Tarixdə bu gün: 8 avqust – FOTO
© Sputnik
Abunə olmaq
Bu gün müxtəlif illərdə dünyada və ölkədə baş verən hadisələr barədə Sputnik Azərbaycan-ın icmalında oxuyun.
BAKI, 8 avqust — Sputnik. Avqustun 8-də bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəlib. Bu gün həmçinin tarixə düşən hadisələr də baş verib.
Avqustun 8-də kim anadan olub?
Yuli Qusman (1943) - Sovet və Rusiya teatr, kino rejissoru, teleaparıcı, aktyor, RF əməkdar incəsənət xadimi, Azərbaycanın xalq artistidir. O, Rusiya Kinematoqrafiya Akademiyasının ilk milli "Nika" mükafatının təsisçisi və bədii rəhbəridir.
Rasim Balayev (1948) - Azərbaycan SSR xalq artisti, teatr və kino aktyorudur. O, "Nəsimi", "Babək", "Dədə Qorqud" və s. filmlərdə oynadığı rollarla tamaşaçıların sevgisini qazanıb.
Rasim Balayev
© Photo : courtesy of Rasim Balayev
Akif İslamzadə (1948) - Azərbaycan estrada müğənnisidir. O, 1986-cı ildə xəstəlik səbəbindən səsini itirib.
Akif İslamzadə
© Photo : Ministry of Culture of the Republic of Azerbaijan
Erl Kemeron (1917-2020) - ingilis aktyorudur. O, İngiltərədə məşhurlaşan ilk qaradərili aktyorlardan biridir. Aktyorun 1951-ci ildə "Londonda hovuz" filmindəki çıxışı ingilis kino tarixində qaradərili aktyorun ilk baş rolu olub.
Dastin Hoffman (1937) - ABŞ səhnə və kino aktyorudur. O, "Kramer Kramerə qarşı", "Yağış adamı", "Misli görülməmiş" və s. filmlərdə rol alıb.
Dastin Hoffman
© AP Photo / PHIL MCCARTEN
Rocer Federer (1981) isveçrəli peşəkar tennisçidir. O, bir çox rekordun sahibidir. 2003-cü il Rocerin ilk Böyük Dəbilqə serialı turnirində çempion olmağı ilə yadda qalıb.
Rocer Federer
© AP Photo / BERNAT ARMANGUE
8 avqust tarixində dünyada baş verən tarixi hadisələr
1786-cı ildə isveçrəli həkim Mişel Pakkar Avropanın ən yüksək zirvəsini - Monblanı fəth edən ilk şəxs olub. Məhz bu gün Beynəlxalq Alpinizm Günü olur.
1929-cu ildə Almaniyanın "Qraf Tsepellin" dirijablı ilk dəfə Yer kürəsi ətrafında uçuşa çıxıb. 20 gün ərzində o, 34 min km-dən çox məsafəni uğurla qət edib.
1949-cu ildə Strasburqda Avropa Şurasının ilk iclası keçirilib.
2004-cü ildən məhz bu gündə anadan olan Sovet və Rusiya mikrocərrah-oftalmoloqu, tibb professoru, Rusiya Tibb Elmləri Akademiyasının akademiki Svyatoslav Fedorovun xidmətlərinin qiymətləndirilməsi məqsədilə Beynəlxalq Oftalmologiya Günü qeyd edilir.
2008-ci ildə Çinin paytaxtı Pekində XXIX Yay Olimpiya Oyunlarının təntənəli açılış mərasimi olub. Azərbaycan idmançıları Pekində 7 medal qazanıblar.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
