https://sputnik.az/20240819/seki-ve-oguzda-movsumun-ilk-toxum-sergi-satis-yarmarkasi-kecirilib---foto-466779665.html
Şəki və Oğuzda mövsümün ilk toxum sərgi-satış yarmarkası keçirilib - FOTO
Şəki və Oğuzda mövsümün ilk toxum sərgi-satış yarmarkası keçirilib - FOTO
Sputnik Azərbaycan
Toxum sərgi-satış yarmarkası çərçivəsində fermerlərə sertifikatlı toxumun əldə olunması, sortların regionların torpaq-iqlim xüsusiyyətlərinə uyğun düzgün... 19.08.2024, Sputnik Azərbaycan
2024-08-19T16:18+0400
2024-08-19T16:18+0400
2024-08-19T16:18+0400
kənd təsərrüfatı nazirliyi
iqtisadiyyat
toxum
festival
https://cdnn1.img.sputnik.az/img/07e8/08/13/466779121_0:0:2500:1407_1920x0_80_0_0_4bf1d566816be823435b67bc157cc5ad.jpg
BAKI, 19 avqust — Sputnik. Kənd Təsərrüfatı Nazirliyinin Aqrar İnnovasiya Mərkəzinin təşkilatçılığı ilə Şəki və Oğuz rayonlarında mövsümün ilk toxum sərgi-satış yarmarkası və Aqrar Biznes Festivalı keçirilib. Nazirlikdən Sputnik Azərbaycan-a bildiriblər ki, toxum sərgi-satış yarmarkasında payızlıq dənli bitkilərin əkini üçün yüksək reproduksiyalı, sertifikatlı toxumlar nümayiş olunub. Sərgidə Kənd Təsərrüfatı Nazirliyinin qurumları və digər dövlət müəssisələri, yerli toxum istehsalçıları, iri toxum istehsalı və satışı ilə məşğul olan şirkətlər, həmçinin kənd təsərrüfatının digər sahələrində ixtisaslaşmış yerli şirkətlər iştirak ediblər. Şəki şəhəri "ASAN xidmət" mərkəzi və Oğuz rayonu Olimpiya İdman Kompleksinin ərazisində keçirilən yarmarkalarda Şəki-Zaqatala iqtisadi rayonundan olan fermerlər qatılıblar. Sərgidə dənli (arpa, buğda), tərəvəz bitki sortları və toxumları, kənd təsərrüfatı təyinatlı müxtəlif texnika və aqreqatlar, innovativ suvarma texnologiyaları, alternativ enerji mənbələri, pambıq əkinində tətbiq olunan yeni texnologiyalar, müasir texnologiyalar əsasında əldə olunmuş əkin materialları və bitki mühafizə vasitələri nümayiş olunub. Toxum sərgi-satış yarmarkası çərçivəsində fermerlərə sertifikatlı toxumun əldə olunması, sortların regionların torpaq-iqlim xüsusiyyətlərinə uyğun düzgün seçilməsi, toxumların təmizlənməsi barədə ətraflı məlumat verilib. Kənd Təsərrüfatı Nazirliyinin müvafiq qurumları fermerlərə operativ məsləhət xidməti göstəriblər. Tədbirdə COP29 tədbirinin prioritetlərinə uyğun olaraq alternativ enerji qurğuları, ekoloji məhsullar, iqlim dəyişikliyinə davamlı yerli meyvə-tərəvəz toxumları və məhsulları da sərgilənib. Hər iki rayonda təşkil olunan sərgi və festivallarda fermerlər üçün kredit yarmarkaları da təşkil olunub. Yarmarkalarda 10-a yaxın bank və bank olmayan kredit təşkilatı öz məhsullarının sərgiləyib, fermerlərə güzəştli kreditlərlə bağlı məlumatlar veriblər. Tədbir çərçivəsində fermerlərə Aqrar Sığorta Fondunun mütəxəssisi Toğrul Həşimov tərəfindən "İqlim dəyişikilikləri dövründə kənd təsərrüfatı