb
İqtisadçı-ekspert Xalid Kərimli Sputnik Azərbaycan-a deyib ki, Azərbaycan pomidoru əsasən Rusiya və Belarusa ixrac edir:
"Məhsulumuz rahat şəkildə Rusiya və Belarus bazarlarına çıxır. Azərbaycan pomidorunun ixrac qiyməti bahalaşıb. Həm ixrac qiymətində bahalaşma, həm də ixrac miqdarının artması gəlirlərin yüksəlməsinə səbəb olub. Xaricdə pomidorun bahalaşması, ixrac qiymətinin artması sahibkarlarımızı ixraca təşviq edir. Bu zaman sahibkar maraqlı olur ki, böyük miqdarda məhsul ixrac etsin".
Ekspertin sözlərinə görə, ixrac artdıqca yerli bazarda pomidor baha olacaq. İxrac daxili bazarda qiymətləri artıran faktordur. Lakin hazırda daxili bazarda pomidorun baha olmasına açıq sahələrdə yetişdirilən pomidorun məhsuldarlığı da təsir göstərir.
Aqrar sahə üzrə ekspert Mircavid Həsənov Sputnik Azərbaycan-a deyib ki, ixracın artması bazarın tələbidir. Rusiya bazarında Azərbaycan pomidoruna tələb artıb. Bu məsələni bazar tənzimləyir.
1 ton pomidorun orta ixrac qiyməti nə qədər artıb?
Qeyd edək ki, Dövlət Gömrük Komitəsinin məlumatına əsasən, 2024-cü ilin yanvar-iyul aylarında Azərbaycanın 1 ton pomidorunun orta ixrac qiyməti 1193 dollar (2028 manat) olub. Keçən ilin eyni dövründə isə 1 ton pomidorun orta ixrac qiyməti 1109 dollar (1885 manat) təşkil edib. Beləliklə, illik müqayisədə bu il 1 ton pomidorun orta ixrac qiyməti 84 dollar (142,8 manat) artıb.
Dövlət Statistika Komitəsinin məlumatına əsasən, 2024-cü ilin 6 ayında Azərbaycanın cəmi pomidor ixracının 98,6%-i Rusiyanın payına düşüb. Komitə bu istiqamətdə 7 aylıq məlumatları hələlik açıqlamayıb.
Xatırladaq ki, Azərbaycan keçən il 162 milyon dollar dəyərində 140 min ton pomidor ixrac edib. Keçən il Azərbaycan pomidoru əsasən Rusiyaya göndərilib. Belə ki, ötən il Azərbaycanın pomidor ixracının 97,8 faizi Rusiya bazarının payına düşüb.
Azərbaycanın Qida Təhlükəsizliyi Agentliyi Rusiyaya ixrac üçün yalnız Rusiyanın müvafiq qurumu tərəfindən icazə verilmiş müəssisələrin məhsullarına laborator müayinələrdən sonra fitosanitar sertifikatlar verir. Beynəlxalq ticarət qaydalarına, həmçinin idxalçı ölkənin idxal tələblərinə əsasən yalnız zərərvericilərdən azad təsərrüfatlardan məhsulun ixracı mümkündür. Yalnız beynəlxalq standartlara uyğun məhsul istehsal edən, həmçinin zərərvericilərə qarşı lazımi səviyyədə tədbirlər həyata keçirən təsərrüfatlarda istehsal olunmuş məhsullar ixrac oluna bilər.
Digər maraqlı xəbərləri həmçinin Sputnik Azərbaycan-ın Teleqram kanalından izləyin. 