üçün aqrar sığorta və onun üstünlükləri", Aqrar Xidmətlər Agentliyinin mütəxəssisi Kənan Tapdıqlı tərəfindən "Zərərli orqanizmlərə qarşı inteqrir mübarizə (İPM) üsulu və tətbiqi", "Sara Group" şirkətinin aqronomu Damət Soltanov tərəfindən "Qlobal iqlim dəyişikliyi şəraitində bitki yetişdiriciliyinin əsasları və bitki mühafizə tədbirləri", "MT Group" şirkətinin mütəxəssisi Xoşqədəm Ələsgərova tərəfindən "Taxıl bitkilərinin aqrotexniki qulluq qaydaları, düzgün toxum seçilməsi" mövzularında təlimlər keçirilib. Toxum bazarını və yerli toxumçuluğu inkişaf etdirmək, həmçinin payızlıq əkinlər ərəfəsində fermerlərin sertifikatlaşmış, iqlimə uyğun, keyfiyyətli toxuma əlçatanlığını təmin etmək məqsədilə Aqrar İnnovasiya Mərkəzi tərəfindən Goranboy, Tərtər, Ağsu, Zərdab, Beyləqan, Cəlilabad, Masallı, Neftçala, Qax, Balakən, Şabran rayonlarında da toxum sərgi-satış yarmarkalarının təşkili nəzərdə tutulur. Qeyd edək ki, toxum sərgi-satış yarmarkaları Kənd Təsərrüfatı Nazirliyinin Aqrar İnnovasiya Mərkəzinin təşkilatçılığı, Aqrar Xidmətlər Agentliyi, Azərbaycan Toxumçular Assosasiyası və bir sıra özəl şirkətlərin birgə tərəfdaşlığı ilə keçirilir.Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Sputnik Azərbaycan
media@sputniknews.com
+74956456601
MIA „Rossiya Segodnya“
2024
Xalid Məmmədov
https://cdnn1.img.sputnik.az/img/07e5/06/10/427232791_167:-1:1127:960_100x100_80_0_0_3163a67afe6eda2fe28ebb5d0ec95939.jpg
Xalid Məmmədov
https://cdnn1.img.sputnik.az/img/07e5/06/10/427232791_167:-1:1127:960_100x100_80_0_0_3163a67afe6eda2fe28ebb5d0ec95939.jpg
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
Xalid Məmmədov
https://cdnn1.img.sputnik.az/img/07e5/06/10/427232791_167:-1:1127:960_100x100_80_0_0_3163a67afe6eda2fe28ebb5d0ec95939.jpg
kənd təsərrüfatı nazirliyi, toxum, festival
kənd təsərrüfatı nazirliyi, toxum, festival
Şəki və Oğuzda mövsümün ilk toxum sərgi-satış yarmarkası keçirilib - FOTO
Toxum sərgi-satış yarmarkası çərçivəsində fermerlərə sertifikatlı toxumun əldə olunması, sortların regionların torpaq-iqlim xüsusiyyətlərinə uyğun düzgün seçilməsi, toxumların təmizlənməsi barədə ətraflı məlumat verilib.
BAKI, 19 avqust — Sputnik. Kənd Təsərrüfatı Nazirliyinin Aqrar İnnovasiya Mərkəzinin təşkilatçılığı ilə Şəki və Oğuz rayonlarında mövsümün ilk toxum sərgi-satış yarmarkası və Aqrar Biznes Festivalı keçirilib.
Nazirlikdən Sputnik Azərbaycan-a bildiriblər ki, toxum sərgi-satış yarmarkasında payızlıq dənli bitkilərin əkini üçün yüksək reproduksiyalı, sertifikatlı toxumlar nümayiş olunub. Sərgidə Kənd Təsərrüfatı Nazirliyinin qurumları və digər dövlət müəssisələri, yerli toxum istehsalçıları, iri toxum istehsalı və satışı ilə məşğul olan şirkətlər, həmçinin kənd təsərrüfatının digər sahələrində ixtisaslaşmış yerli şirkətlər iştirak ediblər.
Şəki şəhəri "ASAN xidmət" mərkəzi və Oğuz rayonu Olimpiya İdman Kompleksinin ərazisində keçirilən yarmarkalarda Şəki-Zaqatala iqtisadi rayonundan olan fermerlər qatılıblar.
Sərgidə dənli (arpa, buğda), tərəvəz bitki sortları və toxumları, kənd təsərrüfatı təyinatlı müxtəlif texnika və aqreqatlar, innovativ suvarma texnologiyaları, alternativ enerji mənbələri, pambıq əkinində tətbiq olunan yeni texnologiyalar, müasir texnologiyalar əsasında əldə olunmuş əkin materialları və bitki mühafizə vasitələri nümayiş olunub.
Toxum sərgi-satış yarmarkası çərçivəsində fermerlərə sertifikatlı toxumun əldə olunması, sortların regionların torpaq-iqlim xüsusiyyətlərinə uyğun düzgün seçilməsi, toxumların təmizlənməsi barədə ətraflı məlumat verilib. Kənd Təsərrüfatı Nazirliyinin müvafiq qurumları fermerlərə operativ məsləhət xidməti göstəriblər.
Tədbirdə COP29 tədbirinin prioritetlərinə uyğun olaraq alternativ enerji qurğuları, ekoloji məhsullar, iqlim dəyişikliyinə davamlı yerli meyvə-tərəvəz toxumları və məhsulları da sərgilənib.
Hər iki rayonda təşkil olunan sərgi və festivallarda fermerlər üçün kredit yarmarkaları da təşkil olunub. Yarmarkalarda 10-a yaxın bank və bank olmayan kredit təşkilatı öz məhsullarının sərgiləyib, fermerlərə güzəştli kreditlərlə bağlı məlumatlar veriblər.
Tədbir çərçivəsində fermerlərə Aqrar Sığorta Fondunun mütəxəssisi Toğrul Həşimov tərəfindən "İqlim dəyişikilikləri dövründə kənd təsərrüfatı üçün aqrar sığorta və onun üstünlükləri", Aqrar Xidmətlər Agentliyinin mütəxəssisi Kənan Tapdıqlı tərəfindən "Zərərli orqanizmlərə qarşı inteqrir mübarizə (İPM) üsulu və tətbiqi", "Sara Group" şirkətinin aqronomu Damət Soltanov tərəfindən "Qlobal iqlim dəyişikliyi şəraitində bitki yetişdiriciliyinin əsasları və bitki mühafizə tədbirləri", "MT Group" şirkətinin mütəxəssisi Xoşqədəm Ələsgərova tərəfindən "Taxıl bitkilərinin aqrotexniki qulluq qaydaları, düzgün toxum seçilməsi" mövzularında təlimlər keçirilib.
Toxum bazarını və yerli toxumçuluğu inkişaf etdirmək, həmçinin payızlıq əkinlər ərəfəsində fermerlərin sertifikatlaşmış, iqlimə uyğun, keyfiyyətli toxuma əlçatanlığını təmin etmək məqsədilə Aqrar İnnovasiya Mərkəzi tərəfindən Goranboy, Tərtər, Ağsu, Zərdab, Beyləqan, Cəlilabad, Masallı, Neftçala, Qax, Balakən, Şabran rayonlarında da toxum sərgi-satış yarmarkalarının təşkili nəzərdə tutulur.
Qeyd edək ki, toxum sərgi-satış yarmarkaları Kənd Təsərrüfatı Nazirliyinin Aqrar İnnovasiya Mərkəzinin təşkilatçılığı, Aqrar Xidmətlər Agentliyi, Azərbaycan Toxumçular Assosasiyası və bir sıra özəl şirkətlərin birgə tərəfdaşlığı ilə keçirilir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin. 
